Á heimasíðu develop fór fram könnun nýlega sem gekk út á að finna hetju flestra leikjahönnuða. Yfir 9,000 leikjahönnuðir voru spurðir út í hvaða leikjahönnuð þeir álita sem hetju sína og voru rúmlega 3,000 leikjahönnuðir nefndir. Til þess að hafa þetta ekki of langt að þá ætlum við aðeins að nefna þá einstaklinga sem náðu topp tíu sætinu.
Það var sjálfur leikjasnillingurinn Shigeru Miyamoto, faðir Mario leikjanna, sem hafnaði í fyrsta sæti og náði þar með 30% af öllum atkvæðunum. Það ætti svo sem ekki að koma neinum á óvart og líta örugglega margir leikjahönnuðir upp til hans, enda hefur hann gert mjög merka hluti í gegnum tíðirnar, bæði tengt tölvuleikjum og til þess að bæta upplifunina við að spila tölvuleiki.
Á eftir honum kemur John Carmack, eigandi id Software, sem hefur einnig gert mjög góða hluti í tölvuleikjaheiminum. Þökk sé honum hafa fyrstu persónu skotleikir aldrei litið betur út þar sem hann hannaði til að mynda Doom sem gerði allt vitlaust á sínum tíma.
Í þriðja sæti varð svo Will Wright, en hann hefur einnig gert mög áhugaverða leiki á borð við Sim City, The Sims og Spore og hafa þeir allir notið mikillar vinsældir í gegnum tíðirnar.
Hér fyrir neðan má svo sjá topp tíu listann yfir þá leikjahönnuði sem fengu flestu atkvæðin í þessari könnun.
Kveðja,
Game Tíví
- Shigeru Miyamoto – Mario, Zelda, NintenDogs, Wii, DS, Nintendo.
- John Carmack – Doom, snilldar forritari, id Software.
- Will Wright - Sim City, The Sims, Spore, Maxis.
- Dave Jones – Lemmings, Grand Theft Auto, Realtime Worlds.
- Sid Meier – Civilization, MocroProse.
- Peter Molyneux – Fable, Black & White, Lionhead Studios.
- David Braben – Lost Winds, Rollercoaster Tycoon, Frontier.
- Masaya Matsuura – PaRappa The Rapper.
- Michael Morhaime – StarCraft, Diablo, World of Warcraft, Blizzard Entertainment.
- Jonathan Blow – Braid, eingöngu einn að verki.
Leikirnir of erfiðir? Láttu Nintendo sjá um að spila leikina fyrir þig!
Aaaaaaaaahhh!!! Heyrðu þið þessar fréttir?
Loading ...
Nýleg comment