Nú hefur janúar mánuður tekið enda og útgáfudagar á nýjum leikjum hefur farið fækkandi upp á síðkastið til þess að jafna út allan þann leikjaunað sem streymdi yfir okkur seinni partinn síðasta árs. Enda er upphaf hvers árs glæsilegur tími til þess að ná sér niður og renna yfir í gegnum þá leiki sem menn eiga eftir að ljúka við og eiga betra skilið.
Ekki eru allir leikjaframleiðendur á því máli og nýta kannski mánuðinn til þess að ná góðum árangri á meðan leikjarisarnir undirbúa árið 2012 fyrir eitthvað mikilfenglegt. Indí fyrirtækið Toxic Games nýttu sér þann kost að minnsta kosti og gáfu út leikinn Q.U.B.E., eða Quick Understanding of Block Extrusion. Þeim hefur tekist að ná góðum árangri og hefur leikurinn nú þegar skilað inn hagnaði og gert upp kostnaðarverðið sem tók að búa til leikinn.
Hérna er fín kynning á leiknum frá Giantbomb síðunni sem dekkar hann sæmilega vel
En hvað er Q.U.B.E.?
Q.U.B.E. tilheyrir flokki þrautaleikja þar sem leikurinn fær fólk til þess að brjóta heilann og leysa hinar ýmsar þrautir til þess að komast á leiðarenda. Aðgerðirnar eru mjög einfaldar í hugsun þar sem leikurinn skartar einungis 5-6 kubba sem þjóna allir mismunandi hlutverki. Kubbunum er gefið ákveðin lit sem leiðbeina manni hvaða kubbur gerir hvað. Sem dæmi er blár kubbur notaður til þess að gefa persónu þinni stökkkraft til þess ná ákveðnum hæðum á meðan gulur býr til einhverns konar stiga á þrjá mismunandi vegu.
Q.U.B.E. minnir mikið á Portal frá Valve, nema hvað að hér fá spilendur önnur verkfæri í hendurnar sem þeir þurfa að notast við. Physics vélin er helsti óvinur spilarans að þessu sinni og hefðu Toxic Games mátt eyða meiri tíma í að gera hana betri. Leiknum er skipt niður í nokkur svæði sem gerir leikinn örlítið fjölbreyttan. Það má segja að 85% af leiknum sé unnið úr svörtu og hvítu en samt sem áður tekst framleiðendunum að skapa skemmtilegt umhverfi og sem gefur leiknum einstakt andrúmsloft, ólíkt flestum leikjum nú til dags. Þó varir leikurinn aðeins í 3-4 klukkustundir en hann réttlætir þó allan þann tíma fyrir frumleika sinn.
Það er óhætt að mæla með Quick Understanding of Block Extrusion frá Toxic Games og fæst leikurinn eingöngu á Steam vefversluninni eins og er á aðeins $14.99. Þeir sem vilja skemmtilegan og fjölbreyttan þrautaleik ættu að tékka á Q.U.B.E., allavega á sýnishorni leiksins.
- Daníel Rósinkrans
„Maximum Console!“
Loading ...
Nýleg comment