Þegar kreppan var farin að skella á landið og peningarnir voru orðnir í skornum skammti fyrir leikjainnkaupum tókum við upp á því að birta ýmsar vefslóðir sem leiddu að fríum leikjum hér og þar, víða um veraldarvefinn. Leikirnir virtust misgóðir við fyrstu sýn og ef tími gafst til var spilun þeirra nokkuð skemmtileg, hvað varðar fría leiki á netinu.
Valve fyrirtækið, hönnuðir Half-Life seríunnar og Steam vefverslunina, hefur nú slegist í hóp meðal þeirra leikjaframleiðenda sem gefa út leiki algjörlega frítt, þér að kostnaðar lausu. Fyrir rúmri viku síðan gáfu þeir út endurgerða útgáfu af leiknum Alien Swarm sem nýtur sín mjög vel í nýju umhverfi, nýrri grafík og best af öllu, mun betri vopn.
Alien Swarm bíður upp á nýja herferð sem skartar sex verkefnum og allt að 2-4 spilendur geta spilað leikinn saman í “co-op” sem er stærsti kostur leiksins. Eftir hvert verkefni, hvort sem þú tapar eða sigrar, hlaðar þú inn “experience points” sem hækkar þig um “level” og gefur þér aðgang að nýjum vopnum til að þurrka út þær geimverur sem verða í vegi fyrir þér. Einnig skartar leikurinn 64 afrek sem hægt er að ná með því að spila í gegnum leikinn og lengir það spilun leiksins töluvert ef menn sækjast eftir því að ná sem flestum.
Það er óhætt að mæla með Alien Swarm og þykir leikurinn mjög góður, við mælum hiklaust með honum.
Það eina sem þú þarft að eiga er Steam notanda sem þú getur sótt með því að smella “hér“, þá ættir þú að geta hlaðað niður leiknum strax að því loknu!
Kveðja,
Game Tíví
Loading ...
Nice
Godur leikur kominn ‘a level 11, fer ad fa flamethrower