Author Archive for Daníel Rósinkrans

En hvað er svona sérstakt við Max Payne? Við hér á GameTíví.is tókum upp á því að hita upp fyrir þriðja hlutann með því að endurspila bæði Max Payne eitt og tvö til að koma sterkir til leiks þegar Max Payne 3 dettur loksins inn.

Það sem einkennir báða Max Payne leikina er að sagan er sögð í formi myndasögu í stað „cut-scene“ sem sést í svo mörgum leikjum nú til dags. Hann sækir innblástur sinn í noir kvikmyndastílinn þar sem sjálfur Max Payne segir sögu sína og leiðir þig um leið í gegnum þann hasar sem hann verður fyrir. Báðir leikirnir gerast á tveim til þremum nóttum frá því að sagan er fyrst sögð. Í upphaf leikjanna er komið að því þegar allt er á leið norður og niður en svo er þér hennt aftur í tímann eða þremur dögum áður en viðkomandi atburður á sér stað.

Sjálfur er Max Payne grjótharður nagli sem kallar ekki allt ömmu sína. Hann starfar hjá NYPD (New York Police Depardment) og er óhræddur að fara sína eigin leiðir, þrátt fyrir að hann komist í kast við lögin og þar að auki er hann eftirlýstur út um alla New York borg. Ólánið leikur heldur betur við honum því lengra sem haldið er og vilja flest allir glæpamenn hann feigann, því þeim er alls ekki vel við það sem Max Payne þefar upp. Hann er þó mannlegur rétt eins og ég og þú nema líf hans tekur á sig miklar breytingar sem leiðir til þess að hann neyðist til að leita svara frá hinum óhuggnalegustu aðilum og gengur þó lengra en flestir menn myndu í raun þora.

Max Payne, úr Max Payne eitt

Því fær engum leynt að leikirnir séu farnir að segja til sín daginn í dag og þá sérstaklega Max Payne eitt sem kom út fyrst árið 2001. Nýjasta útgáfa leiksins kom annars vega út fyrir iOS stýrikerfin í síðasta mánuði en sú útgáfa sem um er rædd er fyrir PC vélarnar. Leikirnir bjóða upp á fjöldan allan af vopnum frá skammbyssum, haglabyssum og yfir í sniper riffla sem þú getur valið á milli til þess að ganga frá þeim sem verða í vegi fyrir þér. Aftur á móti er sérsvið seríunnar hið svo kallaða „bullet time“ sem gefur þér kleift að hægja á tímanum til að ná stjórn á öllu því sem gerist í senn. Það er ómögulegt að komast í gegnum leikina án þess að nýta sér þann kost, enda veltur spilun leikjanna upp úr því sem gerir hana svo einstaka. Það sést hins vegar langar leiðir að framleiðendur leiksins höfðu reynt sig áfram með örlitlum feluleik, eða „stealth“ spilun sem tókst því miður afar illa að útfæra í Max Payne eitt. Þeir höfðu nefnilega óvart sett ósýnileg augu á hnakkanum á þeim ásamt lyktarskyni sem greinir þig úr marga metra fjarlægð.

Max Payne 2: The Fall of Max Payne gerir nærrum allt sem fyrsti leikurinn bauð upp á nema hvað að hann gerir allt mikið betur. Remedy gerðu allt hárrétt þegar kom að gerð leiksins. Þeir einfaldlega notuðu betrum bætta grafíkvél (MAX-FX 2.0), tóku gripinn allan í gegn og fíngerðu alla spilunina á öllum sviðum. Til að mynda er loks hægt að læðast upp að óvinum án þess að allir koma auga á þig um leið. Meiri að segja eru teikningarnar mun betri og skartar leikurinn öll þau smáatriði, svo sem hljóð og svipbrigði sem tengir þig mun betur inn í sjálfa söguna. Fullt af óvæntum uppákomum eru jafnvel bættar við sem við látum kjurrt liggja, ef þið skylduð vilja grípa í leikina áður en haldið er í þriðja gripinn.

 Örlitlar breytingar frá fyrri leiknum, eða hitt og heldur

Upplifunin er alveg einstök og er nokkuð ljóst að Remedy höfðu eitthvað að segja með velgengni seríunnar, ásamt Rockstar sem eru ekkert annað en fagmenn þegar kemur að gerð tölvuleikja. En í dag, nánartiltekið 18. maí kemur svo út þriðji gripurinn í seríunni sem á eflaust eftir að gleðja hjörtu harðkjarna Max Payne aðdáendur sem virðast vera ófáir þarna úti. Biðin hefur verið löng og ströng til dagsins í dag og hjálpaði ekki til þar sem leiknum hafði verið frestað nokkrum sinnum. En hvað þarf Max Payne 3 að skarta til þess að uppfilla þær kröfur sem gerðar eru til hans?

Graffíkin spilar mikið hlutverk í þessu framhaldi enda eru liðin þó nokkuð mörg ár frá síðustu innkomu kappans. Líkt og áður verður vonandi mikil áhersla lögð á „bullet time“ sem hefur gefið seríunni sérstakan svip hingað til, enda verður fátt betra en njóta þeirrar spilun í frábærum gæðum. Hins vegar buðu fyrri leikirnir ekki upp á maður á mann spilun þar sem hnefar voru beittir á loft. Ekki væri verra ef að Max Payne tæki upp á því að nota þá til þess að sýna óvinum í tvo heimanna, þ.e.a.s. ef þannig kringumstæður koma upp á.

Sverrir Bergmann mættur til leiks?

Andrúmsloftið hefur hingað til verið alveg sérstakt og má þakka noir kikmynda stílnum fyrir þau afbrigði. Það væri ekki verra ef Rockstar keyrðu söguna áfram á svipuðum hátt og Remedy gerðu áður fyrr með hjálp „cut-scenes“ í þokkabóti. Ekki sem minnst á frábæran söguþráð sem situr lengi og vel í manni eftir á. Fjölspilunin er annars vegar algjört aukaatriði til þess að lengja spilun leiksins, enda eiga eflaust margir eftir að missa sig yfir henni á einhvern hátt eða annan. Það hafa ekki mörgum tekist að keppa við fjölspilunarrisana sem eru þarna úti nú þegar, hver veit nema að hann eigi eftir að koma fólki í opna skjöldu og ná góðri velgengni? Nei, ætli það nokkuð..

Það er eflaust hægt að telja upp ótæmandi lista af frábærum atriðum sem búist er við í Max Payne 3, bæði af efni sem hefur nú þegar verið kynnt til sögu eða það sem á enn eftir að koma í ljós. Hvert stefnir til dæmis sagan með Max Payne að þessu sinni? Þetta er aðeins brot af því sem okkur datt í hug til þess að miðla með ykkur. Nú eru það Rockstar Games sem taka algjörlega við stjórnvölinn og það verður afar fróðlegt að sjá hvernig þeim tekst að útfæra sína útgáfu af Max Payne. Við höldum þó fast í vonina að allt gangi upp og við tökum breytingum með opnum örmum ef farið er rétt að þessu öllu saman.

Nú er ekkert annað í stöðunni en að skella sér út í búð og næla sér í gripinn. Ýtarleg Max Payne 3 umfjöllun er svo væntanleg á næstunni á vefnum okkar GameTíví.is.

- Daníel Rósinkrans

Deila/Frétt