PLAYSTATION®MOVE STÝRIPINNI MEÐ HREYFISKYNJARA MUN BÆTA VIÐ NÝRRI VÍDD Í SPILUN LEIKJA Á PLAYSTATION®3
Nýi stýripinninn mun stuðla að frumlegum leikjum þar sem notendur þurfa að hreyfa sig til að ná árangri, en þegar hafa 36 leikjaframleiðendur lofað stuðningi við PlayStation®Move
Sony Computer Entertainment (SCE) hefur tilkynnt að PlayStation®Move stýripinninn fyrir PlayStation®3 (PS3™) muni koma út í haust og þar með verður hægt að bjóða uppá háskerpu leiki sem byggja á hreyfingu ólíkt öllu öðru sem þegar er á markaðnum. Á sama tíma mun SCE einnig gefa út aukapinna (sub-controller) sem mun vera hægt að nota við hlið PlayStation Move pinnans og mun hann notast í að hreyfa persónur í leikjunum. PlayStation Move settið mun innihalda stýripinnan sjálfan, aukapinnann og PlayStation®Eye myndavélina, en saman munu þessir hlutir gera notendum kleift að upplifa leiki á nýjan hátt á PS3.
PS3 tölvan og PlayStation Eye myndavélin skynja nákvæmar hreyfingar, afstöðu og staðsetningu PlayStation Move stýripinnans í þrívíddarrúmi, en á þann hátt geta notendur spilað leiki á frumlegan máta líkt og þeir sjálfir væru staddir inní þeim. PlayStation Move stýrpinninn er ótrúlega nákvæmur, og skynjar PlayStation Eye myndavélin allar hreyfingar hans hversu hraðar eða hægar sem þær eru. Á stýrpinnanum eru nokkrir takkar og gikkur sem hægt er að nýta í leikjum, en auk þess titrar pinninn þegar hasarinn er hvað mestur og einnig skiptir kúlan sem er efst á honum um lit eftir því hvað er að gerast í leikjunum. Í viðbót við allt þetta getur PlayStation Eye myndavélin tekið upp raddir leikmanna og myndir af þeim sem bætir upplifunina enn meira.
PlayStation Move aukapinnanum geta notendur haldið í annarri hendi, en hann er gerður til að auka enn frekar á upplifunina. Á aukapinnanum er “analog” pinni og takkar til að stýra í hvaða átt menn vilja fara, en þetta auðveldar notendum að hreyfa til persónur sínar í leikjunum. Líkt og allir aðrir stýrpinnar fyrir PS3 inniheldur PlayStation Move lithium rafhlöðu sem hægt er að hlaða upp aftur og aftur. PlayStation Move stýripinninn og aukapinninn munu auka þá upplifun sem notendur fá útúr PS3 tölvunni og mun nýtast vel í hinum ýmsu tegundum leikja.
Þegar hefur tilkynningin um þennan nýja pinna vakið mikla athygli og stuðning frá leikjaframleiðendum, en þegar hafa 36 framleiðendur ákveðið að innihalda spilun í sínum leikjum sem hentar PlayStation Move. Á þessu fjárhagsári mun Sony framleiða meira en 20 leiki sem annaðhvort eru gerðir einungis fyrir þennan nýja stýripinna eða innihalda spilun sem styður virkni hans.
Kv. Game Tíví
Heimild: Sena
Mikið hefur verið að gerast hjá Infinity Ward þessa dagana, og hófst það með því að Jason West og Vince Zampella, yfirmenn fyrirtækisins, voru reknir. Í ársskýrslu Activision kom fram að rannsókn á óhlýðni yfirmanna Infinity Ward væri í rannsókn, og er það nú opinbera ástæðan fyrir brottrekstri West og Zampella.
Sony hefur sent út fréttatilkyningu sem segir að þeir hafi eignast Breska fyrirtækið Media Molecule höfunda hins stórskemmtilega LittleBigPlanet sem hefur komið út á PS3 og PSP. Kaup þessi undirstrika trú Sony manna á fyrirtækinu og vilja þeirra að þeir haldi áfram að búa til leiki eingöngu fyrir Playstation.
Loading ...
Nýleg comment