Monthly Archive for November, 2009

Ef þú hefur spilað Call of Duty: Modern Warfare 2 eitthvað að viti undanfarna daga þekkir þú örugglega til verkefnisins “No Russian” sem á sér stað á flugvelli í Rússlandi í sjálfum leiknum. Við ætlum alls ekki að spilla neinu fyrir þeim sem hafa ekki spilað verkefnið nú þegar þannig að við látum það mál kyrrt liggja.

Varðandi þetta verkefni að þá hafa Rússar alls ekki veitt leiknum hlýjar viðtökur og hafa því endurkallað leikjatölvu útgáfurnar í landinu, þ.e.a.s. PS3 og Xbox 360 útgafurnar. Leikurinn verður þar með ritskoðaður aftur og verður verkefnið fjarlægt úr leiknum svo eitthvað sé nefnt. PC útgáfan þar í landi fær sömu breytingar með plástri sem mun einnig fjarlægja verkefnið úr sjálfum leiknum.

Spilendur leiksins geta þó ráðið hvort þeir vilja spila verkefnið eða þá einfaldlega sleppt því með því að velja „skip mission“ valmöguleikann sem er í boði, áður en verkefnið byrjar. Rússar vilja hins vegar ekki leyfa spilaranum að velja og hafa því ákveðið sjálfir að þetta verði ekki leyft í þeirra landi.

Heimildir: Joystiq

Kveðja
Game Tíví

Deila/Frétt

Þátturinn í kvöld verður stútfullur eins og vanalega, áhorfendur berjast í paintball um fyrsta eintakið af Modern Warfare 2, Óli og Sverrir fara í Smackdown Wrestling raunveruleik og leikirnir Dragon Age Origins og Borderlands verða dæmdir.

Aðrir leikir sem við skoðum:

Bayonetta

Avatar

Battlefield Bad Company 2

Modern Warfare 2

Pro Evolution Soccer 2010 PS2/PSP

Mass Effect 2

Dark Void

ofl…

Kv. Game Tíví

Deila/Frétt

Nú geta allir Star Trek aðdáendur tekið gleði sína því það er staðfest að Star Trek Online kemur út í febrúar. Leikurinn er á fullu í betaprófunum og verður það líklega alveg fram á útgáfudag.

Hægt er að skrá sig í lokaða betuprófun hér.

Hægt er að spila sem Federation eða Empire, og verður hægt að velja mismunandi karaktera, svo sem Human, Vulcan, Andorian, Klingon, Orion, Gorn svo einhverjir séu nefndir.

Hér er svo smá vídeó til að auka á spenninginn:

Deila/Frétt

Heavy Rain fyrir PlayStation 3 virðist vera einn af þessum leikjum sem allir ættu að spila. Hann inniheldur stórbrotna grafík, persónur sem gætu þess vegna búið í næsta húsi við mann, og ef marka má allt sem maður hefur heyrt um hann, stórbrotna sögu sem ætti að halda spilendum á tánum allan tímann. Og ef allt gengur upp mun fólk geta fengið að prófa leikinn áður en hann kemur út á næsta ári, ef marka má orð David Cage, forstjóra Quantic Dream og heilans á bak við leikinn.

Cage segir að það reyni þó frekar mikið á fyrirtækið að hanna demó því þeir þurfi að finna eitthvað sem höfði til allra þar sem margir ákveða hvort leikur sé keyptur eða ekki út frá því sem þeir kynnast í demóútgáfum. Þeir halda þó ótrauðir áfram, sér í lagi þar sem Heavy Rain er á sér báti og starfsmenn fyrirtækisins vilji að fólk geti kynnt sér vöruna áður en hún er keypt, eins og áður hefur komið fram.

Fyrir þá sem hafa ekki hugmynd um hvað Heavy Rain er… kíkið á myndbandið hér fyrir neðan.

Heavy Rain er væntanlegur á PlayStation 3 snemma á næsta ári.

Heimildir: 1UP.com

Kveðja,
GameTíví

Deila/Frétt