Þennan leik þarf nú varla að kynna. Í haust kemur út nýr slagsmálaleikur leikur sem margir bíða sjóðheitir eftir. Já, við erum að tala um Tekken 6!
Í þessari viku fóru fram Namco dagar þar sem fyrirtækið kynnti nýja leiki og sýndu þeir úr væntanlegum leikjum sem þeir eru að vinna að. Meðal þeirra leikja sem þeir sýndu úr var Tekken 6 sem er væntanlegur í haust fyrir PS3, Xbox 360 og spilakassana góðu. Í kynningunni gáfu þeir út nýtt myndband úr leiknum sem má sjá hér fyrir neðan.
Þann 12. maí næstkomandi kemur út önnur viðbótin fyrir Fable 2 sem heitir á því skemmtilegu nafni „See the Future“. Í þeim pakka fá Fable 2 spilendur að skyggnast inn í framtíðina sem er full af leyndardómum og vekur sennilega upp margar spurningar. Þar færðu einnig að heimsækja þekkta staði í Fable heiminum sem komu meðal annars fram í fyrri leiknum og ætti það að vekja upp gamlar og góðar minningar fyrir Fable aðdáendur.
Lionhead hafa lofað góðum viðbótum sem inniheldur ný vopn og önnur verkefni sem menn þurfa að leysa. Frá því að Fable 2 kom út hafa aðdáendur leiksins óskað eftir því að geta breytt hundinum sem fylgir þér út allan leikinn. Lionhead hafa ákveðið að uppfylla þá ósk þar sem þú geta breytt bæði útliti og tegund hundsins með ákveðnum hætti.
Fyrir þá sem þekkja til Fable 2 ættu hiklaust að verða sér um þessi viðbót. Eins og titillinn nefnir að þá munu viðbótin koma út þann 12. maí í gegnum Xbox Live Marketplace á aðeins 560 Microsoft punkta.
Getur verið að það sé að koma tölvuleikur tengdur kvikmynd sem er góður? Miðað við það sem við höfum séð, þá vonum við að það sé að gerast með X-Men Origins: Wolverine.
Tölvuleikir og kvikmyndir eru eins og vatn og olía, the shit dont mix, í flestum tilvikum allavega. Svona til að forða þér frá andlegu tjóni þá eru hér 3 myndir sem ætti að forðast eins og heitan eldinn.
Úff hvað er hægt að segja gott um þessa mynd, hún er það vond að hún verður næstum fyndin fyrir vikið, leikarar eins og Dennis Hopper, Bob Hoskins og John Leguizamo eru frábærlega skelfilegir og handritið er eins og það sé skrifað af einhverfu páskaeggi.
Robert Patric úr Terminator 2 “fer á kostum” í þessum hrylling, vægast sagt, Alyssa Milano er í myndinni líka, annað jákvætt er ekki hægt að segja um þessa.
Mynd sem er með Jean-Claude Van Damme, Kylie Minogue og Raul Julia hlítur að vera í það minnsta áhugaverð, og hún er það, svona næstum eins áhugavert og það er að horfa á rauðan vegg, í 2 daga…
Vonandi hefur þetta forðað þér frá þessum myndum, eða vakið næga forvitni til að þú kíkir á þær
Í lok maí munu Sony gefa út glænýjan leik sem verður aðeins fáanlegur á Playstation 3. Við erum að tala um inFamous frá Sucker Punch fyrirtækinu sem hafa meðal annars gert Sly Raccoon leikina sem heppnuðust mjög vel á Playstation 2 vélinni.
inFamous segir okkur frá manni að nafni Cole McGrath sem verður fyrir því óláni að lenda í slysi sem breytti honum skyndilega í ofurhetju (dæmigerð ofurhetjufrásögn). Cole McGrath hefur völ á því hvort hann vilji beyta brögðum sínum á góðan eða slæman hátt og mun leikurinn svo þróast í spilun út frá því sem þú kýst að vera.
Það verður spennandi að sjá hvernig inFamous mun spilast þegar nær dregur að leiknum. Sucker Punch gáfu út nýtt myndband í dag sem sýnir nokkuð veginn hvernig leikurinn mun fara fram. Eins og áður kom fram mun inFamous koma út í lok maí, aðeins á Playstation 3.
Ekki fyrir svo löngu síðan heyrðum við frá því að Ubisoft væru hugsanlega að gera annan Red Steel leik fyrir Nintendo Wii. Sú tilkynning hljómaði því miður ekkert svakalega spennandi þar sem fyrri leikurinn gekk ekki nógu vel. Wii fjarstýringin brást ekki nærrum því jafnvel í sverðbardögum líkt og myndbönd úr leiknum lofuðu og urðu margir spældir út af því.
Svo virðist að fréttin um Red Steel 2 reyndist sönn eftir allt saman. Í næsta tölublaði af Nintendo Powers birtist mynd af Red Steel 2 og segir þar: „LOKSINS, að nota sverð í Wii leik verður að veruleika eins og þig hefur alltaf dreymt um!“. Þess má geta að leikurinn mun styðja við Wii MotionPlus sem lítur út fyrir að vera töfralausn Wii fjarstýringaunnar til þess að bæta hreyfinguna allverulega.
Af einhverjum ástæðum að þá munu þeir færa leikinn úr borgum Japans yfir í Villta vestrið. Hvernig sem það gekk fyrir sig er ennþá dulin ráðgáta en við munum vonandi komast að sannleikanum fyrr eða síðar. Það verður spennandi að sjá hvort að Wii MotionPlus muni bjarga leiknum frá því lenda í sömu skelfingum og fyrri leikurinn en því miður hefur ekki verið staðfest hvenær leikurinn mun koma út.
Nú styttist í áframhaldið af Lost Planet, og við Game Tíví bræður höfum trú á því að þessi gæti verið rosalegur. Það er búið að laga flest sem mönnum fannst vera að í síðasta leik, td. er búið að bæta við 4 player coop, bæta við fullt af vopnum, eins og td. eldvörpu, hægt verður að customiza kallinn sinn mikið og með nýrri grafíkvél verður hægt að gera bardagana stærri og skrýmslin ótrúlega stór, svo stór að hægt er að fara inn í þau!
Hinn stórundarlegi PSN leikur Noby Noby Boy fær vel þegna uppfærslu í dag. Meðal þess sem fylgir henni er fjölspilunarmöguleiki, en nú geta allt að fjórir STRÁKAR (BOY) spilað saman í einu og hjálpað STELPU (GIRL) þannig enn frekar að lengjast og teygja sig enn lengra í geiminn.
Þá bætist við nýr strákur í leikinn, Onara Boy, eða Prumpustrákur, og nú hefur heimili STRÁKS fengið enn fleiri hárgreiðslur. Ofan á þetta allt saman er búið að bæta við nýjum hljóðum og mögulegt er að skipta um tónlist. Og það er margt annað sem bætist við, ef marka má heimasíðu leiksins.
Það er auðvelt að uppfæra leikinn. Einungis þarf að tengjast PlayStation Network og setja leikinn í gang og þá ætti hann að bjóðast til að sækja uppfærslu sjálfkrafa. Ekkert vesen, engin kreditkort, bara sæla.
Fyrir þá sem ekki vita er Noby Noby Boy nýjasti leikur Keita Takahashi, skapara Katamari Damacy, þar sem spilendum er boðið að stýra ormi sem heitir STRÁKUR og teygja hann og toga í allar áttir, vefja sig í kringum hluti og gefa fólki og dýrum far. Það er svo hægt að taka þetta allt upp á myndband og deila með fólki úti um allan heim með hjálp Youtube. Þetta hljómar undarlega, en svínvirkar!
Það eru eflaust margir íslendingarnir sem þekkja kvölina sem fylgir því að bíða eftir nýjum Final Fantasy leik. Square-Enix virðast síður en svo vera að flýta sér að þróa stærstu leikina sína, og þeir vita af því.
Í viðtali sem Yoichi Wada, forstjóri Square-Enix, veitti fyrir stuttu segir hann að Square-Enix reyndi að hafa leiki eins lengi í framleiðslu og mögulega er og gefa þá alls ekki út fyrr en þeir væru í alvörunni tilbúnir, í staðinn fyrir að gefa út hálfkláraða og böggaða leiki. Þeir ætla sér að taka upp sömu stefnu hjá fyrirtækinu sem þeir voru að festa kaup á í síðustu viku, Eidos, en það þýðir að Löru Croft aðdáendur ætti að geta vonast eftir enn betri Tomb Raider titlum í framtíðinni.
Wada nefndi einnig að takmörkun framleiðslukostnaðar og gæði hefðu ekki haft mikið sameiginlegt í leikjaiðnaðinum hingað til. Hann er þó bjartsýnn á að þessir tveir hlutir muni eiga samleið síðar meir og að það væri markmið Square-Enix í framtíðinni. Eini vandinn væri bara að sannfæra leikjahönnuðina sjálfa um að takmörkun framleiðslukostnaðar þýddi ekki endilega að þeir þyrftu að skera niður, og að það sé eitthvað sem fyrirtæki ættu að stefna að.
Sá leikur sem Playstation 3 aðdáendur bíða mest spenntir yfir á þessu ári er sennilega Uncharted 2: Among Thieves frá Naughty Dog. Fyrri leikurinn fékk glimrandi góða dóma og er enn talinn vera einn besti Playstation 3 leikur sem hefur komið út.
Framleiðendur leiksins komu okkur skemmtilega á óvart í dag með þeirri tilkynningu að allt að þrír vinir geta spilað leikinn saman í co-op. Margir voru hræddir um að þetta muni skyggja á einspilunar hluta leiksins sem heppnaðist svo vel í Uncharted: Drake’s Fortune. Naughty Dog voru ekki lengi að koma í veg fyrir þann misskilning og sögðu að co-op spilunin verður örlítið frábrugðin öðrum leikjum.
Í stað þess að leikmaður númer tvö eða þrjú hoppi allt í einu inn í leikinn að þá hafa þeir hannað sérstök verkefni sem eru gerð með tveggja til þriggja manna co-op spilun í huga. Þeir munu þá allir þurfa að hjálpast að við leysa hinar ýmsar þrautir og er það eina leiðin til þess að komast áfram.
Ekki nóg með að leikurinn innihaldi bara þriggja manna co-op spilun að þá mun hann einnig innihalda 10 manna fjölspilun í gegnum netið. Þar mun Drake og félagar kljást við grímuklædda menn sem vilja þeim allt illt. Leikir á borð við „Deathmatch“ og „Plunder“(betur þekktur sem „Capture the Flag“) verða til staðar svo eitthvað sé nefnt.
Það er ljóst að það verður líf og fjör í haust þegar Uncharted 2: Among Thieves lendir á Playstation 3 vélina, því hann er án efa einn af heitustu leikjum ársins.
Theresa hefur ekki lokið ferli sínum ennþá, hvað ætli hún hafi handa okkur núna?
Final Fantasy XIII er meðal þeirra leikja sem væntanlegir eru frá Square-Enix
Loading ...
Nýleg comment