Tag Archive for 'StarCraft II'

Spike VGA 2010 leikjahátíðin var haldin í gærkvöldi í Bandaríkjunum og fjöldi leikja var kynntur sem mun að öllu eðlilegu skila sér í hendur leikjaunnenda á næsta ári, semsagt 2011 fyrir þá sem eru ekki alveg vissir.

Við munum reyna að dekka þetta eftir bestu getu og verða sýnirhorn af hverjum og einum leik hérna fyrir neðan, ef að þið viljið sjá vídeóin sem eru frá Gametrailers í betri HD gæðum mælum við með að þið smellið á HD útgáfuna í glugganum.

Eitt af því fyrsta sem var sýnt var trailer fyrir Batman: Arkham City sem er framhals eins besta leiks byggðan á teiknimyndum/bókum/myndum líklega fyrr og síðan og það var Batman: Arkham Asylum sem kom út árið 2009.

Það sem maður tekur eftir í þessu myndbroti er að Hugo Strange virðist vera aðalóvinur Batmans að þessu sinni og það sem gerir hann svona hættulegan er að hann er einn af fáum sem vita í raun hver Batman er og getur notað það gegn honum. Í raun var ekkert úr leiknum sýnt, en þrátt fyrir það fáum við góða tilfiningum fyrir stíl leiksins og hvað er verið að stilla upp.

Í frétt sem gladdi okkar hjörtu mikið, enda gallharðir RPG nördar í gegn. Þá hefur Bethsda Softworks staðfest að þeir eru að vinna að nýjum Elder Scrolls leik, og stemmir það við frétt okkar fyrir stuttu um þann orðróm. Nýju leikurinn kallast The Elder Scrolls V: Skyrim.

Það er erfitt að segja nákvæmlega hvað hann verður um þar sem að Bethesda eru vanir að halda slíkum hlutum að sér þangað til á sýningum eins og E3 þegar þeir sýna leikinn spilanlegan rétt fyrir útgáfu. Við sáum dreka og grunum að þeir verði stór hluti af sögunni.

Leikurinn mun koma út þann 11. Nóvember 2011 fyrir PC, Xbox 360 og Playstation 3.

Eftir orðróma í langan tíma og okkar óskhyggju hefur EA loksins staðfest nýja SSX leik í formi SSX Deadly Decents. Cgi trailer var sýndur af nokkrum hörðum nöglum að grýta sér fram að risa fjalli eftir að hafa komið þangað með þyrlu. Sýnishornið lofar flakki um heiminn að finna besta snjóinn. Takk EA þú lést jólin koma snemma handa okkur og fékk okkur pínu til að trúa á Jólasveinana.

Annar jólaglaðningur frá EA er í formi Mass Effect 3 frá Bioware sem mun koma út fyrir jólin 2011. Þetta þýðir að PS3 eigendur frá tvenna Mass Effect leikji til að byrja og enda árið á. Mass Effect 2 kemur út 21. Janúar.

Í Mass Effect 3 planar Bioware að klára trilogíu sýna með epískum hætti og er jörðin í mikklum vanda þar sem að Reapers eru búnir að hefja innrás á jörðina og sýnishornið sýnir leyniskyttu á toppi Big Ben í London og sýnir borgina sem vígvöll og geimskip um allan himinn og hermaður biður um að Sheppard komi sem fyrst og bjargi þeim.

Einn leikur sem við getum ekki beðið eftir þegar hann kemur í lok 2011 á PC, Xbox 360 og PS3 og okkur hlakkar svo til að sjá afleiðingar ákvarðanna okkar í gegnum Mass Effct 1-2 og hvaða áhrif og afleiðingar það mun hafa að koma með savið okkar inní Mass Effect 3.

Uncharted 3: Drake’s Deception var kynntur og virðist hann ætla að vera epískur leikur í alla staði og gefa síðasta leik ekkert eftir. Eyðirmörkin er nýjasta sögusviðið eins og við fjölluðum um daginn. Klárlega önnur skyldukaupin í safn PS3 eigenda og virðist ætla að verða einn af leikjum ársins 2011 strax ef að má marka fyrri leiki Naughty Dog.

Takið frá þann 1. Nóvember 2011 fyrir þennan leik á PS3.

Microsoft afrekaði að sýna heilan einn leik sem skilar sér eingöngu á Xbox 360 í formi nýjum leik í hini bráðskemmtilegu Forza bíla seríu þeirra og Turn 10. Forza Motorsports 4 á að koma næsta vetur og styður Kinect hreyfitæknina og venjulega stýripinna og stýri og ætti að verða mikill hvalreki fyrir bílaunnendur á 360.

Prototype 2 er framhald sandkassaleiks sem koma út 2009 og var á þeim tíma í vissri samkeppni við inFamous. Sá síðarnefndi rúllaði reyndar yfir Prototype á nær alla vegu. Núna er nýr leikur á leiðinni og við vonum að þeir lagi vankantana sem háði fyrri leikinn. Hann var nefnilega með skemmtilega hugmynd og gerði margt vel, það sem háði honum mest var ójöfn leikjahönnum og erfiðleika stilling.

Við vonum það besta með þennan þegar hann skilar sér 2012.

Leikstjórinn Guilermo del Toro sem þekktastur er líklega fyrir Pan´s Labryth og Hellboy myndirnar kynnti nýjasta verkefni sitt ásamt THQ og Volition hönnuðum Saint’s Row og Red Faction leikjanna. Leikurinn kallasta Insaine og er hryllingsleikur. Það er erfitt að segja mikið um leikinn, enda á hann ekki að koma fyrir en 2013 sem er gríðalega langur tími í burtu og margt getur gerst í millitíðinni.

En þessi blanda af Del Toro og Volition og þó spennandi að fylgjast með.

Að lokum er að Resistance 3 skotleikurinn frá Sony og Insomniac Games sem gera einnig Ratchet & Clank leikina góðu. Heimurinn er vel í rúst eftir að Chimera hafa laggt undir sig heiminn og síðustu leyfa mannkynsins reyna að berjast fyrir lífi sýnu og tilverunni. Sýnishornið er nokkuð flott og blandar saman leiknu efni og sýnirhorni úr spilun.

Leikurinn á að koma út þann 6. Sept 2011 á PS3.

Það er vægt tekið til orða að segja að 2011 muni reynast gríðalega stórt leikja ár, ofan á allt þetta fyrir ofan eru síðan leikir eins og;

Dead Space 2, LittleBigPlanet 2, Bulletstorm, Killzone 3, Duke Nukem: Forever, F.E.A.R 3, Deus Ex: Human Revolution, Dragon Age II, The Witcher 2, Crysis 2, Red Faction: Armageddon, Star Wars: The Old Republic, RAGE, Homefront, inFmaous 2 og Gears of War 3 ofl.

Allir þessir leikir eru planaðir á næsta ári og það er bara hluti alls sem er að koma út 2011, þó má alltaf gera ráð fyrir einhverjum seinkunum eins og ávallt.

Það er eins gott að byrja að safna núna, vegna þess að 2011 stefnir í að vera epískt leikja ár.

Kv.
GameTíví

Heimild: GameTrailers og Giantbomb

Deila/Frétt