- Ekkert venjulegt sjónvarp

Síður Skjásins

Author Archive for admin

Capcom lítur hýru auga til Evrópu fyrir útbreiðslu Monster Hunter

Published on 9. April, 2009 in Uncategorized. 1 Comment

Það eru fáar tölvuleikjaseríur sem komast með tærnar þar sem Monster Hunter hefur hælana… í Japan. Monster Hunter leikirnir eru ávanabindandi hasarhlutverkaleikir þar sem leikmenn eiga að berjast við skrímsli, safna hlutum, bæta persónu sína, berjast við skrímsli, safna hlutum bæta per… þið náið þessu líklega. Vandinn er hins vegar að Monster Hunter serían hefur ekki verið neitt sérstaklega vinsæl á vesturlöndum. Þessu ætlar Capcom hins vegar að breyta.

Capcom hafa heitið því að beita sér fyrir frekari útbreiðslu Monster Hunter seríunnar utan Japans og ætla sér að nota nýstárlega aðferð til þess að láta fleiri vita að serían er til og nýtur vinsælda: Markaðssetningu. Það vantaði nefnilega svolítið upp á auglýsingaherferðir og slíkt fyrir fyrri leiki.

Monster Hunter serían er búin að stökkva niður af PlayStation stallinum og seinna á þessu ári mun Monster Hunter 3 koma út fyrir Nintendo Wii. Vonast Capcom til þess að ná að fanga hug og hjörtu og einkalíf leikjaspilenda með beittri auglýsingaherferð og sterkari markaðssetningu en áður.

Þá stefnir fyrirtækið á að gefa út Monster Hunter Freedom Unite, en það er vestræna útgáfan af Monster Hunter Portable 2nd G sem kom út í Japan og naut svo mikilla vinsælda að ekki mátti stíga upp í lest með PSP vél án þess að annar maður í sama vagni heimtaði að fá að spila með manni.

Heimildir: Edge Online

Kveðja,
GameTíví

Stalin VS. Martians, nú skulum við dansa!

Published on 8. April, 2009 in Uncategorized. Closed
Hvað er málið með þennan leik? Þann 20. apríl kemur út splunkunýr herkænsku leikur sem heitir á því furðulega nafni Stalin VS. Martians og á hann sér engan líkan. Þú ferð í hlutverk Stalin sem þarf að kljást við marsbúa sem reyna að hertaka jörðina af einhverjum ástæðum. Ekki er vitað hvernig leikurinn fer fram en eitt er víst að danshæfileikar gætu komið sér vel að gagni.

Heimildir: Joystiq

Kveðja,
Game Tíví

Shadow of the Colossus kvikmynd í bígerð?

Published on 8. April, 2009 in Uncategorized. 7 Comments
Það er margt sem handrits höfundum kvikmynda dettur í hug hvað varðar gerð kvikmynda sem eru búnar til eftir tölvuleikjum. Við höfum heyrt að kvikmyndir eftir leikjunum BioShock, God of War, Mass Effect og fullt af fleiri myndum séu í vinnslu um þessar mundir. Það versta við þetta allt saman að þær þykja ekki góðar og verða margir fyrir vonbrigðum eftir að hafa spilað leikina og horft svo á kvikmyndirnar.

Nú á dögum hófust orðrómar um það að Shadow of the Colossus kvikmynd sé í bígerð. Þetta meistaraverk frá Team Ico kom út árið 2005 fyrir Playstation 2 og laðaði að sér frábærum dómum með allt að 91.68% samkvæmt gamerankings. Talið er að handrits höfundurinn Justin Marks, komi til með að skrifa handrit fyrir myndina og þykja þær ekki góðar fregnir. Hann skrifaði meðal annars handritið fyrir Street Fighter: The Legend of Chun-Li sem þótti ekki koma vel út.

Eins og staðan er í dag að þá eru þetta aðeins orðrómar. En værir þú til þess að sjá kvikmynd um risana 16 sem komu fram í Shadow of the Colossus?

Heimildir: Joystiq

Kveðja,
Game Tíví

colossus

Red Faction aprílgabbið var ekkert gabb

Published on 6. April, 2009 in Uncategorized. 3 Comments

Volition Inc. var með ansi gott aprílgabb þetta árið – þeir settu upp myndband sem sýnir hvernig hlutir eru hannaðir og bætt inn í leiki, og tóku fyrir einn ákveðinn og fáránlegan hlut: Strútshamar. Sem sagt, strút sem hægt er að nota sem hamar. Í alvörunni. Hugmyndin kom frá spjallþræði á NeoGAF þar sem fyrstu skjáskotin úr leiknum voru birt.

Viðbrögðin við gabbinu voru jákvæð enda gott glens, en margir vildu sjá þetta verða að veruleika í lokaútgáfu leiksins, og viti menn, það var víst alltaf ætlunin hjá Volition. Hægt verður að nota strútinn í fjölspilunarhluta leiksins og verður hann einungis einn margra annara hluta sem verða læstir til að byrja með en hægt verður að opna fyrir þá með einhverjum kúnstum.

Þá er bara spurning hvort það verði hægt að ráðast á óvini sína með gervityppi.

Heimildir: Joystiq

Kveðja,
GameTíví

Street Fighter IV mótið var haldið um helgina..

Published on 6. April, 2009 in Uncategorized. 10 Comments

Á sunnudaginn var haldið Íslandsmeistaramótið í Street Fighter IV.  Alls mættu 16 keppendur til leiks sem börðust hatrammri baráttu um gullið.  Það var limalangi afríkubúinn Dhalsim sem vann mótið, en hann lék listir sínar í höndum Cyrus Ali Khashabi, sem sýndi einstaka takta og ljóst að hann hefur spilað Street Fighter leikina 1-2 áður.

Í öðru sæti var Aron Ívarsson sem barði menn í spað sem hinir ýmsu karakterar og í því þriðja var Gunnar Viðar Valdimarsson sem fór á kostum sem hinn feitlagni E.Honda.

Við þökkum þátttakendum og áhorfendum kærlega fyrir stemminguna á sunnudaginn og klárt að við endurtökum leikinn áður en langt um líður.


Sverrir Bergmann horfir öfundaraugum á Cyrus og óskar þess að hann væri jafn góður í SF..:haha:

Majora’s Mask er loksins kominn út á Virtual Console

Published on 4. April, 2009 in Uncategorized. Closed
Sá leikur sem margir Wii eigendur
hafa beðið spenntir yfir að sjá fáanlegan í gegnum „Virtual Console“ ku
vera The Legend of Zelda: Majora’s Mask. Leikurinn er núna loksins
kominn út og er hægt að nálgast hann í gegnum Virtual Console á heila
1000 Wii punkta.

Í Majoras Mask fá spilendur að leika Link eins
og ávallt, þar sem hann berst við hinn illa Skull Kid sem rændi
Majora’s grímunni af einum grímu sölumanni. Skull Kid misnotar vald
grímunnar með því að draga tunglið niður að Terminal sem er landið sem
sagan gerist í að þessu sinni.

Link þarf þá að stöðva hann en
hann hefur einungis 72 tíma til þess að framkvæma ýmis verk áður en
Skull Kid tekst áætlunar verk sitt. Þess vegna þarf Link ávallt spila
hið kunnuglega „Song of Time“ til þess að fara aftur í tímann og beita
ólíkum aðferðum í hvert sinn.

Zelda aðdáendur ættu ekki að vera lengi að fjárfesta í gripinn því þeir vita alveg hvað bíður þeirra. Þeir sem hafa ekki spilað leikinn nú þegar ættu að tékka á honum í gegnum Virtual Conslone á Nintendo Wii.

Heimildir: Eurogamer

Kveðja,
Game Tíví

Activision stefna hátt með Modern Warfare 2

Published on 4. April, 2009 in Uncategorized. 4 Comments
Á GDC ráðstefnunni í síðustu viku var kynntur nýr skotleikur sem er væntanlegur þann 10. nóvember á þessu ári. Já, við erum að tala um Modern Warfare 2 í anda Call of Duty leikjanna sem hefur fengið nýtt nafn. Í gær tilkynnti Activision að þeir ætla að stefna hátt með leiknum og vonast til þess að hann verði best seldi leikur allra tíma.

Það verður ansi erfitt að ná því markmiði en það er auðvitað ekki ómögulegt. Þeir munu keppa við vinsæla leiki um jólin á borð við X-Factor og nýja Harry Potter leikinn en þeir hafa selst mjög vel undanfarin ár. Einn af starfsmönnum hjá Activison sagði að Modern Warfare 2 gæti orðið skemmtilegasti leikur ársins 2009 og þykir það ekki ólíklegt, þ.e.a.s. ef þeim tekst jafnvel og þeir  gerðu með Call of Duty: Modern Warfare.

Það verður spennandi að sjá hvernig þeim mun ganga með Modern Warfare 2. En hvað haldið þið, á Modern Warfare 2 séns í að verða best seldi leikur allra tíma?

Heimildir: Eurogamer

Kveðja,
Game Tíví

Valve taka „The Sniper“ í gegn fyrir Team Fortress 2

Published on 4. April, 2009 in Uncategorized. Closed
Valve fyrirtækið hefur staðið vel að verki við að uppfæra leikinn Team Fortress 2 sem kom út meðal annars í Orange Box og svo síðar í stöku formi stutt eftir það. Það hefur ávallt verið nóg að gera hjá aðdáendum leiksins þar sem þeir hafa tekið persónurnar í gegn og bætt við hjá þeim ný vopn og aðrar breytingar sem gerir þá ennþá skemmtilegri í spilun.

Í næstu uppfærslu verður „The Sniper“ tekinn fyrir og mun hann fá einhver góðgæti til þess að sigrast á óvinum sínum. Hann verður fimmti maðurinn til þess að erfa þennan heiður því „Heavy, Pyro, Scout og Medic“ hóparnir hafa allir fengið svipaðar breytingar sem tengjast þeim á sérstakan hátt.

Þessi uppfærsla verður sú stærsta frá því að leikurinn kom út því henni fylgir einnig ný borð og fleiri spilunar möguleikar. Uppfærslan mun bæði verða gefinn út fyrir PC og Xbox360 en því miður hefur hún ekki fengið neina dagsetningu eins og er. Team Fortress 2 spilendur þurfa því að bíða ennþá lengur en ættu samt að fá eitthvað fyrir sinn snúð þegar hún dettur inn.

Heimildir: Eurogamer

Kveðja,
Game Tíví

2K breyta titlinum enn og aftur í BioShock 2

Published on 3. April, 2009 in Uncategorized. Closed
Þeir hjá 2K Games hafa haft mjög annríkt að gera síðustu daga varðandi nafna breytingar og önnur verkefni. Fyrir stuttu síðan sögðum við ykkur frá því að þeir hjá 2K hafi hent út undirtitlinum „Sea of Dreams“ í BioShock 2 og mun hann einungis heita BioShock 2. Stuttu seinna tilkynntu þeir að þeir ætli að halda Sea of Dreams nafninu og mun hann bera það nafn þegar hann kemur út í haust.

Enn og aftur virðist eitthvað vera í óreglu hjá þeim því þeir gáfu út frétt nú á dögum að leikurinn mun aðeins heita BioShock 2 og ekkert annað. 2K bættu við að þeir eru vanir að skýra myndskeiðirnar sem þeir gefa út og hafði Sea of Dreams nafnið verið hluti af því og ruglað menn í samanburð við leikinn. Þeir báðust innilega afsökunar á öllu flækingum varðandi BioShock 2 en það gladdi þá að sjá hversu margir höfðu áhuga á þessu öllu saman.

Þá er það loksins staðfest að leikurinn mun einungis bera nafnið BioShock 2 þegar hann kemur út í haust á PC, Xbox360 og PS3. Það er gaman að segja frá því að þú ferð í hlutverkið sem hinn upprunalegi „Big Daddy“, og verður gaman að sjá hvernig sagan mun byggjast út frá því.

Heimildir: Eurogamer

Kveðja,
Game Tíví


Titillinn er farinn að rotna yfir öllum þessum breytingum.

Orðrómur: Lord of the Rings Online stefnir á leikjatölvunar?

Published on 2. April, 2009 in Uncategorized. 3 Comments
Síðasta sumar tilkynnti leikjafyrirtækið Turbine að þeir væru að vinna að nýjum MMO leik með eingöngu leikjatölvurnar í huga. Fyrirtækið hefur meðal annars hannað hinn vinsæla Lord of the Rings Online. Fyrir stuttu síðan spratt upp orðrómur að fyrirtækið væri að hanna Xbox 360 útgáfu af Lord of the Rings Online.

Þeir vildu lítið tjá sig um verkið annað en að þeir væru að hanna MMO leik fyrir leikjatölvurnar í samstarfi við Microsoft og Sony. Þeir sögðu einnig að þeir myndu sýna úr leiknum innan nokkra mánuði og megum við búast við því að heyra meira frá þeim þegar líður að sumrinu, vonandi á E3 sem hefst í byrjun júní.

Heimildir: Eurogamer

Kveðja,
Game Tíví