Monthly Archive for January, 2010

Ræður tölvan þín við StarCraft 2? [Uppfært]

Published on 29. January, 2010 in Uncategorized. 2 Comments Tags: Blizzard, Blizzard Entertainment, Real-Time Strategy, RTS, SC, SC2, SCII, Starcraft, Starcraft 2, StarCraft II, Strategy.

raynor-tychus

[Uppfært: Svo virðist sem einhver hafi ýtt á vitlausan takka hjá Blizzard því starfsmenn fyrirtækisins vinna nú hörðum höndum að því að segja öllum að þetta séu ekki réttar vélbúnaðarkröfur. Úps!]

Það er ekki spurning að StarCraft 2 verður einn stærsti leikur ársins og eflaust eru ótal margir íslendingar sem bíða spenntir eftir að fá gripinn í hendurnar. Ef það er einhver sem óttast að tölvan sín ráði ekki við gripinn þá getur hinn sami andað léttar, því leikurinn keyrir jafnt á nýjum vélum sem gömlum. Blizzard hafa birt vélbúnaðarkröfurnar fyrir beta útgáfu StarCraft II, en þar sem leikurinn er enn í framleiðslu gætu tölurnar hér fyrir neðan breyst. Það er þó ólíklegt að breytingin verði mjög mikil þar sem fyrirtækið er vel þekkt fyrir að gera leiki með lágar vélbúnaðarkröfur.

Lágmarksvélbúnaðarkröfur
Örgjörvi: Intel Pentium IV 1.3GHz, AMD XP 1500+
Stýrikerfi: Windows XP / XP64 (Service Pack 3), Windows Vista / Vista64 (service Pack 1), Windows 7 Home Premium
Innra minni: (Windows XP) 512mb, (Windows Vista) 1024mb, (Windows 7) 1024mb
Skjákort: 3D graphics processor with Hardware Transform and Lighting with 32 MB VRAM such as an ATI Radeon 7200 or NVIDIA GeForce 2 class card or better
Pláss á harða disk: 15GB
DirectX: DirectX9.0c

Mælt með…
Örgjörvi: Intel Pentium D, AMD 64 X2
Stýrikerfi: Windows XP / XP64 (Service Pack 3), Windows Vista / Vista64 (service Pack 1), Windows 7 Home Premium
Innra minni: (Windows XP) 1024mb, (Windows Vista) 2048mb, (Windows 7) 2048mb
Skjákort: 3D graphics processor with Vertex and Pixel Shader capability with 128 MB VRAM such as an ATI Radeon X1600 or NVIDIA GeForce 7600 GT class card or better
Pláss á harða disk: 15GB
DirectX: DirectX9.0c

Þetta er ekki svo slæmt, er það nokkuð?

Heimildir: Kotaku

Kveðja,
GameTíví

Deila/Frétt

Rockstar segir sögur af Liberty City á PC og PS3 í mars

Published on 29. January, 2010 in Uncategorized. 3 Comments Tags: einkatölvur, Gay Tony, Grand Theft Auto, Grand Theft Auto 4, Grand Theft Auto IV, GTA, GTA4, GTAIV, PC, PlayStation, PlayStation 3, PS, PS3, Rockstar, The Ballad of Gay Tony, The Lost and Damned, X360, Xbox, Xbox 360.

Sögur herma að Microsoft hafi borgað Rockstar 50 milljón dollara fyrir að gefa út aukaefnið fyrir Grand Theft Auto IV eingöngu á Xbox 360, en alltaf voru einhverjir sem voru fullir efasemda um að aukaefnið myndi aldrei koma út á PC eða PlayStation 3. Svo virðist sem efasemdirnar hafi átt rétt á sér því Rockstar tilkynntu í dag að Grand Theft Auto: Episodes from Liberty City muni koma út fyrir einkatölvur og PlayStation 3 30. mars næstkomandi… vestanhafs, í það minnsta.

Grand Theft Auto: Episodes from Liberty City inniheldur aukapakkana The Lost and Damned og The Ballad of Gay Tony sem komu út á Xbox 360 á síðasta ári. Fyrir utan það mun PC útgáfan þar að auki styðja 32 manna fjölspilun og koma með forláta klippitóli til þess að búa til myndbönd.

Hægt verður að kaupa leikinn á tvo vegu. Annars vegar er hægt að kaupa hann á disk úti í búð, og inniheldur hann bæði The Lost and Damned og The Ballad of Gay Tony. Hins vegar verður hægt að kaupa og sækja sitthvorn aukapakkann í gegnum netið. Ekki er búið að gefa upp verðið á pakkanum/pökkunum í Evrópu, en vestanhafs mun diskurinn kosta 39,99 bandaríkjadali og niðurhalanlegu útgáfurnar munu kosta 19,99 dollara hvor.

Ekki er búið að staðfesta útgáfudag í Evrópu, en við getum fastlega gert ráð fyrir því að það verði ekki mikið seinna en í Bandaríkjunum, þ.e.a.s. í kringum mánaðarmótin mars/apríl.

Heimildir: Eurogamer

Kveðja,
GameTíví

gta-iv-lost-and-damned

Deila/Frétt

Supreme Commander 2 ræðst á einkatölvurnar í mars

Published on 26. January, 2010 in Uncategorized. Closed

Í byrjun mars næstkomandi, nánar tiltekið 5. mars mun Square Enix fyrirtækið gefa út hinn gríðarstóra herkænskuleik, Supreme Commander 2 sem lendir þá á einkatölvunum. Tveimur vikum síðar verður leikurinn gefinn út á Xbox 360 og fá þá harðir leikjatölvu unnendur að njóta gripsins þegar að því kemur.

Fyrir þá sem ekki þekkja Supreme Commander að þá býður leikurinn upp á risa stórt landslag sem menn notfæra sér með því að stýra þremur ólíkum herliðum til sigurs. Hægt er að velja á milli fjölda stríðstækja allt frá neðansjávar kafbátum að hraðskreiðum herþotum sem leggja lofthjúpinn undir á sitt vald.

Þeir sem líkuðu vel við fyrri leikinn ættu að tékka á þessum þegar hann lendir í mars.

Heimildir: Eurogamer

supremebreak1580

Deila/Frétt

Mass Effect 2 kemur út í vikunni á PC og Xbox 360

Published on 25. January, 2010 in Uncategorized. 8 Comments Tags: Bioware, Mass Effect 2, RPG.

me2-screenshot-090-p Í vikunni kemur út RPG leikurinn Mass Effect 2 frá EA og Bioware fyrir PC og Xbox 360. Fyrir þá sem ekki vita er Mass Effect hlutverkaleikur sem þriðju persónu elementum með djúpri og langri sögu.

Í Mass Effect 2 spilarðu sem Commander Sheppard og er hægt að vera annað hvort Kona eða Maður og hefur það áhrif á ýmsa parta sögunnar og hvernig fólk tekur þér. Fyrir þá sem hafa spilað Bioware hlutverkaleikina vita þeir að í þeim er mikið um valkosti og persónulegt frelsi og er Mass Effect eitt besta dæmi um það. Þú getur verið bjargvættur Alheimisins eða versti Óþokkinn í Stjörnuþokunni.

Hvað þú gerir og segir hefur áhrif á sögu leiksins og hreinlega hver lifir af eða ekki. Þetta er ekki nýtt á nálinni í leikjum, enn Bioware eru langt á undan öðrum í þessari deild. Sagan er líka virkilega vel skrifuð og persónurnar hafa áhrif á þig og þér er ekki sama hvað verður um þau eða hvernig þau taka þér.

me2-screenshot-075-p

Eitt af því sem er algerlega nýtt í Mass Effect 2 og það er að ef þú spilaðir fyrri leikinn annað hvort á PC eða Xbox 360 og átt ennþá savið þitt, þá er hægt að láta Mass Effect 2 leikinn lesa það og það hefur áhrif á sögu leikinn og hvernig sagan fer. T.d ef þú kálaðir ákveðni persónu í fyrri leiknum er hún ennþá mjög dauð, og margar ákvarðanir sem þú tókst munu hafa víðtæk áhrif á söguna og jafnvel littlu hlutirnir sem þú tókst ekkert fyrst ekki sem þú gerðir. Bioware hefur lengi talað um að þú munir geta spilað í gegnum alla leikina sem eiga að verða 3 með savið þitt og séð hvað þínir valkostir og aðgerðir hafa áhrif.

Þetta færir pælingarnar á nýtt svið og lætur fólk virkilega hugsa um hvað það gerir og að auki, eykur þetta endurspilunarmöguleika leiksins mikið.

Í Mass Effect 2 pikkar hann upp 2 árum eftir lok fyrri leiksins, við hérna á GameTíví viljum ekki spilla neinu fyrir ykkur með að segja hvað gerist í byrjun leiksins. Eftir ákveðna atburði þarf Cmdr. Sheppard að safna saman liði til að berjast við nýja ógn og finna hvernig það tengist hinum skelfilegu óvinum fyrri leiksins The Reapers.

me2-screenshot-060-p

Mass Effect 2 er byrjaður að fá dóma og gaf IGN honum 9.6 og lofaði hann hástert. Official Xbox 360 blaðið gaf leiknum 9.5.

Allir þeir sem hafa gaman af góðum RPG leikjum og Sci-Fi ættu klárlega að kíkja nánar á þennan þegar hann kemur í búðir í vikunni fyrir PC og Xbox 360.

Kveðja,
Game Tíví

Deila/Frétt

Það er orðið opinbert! Það er loksins búið að ná öllum Pokémon dýrunum.

Published on 22. January, 2010 in Uncategorized. 2 Comments Tags: Pokémon.

pokémon-500x_1

Í frétt sem líklega gleður marga og hryggir suma þá birti vefurinn Kotaku frétt um það að hin 21 árs gamla Courtney frá Hertfordshire í Englandi eigi stærsta safn í heimi af Pokémon varningi og var það staðfest í Guiness World Records 2010 Gamer Edition.

Við getum ekki annað enn samglaðst henni Courtney með safnið sitt og líklega ráðlagt öðrum í leiðinni að finna sér eitthvað nýtt til að safna vegna þess að það verður erfitt að toppa þetta.

Kveðja,
Game Tíví

Deila/Frétt

Handbolti og Leðurföt, og ekki endilega á sama tíma heldur.

Published on 19. January, 2010 in Uncategorized. 1 Comment Tags: Bayonetta, Handball Manager 2010, PS3.

bayonetta-mynd-1

Þrátt fyrir að það sé kaldur Janúar og vanalega lítið um að vera fyrir okkur leikjaunnendur á þessum árstíma eru óvenjulegir tímar og margir leikir rétt ókomnir út eða á leiðinni á næstu vikum. Sumt af þessu má rekja til seinkanna síðasta vetur útaf littla leiknum sem gat allt, semsagt Call of Duty: Modern Warfare 2 sem kom sá, og skaut allt í ræmur fyrir síðustu Jól og ekki skrítið að sumir leikirnir hafa falið sig fyrir skotárásinni frá Modern Warfare 2.

Núna er komið nýtt ár og byssur MW2 aðeins byrjaðar að kólna, svo óhætt er fyrir hina leikina að byrja að koma út. Í síðustu viku var það Army of Two: The 40th Day og svo í þessari viku fáum við nokkra leiki sem ber að nefna til að ylja okkur við.

Strákarnir okkar í Handboltanum eru að keppast við núna í Austuríki að færa landi og þjóð heiður, svo það er viðeignadi að Handball Manager 2010 er að koma út á sama tíma.

Stýrðu íslenska landsliðinu til sigurs á helstu stórmótum í þessum magnaða leik sem inniheldur öll helstu landslið handboltans og allar stærstu deildarkeppnirnar, þar á meðal þá íslensku. Hér þurfa leikmenn að þjálfa leikmenn, velja í lið, setja upp taktík, huga að unglingastarfi, fjármáli og fleira.

Ef að það er ekki nóg að leiða Ísland til glæsilegs sigurs á Handboltanum er svaðalegur leikur að skila sér á hillurnar fyrir PS3 og Xbox 360 í vikunni og það er svakaskutlan hún Bayonetta sem er að kitla við littla hjartað okkar með sínum flottum hreyfingum og þröngum leðurfötum.

Grjótharður leikur í anda Devil May Cry og God of War. Bayonetta er einhver harðasta tölvuleikjapersóna sem sést hefur í langan tíma og dúndrast hún í gegnum leikinn með byssur, sverð og önnur vopn. Leikurinn hefur fengið hrikalega góða dóma og skyldueign fyrir þá sem dýrka hasarleiki.

10 af 10 – Games Radar
9,3 af 10 – Play UK
9 af 10 – PSM3 Magazine
8,2 af 10 – IGN.com
8 af 10 – Gamespot

Þetta ætti vonandi að skemmta einhverjum á hina ýmsu vegu og það eru góðir tíma framundan í leikjum næstu vikurnar svo um að gera að fylgjast með hérna og á Facebook síðunni okkar.

Kveðja,
Game Tíví

Deila/Frétt

Framleiðendur BioShock 2 lofa viðbótum fyrir leikinn

Published on 18. January, 2010 in Uncategorized. Closed

Frá deginum í dag eru tæpar þrjár og hálf vika þar til að BioShock 2 fær loksins að láta ljós sitt skína á helstu leikjatölvunum. Biðin eftir leiknum hefur verið löng og ströng undanfarið, sérstaklega eftir að Take-Two ákváðu að fresta leiknum um nokkra mánuði svo að framleiðendurnir gætu unnið að leiknum aðeins lengur.

Ólíkt fyrri leiknum að þá mun BioShock 2 fá ný aukaefni sem munu koma út síðar á þessu ári. Þetta hafa framleiðendur leiksins, 2K Marin staðfest og hafa einnig látið þau orð falla að þeir hafi “ansi árásargjörn áætlanir varðandi aukaefni” fyrir leikinn.

Það verður virkilega fróðlegt að sjá hvernig þeim tekst að endurskapa menninguna í neðansjávarborginni Rapture. BioShock 2 er væntanlegur þann 9. febrúar á PC, PS3 og Xbox 360.

Heimildir: Joystiq

Kveðja,
Game Tíví

bioshock2main580-1263823338

Deila/Frétt

Skráðu þig sem vin á facebook og þú gætir unnið…

Published on 13. January, 2010 in Uncategorized. 2 Comments

gtv-face

Nú erum við komnir með nýja facebook síðu og ætlum heldur betur að vera örlátir, þegar við náum 1000 vinum munum við gefa nokkur eintök af Dark Void, og það eina sem þú þarft að gera er að skrá þig og benda vinum þínum á að skrá sig

Svo munum við auðvitað gefa reglulega eintök af tölvuleikjum og fleira leikjatengt, ekki klikka á þessu skráðu þig strax

Smelltu hér til að skrá þig sem vin á facebook.

Kv. Game Tíví

Deila/Frétt

Star Wars: The Old Republic seinkað til Vors 2011?

Published on 13. January, 2010 in Uncategorized. Closed Tags: Bioware, Star Wars, Star Wars: The Old Republic.

Það eru margir hérna spenntir fyrir netspilunarleik Bioware, Star Wars: The Old Republic þar á meðal við hérna í GameTíví sem hefur oft dreymt um að sveifla geislaverðum og bjarga sætum prinsessum.

Bioware staðfesti í dag að vor 2011 útgáfu ramminn er áætlaður fyrir Star Wars: The Old Republic sem yfirmaður EA John Ricitiello ræddi um í gær og lofaði nýjum og spennandi fréttum út árið 2010. Ricitello ræddi um útgáfuna á fjármálafundi hjá EA.

Sean Dahlberg hjá Bioware hefur staðfest á opinberu spjallborði leiksins fréttirnar og sagði

Þó að við höfum ekki gefið út fastan útgáfudag, getum við staðfest að við erum að stefna á vor 2011 útgáfudag fyrir Star Wars: The Old Republic. Við erum með margt spennandi í vændum fyrir árið, þar á meðal fyrstu Betu prufunum á leiknum, og það er ekki of seint að skrá sig og taka þátt. Kíkið á síðu Bioware og skráið ykkur í dag. Við getum ekki beðið eftir að deila fréttunum með ykkur og árangri okkar á árinu að búa leikinn til.

Við erum pínu stúrir að geta ekki búið til swoossh hljóðið með geislasverðunum alveg strax, enn við efumst ekki um að seinkunin sem Bioware boðar sé til hins góða.

Kveðja,
Game Tíví

Heimild: Beta síða Bioware, Kotaku

Deila/Frétt