- Ekkert venjulegt sjónvarp

Síður Skjásins

Archive for the 'Fréttir' Category

Page 2 of 84

The Elder Scrolls MMO að veruleika og kemur 2013 á PC/Mac

Published on 4. May, 2012 in Fréttir. 4 Comments Tags: , , , , , , , , .

Orðrómar um að The Elder Scrolls Online MMO netleikur hafi verið í vinnslu er búin að vera þráðlátur og höfum við sagt ykkur fréttir af því áður. Eins og oft er þá eiga orðrómar til að vera réttir og núna er engin undantekning.

Júní hefti Gameinformer mun innihalda fyrstu upplýsingarnar um The Elder Scrolls Online og er hægt að sjá kápu þeirra hérna fyrir neðan.

Leikurinn er unnin af Zenimax Online Studios og mun færa leikmönnum í þúsundavís þá fjölbreytni og könnum á heimum sem Elder Scrolls serían er þekkt fyrir. Leikmenn kanna nýjan kafla í sögu Elder Scrolls sem gerist þúsund árum fyrir atburði The Elder Scrolls V: Skyrim og segir frá því þegar Daedric prinsinn Molag Bal reynir að ná völdum yfir allri Tamriel.

“Það verður ótrúlega gaman að geta loksins kynnt hvað við höfum verið að vinna að síðustu árin,” sagði Matt Frior sem leiðir verkefnið og er vel vanur MMO bransanum og hafði áður unnið hjá Mythic að Dark Age of Camelot. “Allt liðið er sameinað í að búa til besta mögulega MMO leik fyrr og síðar – og þann sem stendur sem best undir The Elder Scrolls nafninu”.

Júni hefti Gameinfomer mun innihalda upplýsingar um hluti eins og einmennings ævintýri, dýfflissur og PvP spilun leiksins sem leikmenn munu keyra áfram. Það verða þrjár fylkingar til að velja á milli í baráttunni um Cyrodiil og hásæti Keisarans sjálfs.

Við munum síðan uppfæra fréttina þegar að Gameinformer munu verða með fyrsta sýnishornið úr leiknum ásamt skjáskotum úr honum.

Leikurinn verður líklega vel kynntur á E3 2012 eftir nokkrar vikur og er síðan áætlaður að koma út 2013 fyrir PC og Mac.

Kv.
GameTíví

Heimild: Gameinformer

DLC plön Max Payne 3 kynnt

Published on 3. May, 2012 in Fréttir. 0 Comments Tags: , , , , , , , , , , , , , .

Eitt af því sem er órjúfanlegur hluti tölvuleikja í dag er hið óumflýjanlega DLC eða niðurhalsefni sem vanalega kemur út í nokkrun tíma eftir að tölvuleikur kemur út og bætir við nýju efni við leikinn til að lengja líftíma hans.

Það kemur fáum á óvart að Rockstar Games hafa kynnt að hasar leikur þeirra Max Payne 3 sem kemur eimmit út þann 15. Maí muni fá þéttan stuðning af DLC á næstu mánuðum og vikum.

Frá og með í þessari viku geta þeir sem ætla að fá sér Max Payne 3 forpantað Season pass (ekki ólíkan þeim sem L.A. Noire og Gears of War 3 t.d fengu), og mun hann gefa 35% afslátt af heildar verðinu. Passinn mun kosta 2400 Ms punkta eða $29.99/£19.99 á PC og PlayStation 3.

Fyrsta viðbótin við Max Payne 3 mun koma út í Júní og heita Local Justice Map Pack og mun bæta við fjölspilun leiksins.

Rockstar menn eru ekkert að spara það og hafa gefið út útgáfu áætlunina og nöfn þeirra DLC pakka sem eru í vændum:

Sumar 2012

  • Disorganized Crime Map Pack
  • Deathmatch Made In Heaven Mode Pack
  • Hostage Negotiation Map Pack
  • New York Minute Co-Op Pack

Haust 2012

  • Painful Memories Map Pack
  • Trickle Down Economics Map Pack

Við vitum ekki alveg hvað mun vera sögutengt fyrir utan Co-op pakkan síðasta í sumar en vonandi er Painfull Memories pakkinn sögutengdur líka.

Það styttist óðum í að Max Payne 3 komi út og bendir allt til að Rockstar Games séu með hittara í formi Max Payne 3.

Kv.
GameTíví

Heimild: Giantbomb

Diablo III mun leyfa fólki að spila við aðra um allan heim

Published on 3. May, 2012 in Fréttir. 2 Comments Tags: , , , , , , , , .

Diablo III mun leyfa leikmönnum að spila á móti öðrum um allan heim í gegnum Global Play hluta leiksins að sögn Blizzard hönnuða leiksins

Eins og líst er á Battle.net, þá munu leikmenn vera upprunalega flokkaðir í gegnum þrjú svæði á netþjónum leiksins: Ameríku (Bandaríkin, Kanada, M-Ameríka, Ástralía, Nýja Sjáland og Suður Asía), Evrópa (Evrópusambandslönd, A-Evrópu, Rússland, Afríka (skrítin landafræði þarna) og M-Austurlöndin) og síðan Asía (S-Kórea, Taiwan, Hong Kong og Macau).

Með Global Play verður hægt að hoppa á milli þessa netþjóna til að spila við vini útí heimi áður eða eftir að þið skráið ykkur inn til að spila.

Eins og með margt þá eru einhverjar takmarkanir á þessu. Karakterar, hlutir og vina listar munu ekki fylgja á milli netþjóna. Það sama á við um Auction hús leiksins og það sem hann selur.

Það sem að þetta táknar er að ef að þér langar að nota alvöru aura í Auction House þá er bara hægt að gera það á heima netþjóni ykkar. Á útlensku netjónunum verður ekki hægt að leika sér með alvöru peninga bara gull innan leiksins.

Hægt er að lesa sér hvernig Global Play virkar nánar á FAQ á heimasíðu Diablo III.

Kv.
GameTíví

Heimild: Eurogamer

Black Ops 2 formlega kynntur, gerist í náinni framtíð

Published on 2. May, 2012 in Fréttir. 2 Comments Tags: , , , , , .

Activision létu lítið fara fyrir sér um helgina og tóku upp á því að stríða aðdáendum Call of Duty seríunnar með ýmsum myndum sem voru birtar á hverjum einasta degi fyrir næsta leikinn í seríunni, Black Ops 2.

Sögusvið leiksins mun eiga sér stað í „seinni kalda stríðinu“ eins og þeir vilja kalla það. Árið er 2025 og tæknin hefur farið alveg gríðarlega fram þar sem bæði vopn og önnur faratæki hafa tekið á sig miklar breytingar.

Stiklan hér að neðan sýnir nokkuð veginn við hverju má búast í einspilunarhluta leiksins. Fjölspilunarhlutinn mun að sjálfsgöðu ekki vanta og verður hann eflaust kynntur bráðlega. Uppvakningarnir verða einnig á sínum stað og hafa Treyarch lofað stærsta Zombie upplifun hingað til.

Call of Duty aðdáendur geta farið að láta sig hlakka til, enn.. eina.. ferðina… Black Ops 2 er væntanlegur þann 13. nóvember 2012 fyrir Xbox 360, Playstation 3 og PC.

Heimildir: digitalwarfare247

- Daníel Rósinkrans

Stalker 2 hrekkur upp af og Survarium fæðist úr leifunum

Published on 1. May, 2012 in Fréttir. 0 Comments Tags: , , , , , , , , , , .

S.T.A.L.K.E.R. 2 var búin að ganga í gegnum frekar erfitt framleiðsluferli og leit lengi vel út fyrir að ekkert úr yrði af útgáfu hans og aðdáendur fyrri leikja gátu bara haldið í vonina að GSC fyrirtækið næði að redda sér.

Því miður verður raunin ekki slík og stór hluti GSC hefur stofna nýtt stúdíó að nafni Vostok Games og vinnur nú af nýjum free2play MMOFps leik að nafni Survarium sem er með ræturnar óneitanlega fastar í Stalker heiminum.

Leikurinn gerist í náinni framtíð þar sem að mikklar náttúruharmfarir hafa skaðað jörðina og hefur lítið verið gefið upp hvað gerðist. Leikurinn einblínir á

Þéttir og óyfirstíganlegir skógar þekkja borgir frá öllum áttum, villt dýr og fuglar ráðast á byggingar, hernaðarmannvirki, vöruhús og aflstöðvar. Skrítnar plöntur og sveppir vaxa í gegnum steypuna og stálið. Vísindarmenn um allan heim vinna að ná tökum á ástandinu sem breyðist útum allan heiminn á ógnarhraða. Lönd falla inná sig, stjórnleysi breiðist hratt útum heiminn. Máttur er það eina sem stjórnar hver lifir af.

Leikurinn mun verða sögudrifinn netskotleikur sem Vostok Games mun auka við og bæta við stöðum og efni með tímanum. Það verður engin söguspilun eða spilun utan netsins. Framleiðendur leiksins taka fram að það verði mikilvægara að lifa af en að skjóta hvað sem hreyfist.

Leikurinn mun keyra á nýrri grafíkvél sem heitir Vostok Engine og er áætlað að leikurinn komi út í lok 2013.

Kv.
GameTíví

Ubisoft kynna Rayman Legends til sögunnar, sérstök útgáfa fyrir Wii U

Published on 30. April, 2012 in Fréttir. 0 Comments Tags: , , , , , , .

Allir ættu að geta verið sammála um að Rayman hafi átt magnaða endurkomu á síðasta ári í samnefndum leik, Rayman Origins sem kom út fyrir allar gerðir leikjavélar. Fyrir það hafði kappinn haft það ansi erfitt í þar sem trilltar kanínur virtust hafa tekið yfir völd með ýmsum látum.

En hvað það varðar sló Rayman Origins heldur betur í gegn með allt að 87 stig af 100 samkvæmt Metacritics. Ubisoft kynnu svo sannarlega að meta það og hafa kynnt til sögunnar nýjan grip sem mun bera titilnafnið Rayman Legends.

Nokkrar breytingar hafa verið gerðar að leiknum, svo sem nýjar persónur, nýir fjölspilunar möguleikar, meira keppnisskap svo eitthvað sé nefnt. Hins vegar mun nýja leikjatölvan frá Nintendo, Wii U njóta heldur betur góðs af og fá sérstaka útgáfu af leiknum sem er hönnuð með WiiPad í huga.

Í myndbandinu hér fyrir neðan má meðal annars sjá Wii U útgáfuna í spilun og þá eiginleika sem hún ber í skauti með sér.

Annars verður tekið mjög vel á móti Rayman Legends ef allt gengur vel líkt og í fyrra skiptið. Rayman það svo sannarlega skilið!

- Daníel Rósinkrans

Niðurtalning fyrir næsta Call of Duty leik er hafin!

Published on 27. April, 2012 in Fréttir. 0 Comments Tags: , , , , , , , , .

Líkt eins og jörðin snýst í kringum sólina að þá er væntanlegur nýr Call of Duty leikur fyrir þetta árið.

Activision hafa sett upp nýja niðurtalningu sem lýkur ekki fyrr en 1. maí, nánartiltekið í hléinu í fyrstu „Playoffs“ umferðinni í NBA deildinni. Gera má ráð fyrir að þeir afhjúpi nýjan leik í þessari geysivinsælu seríu og vilja margir meina að Black Ops 2 verði næstur á dagskrá.

Nokkrir punktar hafa jafnvel gefið til kynna að Black Ops 2 sé næstur í röðinni. Til dæmis hefur hinn vinsæli byssufíkill, FPS Russia fengið að stýra nýjum fjarstýrðum þyrlubúnaði, „Quadrotor“ þar sem hann þakkar hönnuðum Call of Duty seríunnar fyrir að fjármagna myndbandið. Einnig hafa verið birtar nýjar myndir sem benda allt til þess að þær séu skjáskot úr sjálfum leiknum.

Ekkert hefur þó verið staðfest að svo stöddu og má gera ráð fyrir að mörgum spurningum verði svarað þegar niðurtalningunni loksins líkur. Hér fyrir neðan má svo sjá myndbandið frá FPS Russia þar sem hann fer að kostum með hjálp Quadrotor.

Niðurtalninguna má finna á heimasíðu leiksins: www.callofduty.com

- Daníel Rósinkrans

The Binding of Isaac fær ný viðbót í maí

Published on 26. April, 2012 in Fréttir. 0 Comments Tags: , , , , .

Einn mesti slembi leikur síðasta árs hlýtur að vera The Binding of Isaac frá framleiðendunum Team Meat sem gerðu meðal annars hinn geysivinsæla Super Meat Boy. Leikurinn reynir svo sannarlega á hæfni spilarans þar sem bæði heppni og stórar ákvarðanir koma mikið við sögu, því jú, þú veist ALDREI hvað þú átt í raun von á.

Í fyrstu umferð ert þú ofur ógn þar sem enginn stendur í vegi fyrir þér á meðan þú berst fyrir lífi þínu í þeirri næstu og mátt þakka Guði fyrir að halda lífi. Þar af leiðandi verður leikurinn nánast aldrei eins sem bætir spilun hans töluvert.

Talandi um að bæta við spilun, því að einn af meðstofnendum Team Meat, Edmund McMillen hefur tilkynnt ný viðbót fyrir leikinn sem ber undirheitið Wrath of the Lamb sem á eftir að bæta töluvert við leikinn. Edmund fullyrðir að viðbótin muni bæta við 50% af nýju efni við það sem enn er komið og að hann hafi eytt meiri klukkustundum í þau heldur en sjálfan leikinn.

Wrath of the Lamb mun kosta heilar 400 ísl. krónur og hér fyrir neðan má svo lesa þær viðbætur sem settar hafa verið í pakkann.

  • 10+ endakarlar
  • 100+ nýjir hlutir
  • 20+ óvinir
  • 4 kaflar
  • 1 ný persóna
  • 6 herbergi
  • 40+ opnanlegir hlutir
  • 4+ lög
  • 1 loka endir
  • 7+ slembi aðgerðum
  • 5 mjög svo sjaldgæfir hlutir
  • 5 ný kort
  • 4 nýjar pillur
  • 10 nýjar áskoranir
  • Heilll haugur af nýjum afrekum.

Við hvetjum alla til þess að tékka á The Binding of Isaac fyrir þá sem hafa hvorki spilað né heyrt getið til gripsins nú þegar þar sem hann kostar ekki mikið og er alveg sérstaklega ávanabindandi. Nýju viðbótin ættu að hressa verulega upp á spilun leiksins þegar þau loks koma út í næsta mánuði.

Heimildir: Eurogamer

- Daníel Rósinkrans

Kingdom Hearts 3D: Dream Drop Distance fær útgáfudag

Published on 25. April, 2012 in Fréttir. 4 Comments Tags: , , , , , , , , .

Aðdáendur Kingdom Hearts leikjanna geta loksins andað léttar á ný. Square Enix hafa nelgt niður dagsetningu fyrir nýjasta leikinn í seríunni, Kingdom Hearts 3D: Dream Drop Distance fyrir Nintendo 3DS og mun gripurinn herja á vélina þann 20. júlí næstkomandi.

Undanfarin ár hafa verið gefnir út leikir fyrir alls konar leikjavélar með þeim tilgangi að teygja söguna enn frekar frá því sem sagt hefur verið í bæði Kingdom Hearts eitt og tvö. Þannig fá aðdáendurnir að krifja uppruna Sora og félaga úr Disney heiminum enn betur til að fá svör við ýtarlegum spurningum sem upp hafa komið á ferðalagi þeirra, og já, auðvitað lykilsins góðkunnuga.

Búast má við enn dýpri sögu hvað það varðar í Drop Dream Distance. En eins og áður hefur verið getið er verður leikurinn eingöngu fáanlegur fyrir Nintendo 3DS lófatölvuna.

Annars væri ekki svo vitlaust hugmynd hjá Square Enix að hanna loksins alvöru leik sem fengi titilinn Kingdom Hearts 3 og kæmi út fyrir Playstation 3 leikjavélina. Maður má alltaf láta sig dreyma…

Heimildir: Joystiq

 - Daníel Rósinkrans

Risen 2 krækir sér í smá seinkun á leikjavélunum

Published on 24. April, 2012 in Fréttir. 0 Comments Tags: , , , , , , , , , .

Þýski hlutverka leikurinn Risen 2: Dark Waters hefur fengið smá seinkun fram í byrjun ágúst. Seinkunin á reyndar bara við útgáfu leiksins á PS3 og Xbox 360 en Pc útgáfan mun koma út á réttum tíma.

Risen 2: Dark Waters mun núna koma út þann 27. Apríl a PC og 31. Júlí í N-Ameríku og 3. Ágúst í Evrópu fyrir PS3 og Xbox 360.

Til að bæta fyrir seinkunina á leikjavélunum um þessar nokkru vikur hefur útgefandi leiksins Deep Silver kynnt að The Air Temple DLC muni verða frítt fyrir þá á leikjavélunum og inniheldur það nokkra klukkutíma spiluna þar sem að hetjan þarf að finna týnt musteri og uppruna loft galdranna.

Fyrri Risen leikurinn var sæmilegur en ekki án sinna galla og virkar nýji talsvert meira metnaðarfyllri og vonumst við að hann reynist góð skemmtun.

Kv.
GameTíví

Heimild: Joystiq