Eitthvað virðist hafa losnað um málbein Nintendo í byrjun ársins því ekki er vika liðin áður en Satoru Iwata, forseti Nintendo, dreifði nokkrum fréttabombum í viðtali við næst stærsta dagblað Japans, Asahi Shimbun.
Er það helst að frétta að nýjasta ævintýri Link og Zeldu mun koma út á Nintendo Wii á þessu ári, en ekki er víst hvort það eigi bara við Japan eða hvort Norður-Ameríka og Evrópa fái líka að vera með. Það gæti vel verið raunin því The Legend of Zelda: Spirit Tracks fyrir Nintendo DS kom út á vesturlöndin áður en hann kom út í Japan í síðasta mánuði.
Iwata-san tjáði sig einnig um arftaka Nintendo DS. Hann vildi ekki tjá sig eitthvað nákvæmlega um vélina, en sagði að hún myndi hafa “afar nákvæma grafík og skynjara sem nemur hreyfingar fólks sem er að spila.” Það er þó óvíst hvenær næsta DS vél kemur á markað að sögn forsetans, og verður væntanlega lítið um frekari fregnir á næstunni þar sem Nintendo DS varð enn og aftur söluhæsta leikjatölvan í bæði Bandaríkjunum og Japan árið 2009.
Herra Iwata fullyrti einnig að það verði haldinn blaðamannafundur í júlí næstkomandi þar sem Wii Vitality skynjarinn yrði aðal umræðuefnið, og að planið væri að setja gripinn á markað stuttu eftir það. Þá neitaði hann því að Nintendo ætli sér að fara í samkeppni við iPhone með því að breyta DS í farsíma, og að þeir muni ekki byrja að rukka mánaðarlegar greiðslur fyrir aðgang að leikjum.
Heimildir: Kotaku
Kveðja,
GameTíví
Link ferðast ekki um á hesti í Spirit Tracks, heldur eimreið.
Loading ...
Nýleg comment