- Ekkert venjulegt sjónvarp
Allt það nýjasta í tölvuleikjunum
Ghostbusters leikurinn sem kom út á dögunum er að okkar mati bara fjandi góður, húmorinn er í góðu lagi og leikurinn sjálfur bara nokkuð skemmtilegur, ef þú ert í einhverjum vanda þá erum við með lausnina:
Vinir okkar hjá gamespot eru búnir að setja upp síðu með öllum helstu brellum og brögðum sem þú þarft til að klára leikinn með stíl, ef þú ert fastur eða vilt bara klára leikinn án vandræða þá er þetta fyrir þig 
Kv. Game Tíví
Electronic Arts læddu Battlefield Heroes hljóðlega út um útidyrnar í gær. Afar hljóðlega, engar fréttatilkynningar eða neitt.
Hinn hálf-gjaldfrjálsi skotleikur Battlefield Heroes er kominn út og má spila hann á heimasíðu leiksins.
Það tekur nær enga stund að skrá sig og byrja að spila. Eftir hverju er fólk að bíða?!
Kveðja,
GameTíví
Samkvæmt fréttum Hollywood Reporter ætlar Columbia Pictures að gera kvikmynd eftir hinum frábæra Playstation 3 leik Uncharted: Drake’s Fortune. Það er Kyle nokkur Ward sem skrifar handritið að kvikmyndinni, en hann hefur nýlokið að skrifa handritið að Kane & Lynch kvikmynd, sem Bruce Willis mun leika í, og er víst í viðræðum við 20th Century Fox um að skrifa handritið að Hitman 2.
Meðal framleiðenda kvikmyndarinnar eru feðgarnir Avi og Ari Arad, Charles Roven og Alex Gartner.
Fyrir þá sem ekki þekkja til Uncharted: Drake’s Fortune: SKAMMIST YKKAR. Leikurinn fjallar um Nathan Drake sem ferðast til Suður-Ameríku ásamt vini sínum Sully og fréttakonunni Elenu til þess að elta uppi leifar forfeður síns, Sir Francis Drake. Inn í þetta fléttast svo sjóræningjar, annar illskeyttur fjársjóðsleitari, og hinn goðsagnakennda borg El Dorado, og saman skapar þetta allt saman einn eftirminnilegasta leik þessarar kynslóðar leikjatölva.
Það verður áhugavert að fylgjast með framleiðslu kvikmyndarinnar og sjá hvort þeim takist að endurskapa persónu Nathan Drake á hvíta tjaldinu. Yfirleitt hafa tölvuleikjakvikmyndir ekki heppnast vel en það er aldrei að vita nema það breytist. Sér í lagi þar sem það eru fleiri tölvuleikjakvikmyndir á leiðinni nú en nokkru sinni fyrr.
Heimildir: Hollywood Reporter
Kveðja,
GameTíví
Apogee Software Ltd., öðru nafni 3D Realms, skilaði inn nokkrum áhugaverðum pappírum inn til dómstóls í New York fylki í vörn sinni gegn Take Two, en síðarnefnda fyrirtækið hefur lögsótt hið fyrrnefnda fyrir að standa ekki undir skuldbindingum sínum um að ljúka vinnslu á Duke Nukem Forever.
Meðal þess sem kemur fram í skjölunum er að 3D Realms hafi eytt um 20 milljónum dollara af eigin fé í framleiðslu leiksins undanfarin 10 ár. Það sem enn áhugaverða er að samkvæmt skjölunum á Take Two að hafi verið að þróa nýjan Duke Nukem leik, Duke Begins, sem átti að koma út um mitt næsta ár. Í apríl hættu þeir hins vegar vinnslu á leiknum og grunar suma að það sé til þess að loka á fjármagn til 3D Realms og sjá til þess að þeim takist ekki að greiða 2.500.000 dollara greiðslu sem fellur á fyrirtækið árið 2012. Á það að vera tilraun til þess að gera fyrirtækið gjaldþrota svo Take Two geti keypt Duke Nukem vörumerkið á brunaútsölu þegar þar að kemur.
3D Realms segjast ekki vera búnir að gefast upp á Duke Nukem Forever þótt þeir hafi þurft að láta megnið af starfsfólki sínu fara í byrjun maí.
Heimildir: Voodoo Extreme
Kveðja,
GameTíví
Kanadíski leikjarisinn BioWare segir frá því á Twitter síðu sinni að nýjar fregnir um væntanlega Mass Effect viðbót muni berast í þessari viku.
Mikið hefur borið á orðrómum um nýjar viðbætur fyrir Mass Effect, en síðasta viðbót, Bring Down the Sky, kom út í mars í fyrra svo það er nokkuð ljóst að ný viðbót sé tímabær. Bring Down the Sky var ekki einu sinni það stórt því það tók fólk einungis um 90 mínútur að klára það, eitthvað sem mörgum þótti ansi magurt fyrir Xbox 360 eigendur, í það minnsta, sem þurftu að borga nokkur hundruð MS points fyrir sitt (PC útgáfan, aftur á móti, var gjaldfrjáls).
Fleiri fréttir ættu að berast út á næstu dögum. Vonum bara að nýja viðbótin nái að brúa biðina þangað til Mass Effect 2 kemur út á næsta ári.
Heimildir: Kotaku
Kveðja,
GameTíví
Það lítur út fyrir að PSP eigendur fái einnig að njóta leiksins Grand Theft Auto: Chintown Wars sem kom út fyrir stuttu, eingöngu fyrir Nintendo DS. Rockstar Games tilkynntu fyrr í dag að þeir væru að vinna að PSP útgáfu af leiknum sem mun koma út í haust fyrir Evrópu og Bandaríkin.
Rockstar Leeds munu sjá um að útfæra leikinn og bæta hann upp fyrir PSP útgáfuna. Í því felst að gera leikinn í samræmi við afl PSP vélarinnar, svo sem styðja við „widescreen“, bæta lýsinguna, ásamt því að bæta við fleiri verkefnum fyrir sögu leiksins. Einnig þurfa þeir að breyta spilun leiksins örlítið þar sem hann var hannaður sérstaklega fyrir snertiskjá DS vélarinnar.
PSP eigendur eiga eflaust eftir að hoppa af kæti við að heyra þessar fréttir. GTA: Chinatown Wars hefur fengið alveg glimrandi góða dóma hingað til, eða allt að 93% á gamerankings. Því miður hefur leikurinn ekki selst nógu vel á DS vélinni hingað til en það mun vonandi batna núna haust þegar leikurinn verður kominn út á báðar vélarnar.
Heimildir: Eurogamer
Kveðja,
Game Tíví
Hefur þú einhvertímann hugsað út í hvernig Valve bjuggu til hljóðbrellurnar fyrir Team Fortess 2? Ef ekki, að þá ert þú ekki einn um það, því við höfðum ekki hugmynd um það heldur. Í myndbandinu hér fyrir neðan kemur hið sanna í ljós.
Meet the Crashes
Maxis + Robot Chicken = Algjör steypa?
Eftir að Maxis höfðu afhjúpað fyrsta aukapakkann fyrir Spore, varð nokkuð ljóst að hugmyndin á bak við sjálfan leikinn ku vera miklu stærri en við gerum okkur grein fyrir. Það lítur út fyrir að spilun leiksins eigi eftir að breytast töluvert þar sem aukapakkinn mun veita þér mun meira frelsi en áður fyrr og fer það allt eftir hugmyndarflugi þínu.
Hönnuðir þáttanna, Robot Chicken fengu afhentan leikinn fyrir löngu til þess að hanna aukaefni fyrir aukapakkann í samstarfi við Maxis. Það sem þeir hafa búið til fyrir leikinn nú þegar lítur bara nokkuð vel út og verður gaman að sjá hvernig aukapakkinn mun spilast. Hægt verður að niðurhala aukaefni þeirra á sama degi og Spore: Galactic Adventures kemur út, þann 25. júní.
Það lítur út fyrir að aukaefni þeirra sé aðeins brot af þeim möguleikum sem aukapakkinn býður upp á. Spore: Galactic Adventures minnir mikið á leiki á borð við LittleBigPlanet á PS3 þar sem þú hannar þitt eigið borð, algjörlega eftir þínu hugmyndarflugi.
Hér fyrir neðan má sjá myndband frá höfundum Robot Chicken þar sem þeir kynna fyrir okkur borðin sín.
Heimildir: Joystiq
Kveðja,
Game Tíví
Hvort að Modern Warfare 2 takist að seljast betur en Halo 3 eða Grand Theft Auto IV verður að koma í ljós. En það er stefna Activision, þeir sem sjá um að gefa út leikinn fyrir PC, Xbox 360 og PS3.
Það er orðið nokkuð ljóst að Activision bindir miklar vonir gagnvart Modern Ware 2, enda býst maður ekki við neinu nema hörku leik frá framleiðendunum, Infinity Ward, eftir að hafa spilað Call of Duty 4: Modern Warefare.
Activison réðu nú á dögunum TBWA/Chait/Day fyrirtækið til þess að auglýsa leikinn á fullum krafti og auglýsa Modern Warfare 2 sem „besta afþreyingu allra tíma“, eða nokkuð veginn þannig. Fyrirtækið er vel þekkt um víða veröld þar sem þeir settu upp til að mynda auglýsingarherferð fyrir Macintosh tölvuna, sem gengur einnig undir nafninu Apple í dag.
Til þess að þeim takist áætlunarverk sitt að þá þarf leikurinn að seljast betur en Halo 3 og GTA IV gerðu á fyrsta degi. Halo 3 sló sölumet á sínum tíma árið 2007 þegar leikurinn seldist í 1.7 milljónum eintökum á fyrsta söludegi. GTA IV bætti svo metið rækilega og ber hann titilinn „besti útgáfudagurinn“ í för með sér þar sem leikurinn seldist í 3.6 milljón eintökum á fyrsta söludegi.
Þó svo að Activision stefni svona hátt að þá er markmið þeirra alls ekki ómögulegt, þrátt fyrir ástandið í dag. Rúmlega „13 milljónir manna spila Call of Duty 4 á Xbox Live“ og þá er ekki talið með þá einstaklinga sem spila leikinn í gegnum PSN eða PC einkatölvurnar.
Modern Warfare 2 verður svo gefinn út þann 10. nóvember næstkomandi á PC, Xbox 360 og PS3.
Heimildir: Joystiq
Kveðja,
Game Tíví
Nolan North lær rödd sýna fyrir Nathan Drake
Það er ávallt gaman að vita það þegar leikjaframleiðendur leggja mikinn metnað í að gera talsetningar fyrir leikina sem besta. Oft eru fengnir frægir leikarar til þess að talsetja persónurnar í leikjunum en stundum eru aðrir leikarar fengnir í verkin sem vinna við að ljá raddir sýnar fyrir leikina en eru því miður ekki eins vel þekktir.
Þannig er það til dæmis með persónurnar úr Uncharted. Þegar þú heyrir um nafnið Nolan North, þá kviknar kannski ekki á neinni peru til að byrja með. En um leið og þú heyrir hann tala að þá ættir þú að uppgötva strax að hann talar fyrir hina ótrúlegu persónu, Nathan Drake úr Uncharted leiknum.
Á dögum E3 sýningarinnar var tekið viðtal við sjálfan Nolan North þar sem hann var spurður út í hlutverk sitt sem Nathan Drake og fleira. Einnig var tekið viðtal við Emily Rose, betur þekkt sem Elena Fisher og Claudia Black sem leikur hina fögru Chloe Frazier, en hún er ein af nýju persónunum sem koma fram í seinni leiknum.
Það verður heldur betur fjör í haust þegar Uncharted 2: Amoung Thieves verður gefinn út fyrir Playstation 3 vélina. Fyrri leikurinn innihélt einmitt frábæran söguþráð með stórkostlegri talsetningu sem gerir okkur ennþá spenntari fyrir næstkomandi leik frá Naugty Dog.
Kveðja,
Game Tíví
Viðtal við Nolan North (Nathan Drake)
Viðtal við Emily Rose (Elena Fisher) og Claudia Black (Chloe Frazier)
Loading ...
Nýleg comment