- Ekkert venjulegt sjónvarp
Allt það nýjasta í tölvuleikjunum
Ekki missa af Game Tíví því meðal annars dæmum við Fifa 10 og Mini Ninjas, kynnumst heimatilbúinni hreyfiskynjaratækni og Óli og Sverrir keppa í nýjum lið hérna hjá okkur, einvíginu!
Aðrir leikir sem við skoðum í þættinum:
Ratchet & Clank A Crack in Time
Kingdom Hearts 358/2 Days
Crackdown 2
Tales of Vesperia
Colin McRae Dirt 2
MySims Agents
Dead Space Extraction
Buzz! Quiz World
Metal Gear Solid Peace Walker
Muna svo að vera límd við tækið kl. 19:30.
Kv. Game Tíví
Jæja þá er komið að því, við ætlum að vera með getraun hérna á gametivi.is og í verðlaun er hvorki meira né minna en eintak af Uncharted 2: Among Thieves, dregið verður úr réttum svörum á föstudaginn og fær þá viðkomandi leikinn löngu áður en hann kemur í búðir!
Þetta er einfalt. Spurt er, hvaða leikir eru þetta, frá 1 til 6:
Svör sendist á gtv@skjarinn.is og svo er mönnum auðvitað frjálst að tjá sig hér í comments.
Kv. Game Tíví
Þá er biðin á enda, það er loksins komið demó af Brütal Legend á Xbox Live, þá er bara að smella sér og prófa hann, sagan segir að þessi sé rosalegur…
Kv. Game Tíví
Eins og vanalega þá erum við með pakkaðan þátt í kvöld, við dæmum leikina Need for Speed Shift og Wolfenstein, skoðum gamlan og góðan leik í Retró leiknum, að þessu sinni er það Pssst!. Skoðum hvað málið er með DJ Hero, kynnum okkur EyePet kvikyndið og margt fleira…
Aðrir leikir sem við skoðum í þættinum:
Blur
Aion
Mini Ninjas
EyeToy Play Hero
Halo 3 ODST
Marvel Ultimate Alliance 2
Brutal Legend
ofl..
Kv. Game Tíví
Þetta ætti að gleðja Monkey Island aðdáendur, en einhver snillingur með alltof mikinn frítíma hefur tekið sig til og búið til hluta af Monkey Island í CryENGINE vélinni sem meðal annars keyrir CRYSIS. Hvað getur maður sagt, annað en þvílík snilld!
Hægt er að lesa um, nálgast og spila þetta hér.
Kv. Game Tíví
Jæja þá er þátturinn og leikjadómarnir frá því í síðustu viku loksins komnir á síðuna. Hægt er að horfa á leikjadómana með því að smella á þá hérna hægra meginn og þáttinn hérna vinstra meginn. Svo er auðvitað hægt að horfa þar á alla gömlu þættina og leikjadómana úr síðustu seríu af Game Tíví. Þættirnir ásamt leikjadómunum verða svo settir hérna inn reglulega, en auðvitað mælum við með að þú horfir á þættina í sjónvarpinu í bestu gæðum 
Kv. Game Tíví
Endrum og eins vakna upp orðrómar um að skotleikurinn GoldenEye, sem kom út á Nintendo 64 í tengslum við James Bond kvikmynd með sama nafni, fái einhvers konar nýja útgáfu á Xbox 360 eða endurútgáfu á WiiWare.
Það er hins vegar kominn tími á að sleppa tökum á voninni því Rare ítreka að ekkert slíkt sé í farvatninu, og að það eru litlar líkur á að samningar náist milli Rare, sem þróaði leikinn á sínum tíma, Microsoft, eigenda Rare, og Nintendo, sem gáfu leikinn út upphaflega.
Þetta eru ekki skemmtilegar fréttir, en fyrir þá sem enn vilja spila leikinn þá er alltaf hægt að næla sér í notað eintak af leiknum á Nintendo 64… fyrir rétt verð!
Heimildir: Eurogamer
Kveðja,
GameTíví
2K Games, útgefandi BioShock, tilkynnti nú fyrir helgi að framhaldið af skotleiknum frábæra, BioShock 2, væri væntanlegur í verslanir á PC, Xbox 360 og Playstation 3 9. febrúar næstkomandi. Þessi dagsetning er ekki einskorðuð við eina heimsálfu eins og oft er heldur gildir hún fyrir allan heiminn – þar á meðal á Íslandi!
Einspilunarhluti BioShock 2 gerist á gamlárskvöld árið 1970, 10 árum eftir atburði fyrsta leiksins. “Stóra Systir,” ein af Litlu Systrunum úr fyrri leiknum, hefur bætt alls konar vélpörtum við sig og er orðinn æðsti leiðtogi borgarinnar Rapture. Í leiknum fara menn í hlutverk allra fyrsta Big Daddy, sem er ekki bara sneggri og gáfaðri en þeir sem við þekkjum úr BioShock, heldur er hann einnig með sjálfstæða vitund.
Í leiknum er búið að bæta fjölmargt sem fólki fannst að í fyrri leiknum. Meðal annars er hægt að spila leikinn í fjölspilun, en fjölspilunarhluti hefur sinn eigin söguþráð og gerist fyrir atburði BioShock þegar borgarastyrjöld hefur brotist út í Rapture.
BioShock 2 kemur út á PC, Xbox 360 og Playstation 3 9. febrúar næstkomandi. Ekki láta þennan fram hjá þér fara!
Heimildir: Kotaku
Kveðja,
GameTíví
Pólska fyrirtækið CD Projekt gaf út leikinn The Witcher á PC einkatölvur árið 2007, og nú, tveimur árum síðar, hafa þeir stórbætt þann leik og gert hann að einum glæsilegasta hlutverkaleik sem hægt er að finna á markaðnum. Leikurinn hefur selst í 1.2 milljónum eintaka úti um allan heim og nú er búið að staðfesta að framhald sé í vinnslu.
Leikurinn ku bera titilinn The Witcher 2: Assassins of Kings og er, samkvæmt myndbandi sem lak á vefinn, flottari og betri en fyrri leikurinn í seríunni – eitthvað sem almennt er reynt í hvert sinn sem leikjaframleiðandi gerir framhald að leik, sama hvað hann heitir.
Hægt er að skoða myndbandið hér fyrir neðan.
The Witcher 2: Assassins of Kings er væntanlegur á PC einkatölvur, en hvort Playstation 3 eða Xbox 360 útgáfa fái grænt ljós verður að koma í ljós. The Witcher átti nefnilega að fá leikjatölvuútgáfu en ekkert varð úr því eftir að deilur blossuðu upp á milli CD Projekt og Atari, útgefanda leiksins. Þá er heldur ekki staðfest hvort framhaldið innihaldi fleiri berbrjósta konur en fyrri leikurinn.
Heimildir: Eurogamer
Kveðja,
GameTíví
Fyrir tveimur árum þróaði breska fyrirtækið Ninja Theory leikinn Heavenly Sword fyrir PlayStation 3. Leikurinn vakti talsverða athygli á meðan hann var í framleiðslu, en lokavaran sjálf fékk þó engar stórkostlegar undirtektir og var helst hylltur fyrir flott myndbönd á milli hasarsins, en var flengdur fyrir ýmislegt annað, eins og stutta sögu og gríðarlegt hökt á köflum.
Fyrirtækið afhjúpar nýjasta verkefni sitt, Enslaved, í nýjasta hefti bandaríska leikjablaðsins Game Informer. Leikurinn byggir lauslega á fornri kínverskri skáldsögu, Journey to the West, en sögusviðið er þó ekki Kína til forna heldur óþekktur staður á jörðinni í framtíðinni. Eftir þriðju og fjórðu heimsstyrjöldina og hatramma baráttu mannkyns við vélmenni eru menn nær útdauðir. Ein af fáum eftirlifandi manneskjum í heiminum, Monkey, lifir lífi sínu á flótta undan vélmennum sem hafa það eina markmið að leita uppi og drepa þá menn sem enn eru á lífi.
Einhvers staðar á leiðinni er Monkey þó klófestur og hent á flugskip, þar sem hann hittir unga konu sem nefnist Trip. Þau ná að flýja í sameiningu, en Monkey rotast einhvern veginn, og þegar hann rankar aftur við sér er búið að skella sérstöku tæki á höfuð hans sem kremur höfuðið á honum eins og svampköku ef hann hjálpar Trip ekki að komast heim til sín.
Það eru engin lítilmenni sem koma nálægt leiknum því Andy Serkis ljáir Monkey ekki bara rödd sína heldur einnig líkama sinn í leiknum (en leikurinn mun nota sömu mo-cap tækni og Heavenly Sword notaði) og snillingurinn Alex Garland, sem skrifaði skáldsöguna The Beach og handrit fyrir kvikmyndir á borð við 28 Days Later og Sunshine, skrifar sögu leiksins.
Ef marka má fregnir virðist leikurinn taka bardagakerfi Heavenly Sword á nýtt stig með því að gera það mun taktískara en það var áður.
Það verður spennandi að sjá hvað úr leiknum verður. Vonandi verður hann betri en Heavenly Sword. Enslaved er væntanlegur á Xbox 360 og Playstation 3.
Heimildir: Destructoid
Kveðja,
GameTíví
Loading ...
Nýleg comment