- Ekkert venjulegt sjónvarp
Jæja þá erum við farinir í frí, við óskum ykkur gleðilegra leikjajóla, við mætum aftur ferskir í febrúar á Skjáeinn, þangað til munum við blogga svona af og til. Ef þú vilt síðan taka þátt í því að velja leik ársins sendu okkur þá mail á gtv(hjá)skjarinn.is og við birtum úrslitin í fyrsta þættinum á nýju ári.
Jólakveðjur, Game Tíví 
GTA: Chinatowns War endurskapar Liberty City borgina með breyttu nafni eftir New York sem sást í GTA IV. Það verður gaman að sjá hvernig þeim tekst að útfæra Grand Theft Auto leik á Nintendo DS eftir frábæran leik sem þeir bjuggu til fyrir leikjatölvurnar í lok apríl á þessu ári.
Heimildir: Eurogamer
Kveðja,
Game Tíví
Dear god, why did you have to make them all so Beautiful?
Jack Black er með þetta á hreinu 
Þeir eru margir notendurnir á Youtube og frá þeim kemur misgott efni. Einn af þessum notendum er ungur maður sem gengur undir nafninu brentalfloss, en hann sérhæfir sig í tölvuleikjatengdum myndböndum. Eitt af því sem hefur slegið í gegn hjá honum er að semja söngtexta við hin ýmsu tölvuleikjalög, en meðal þeirra laga sem hann hefur tekið fyrir er þemalagið úr Mega Man 3, sem sjá má hér fyrir neðan.
Þessa vikuna bætum við Gametíví bræður við 4 nýjum kreppuleikjum. Við viljum á sama tíma þakka viðtökurnar á þessum lið í þættinum og njótið vel 
Skotleikir
Fyrri skotleikurinn þessa vikuna er leikurinn Tremulous, en þar keppa menn á netinu og blandar leikurinn saman hefðbundinni skotleikjaspilun með hlutverkaleikja elementum, en í Tremolous þarf bæði að skjóta og byggja..
Til að ná í Tremulous skal dúndra sér inná : www.tremolous.net
Ef þú smælar framan í heiminn…
Seinni skotleikurinn þessa vikuna er leikurinn America’s Army, en þessi leikur var upphaflega hannaður sem æfingartól fyrir unga og upprennandi hermenn í Bandaríska hernum. Hér er á ferðinni bullandi fjör..
Til að ná í America’s Army skal tékka á : www.americasarmy.com
Hefur einhver séð grænu stjörnuna mína ?
Hlutverkaleikir
Fyrri hlutverkaleikurinn þessa vikuna er leikurinn Dungeon Runners, en þar er á ferðinni hlutverkaleikur gerður af NCSoft, en þeir eru þekktastir fyrir Guild Wars leikina. Hér búa leikmenn til persónur og djúsa sig í gegnum mega hart ævintýri.
Til að ná í Dungeon Runners skal fara inná : www.dungeonrunners.com
Varið ykkur…ég er með vængi og túttur..
Seinni hlutverkeleikurinn er RuneScape, sem er heldur betur harður og gamall í hettunni. Leikurinn spilast í netvafranum og því ekkert vesen. Við mælum sérstaklega með þessum..
Til að ná í RuneScape skal fara inná : www.runescape.com
Velkomin á plánetu bláu gauranna með rauða hárið..
Fyrir þá sem ekki vita er PlayStation Home sýndarheimur þar sem notendur geta skapað sína eigin persónu, heilsað upp á vini og vandamenn, skoðað myndbönd og innréttað sín eigin herbergi eftir eigin höfði, svo eitthvað sé nefnt.
Það eru eflaust margir sem hafa beðið spenntir eftir sýndarheiminum og Sony menn eru örugglega þrælsáttir með það að geta loksins boðið aðdáendum sínum í að skoða það sem þeir hafa skapað fyrir PlayStation 3 samfélagið.
Kveðja,
GameTíví
Í þættinum á fimmtudaginn skoðum við meðal annars leikinn Riddick: Dark Athena, dæmum Resistance 2 og Prince of Persia. Við höldum áfram að benda á frábæra ókeypis leiki og setjum linka hér inn fyrir ykkur. Jólagjafahandbók Game Tíví verður á sínum stað og í þetta sinn eru það skotleikir og íþróttaleikir sem við mælum með. Við kíkjum á Ghostbusters leikinn, Black Mesa: Source og marga fleiri.
Kv. Game Tíví
Þeir leikir sem ber helst að nefna eru:
Street Fighter IV – PC, Xbox360, PS3.
Aðdáendur Street Fighter seríunnar hafa beðið mjög lengi eftir þessum leik og fer biðin brátt að enda. Margir helstu persónur úr fyrrum leikjum á borð við Ryu, Ken og Chun-Li mæta til leiks á ný til að kljást við hvorn annan. Ekkert verður gefið eftir!
Þekkir þú Akuma? Ef ekki, fáðu að kynnast honum hér.
Killzone 2 - PS3.
Biðin eftir Killzone 2 hefur verið mjög löng eða alveg frá því að PS3 vélin var fyrst kynnt til sögunnar. Leikurinn lítur virkilega vel út og er grafíkin ein sú besta sem sést hefur í tölvuleik. Hér er greinilega vandaður leikur á ferð sem enginn PS3 eigandi ætti að láta framhjá sér fara.
Myndbönd úr leiknum: 1 – 2 – 3
Halo Wars – Xbox360
Hér hefst nýr kafli í Halo sögunni og gerist leikurinn áður en hið svo kallað Halo stríð hófst. Að þessu sinni tekur Halo serían nýja stefnu þar sem leikurinn verður í herkænskuformi ólíkt fyrri leikjum.
Myndband úr leiknum fá finna hér.
Kojima Productions, fyrirtækið sem færði okkur frábæra leiki eins og Metal Gear Solid 3: Snake Eater og Metal Gear Solid 4: Guns of the Patriot, stríðir okkur heldur betur með nýrri vefsíðu á vef framleiðandans. Síðan gefur litlar upplýsingar… í rauninni kemur ekkert fram annað en myndin sem þið sjáið hér að neðan og textinn “Næsti Metal Gear er…”
Það verður í það minnsta gaman að sjá hvað mun koma út úr þessu öllu saman.
Heimildir: Destructoid
Kveðja,
GameTíví
Harr… ég sný aftur. Í einhverju formi!
Eins og sjá mátti í síðasta þætti af Game Tíví, þá er hægt að taka í góða leiki frítt og hér eru upplýsingar um þá, og hvetjum við ykkur til að tékka á þeim 
Nú höfum við bætt við herkænskuleiknum Red Alert við safnið.
Skotleikir :
Alien Arena – http://icculus.org/alienarena/rpa/index.html
Dúndrandi geimveruhasar þar sem menn berjast á stórum svæðum á móti hvor öðrum. ET er í vondum málum !!
Combat Arms – http://combatarms.nexon.net
Herinn er trylltur og vill fá þig til liðs við sig…nú reynir á gamli, veldu þér lið og skjóttu eins og enginn sé morgundagurinn. Aðeins fyrir þá allra hörðustu..sem eiga engan pening 
Hlutverkaleikir :
Anarchy Online – www.anarchy-online.com
Einn fyrsti MMORPG til að slá í gegn..Mjög harður leikur sem haldið hefur lífi í fjölmörg ár. Framtíðin er þín og hún er frí…
AirRivals – www.airrivals.net
Smelltu upp hjálmnum og dúndraðu þér í AirRivals þar sem menn eru menn og konur eru menn…Hér kemst maður ekki upp með neinn moðreyk, hetjur eru heiðraðar og skúrkum skellt í skottið..þaddna..
Herkænskuleikir :
Command & Conquer: Red Alert – www.ea.com/redalert
Stjórnaðu annaðhvort Sovétríkjunum eða Bandamönnum til sigurs í þessum frábæra herkænsku leik. Seinni heimsstyrjöldin er hafin og allt er á niðurleið í Evrópu, nema að þú einn getur bjargað málunum!
Njótið vel á krepputímum, það er klárt að gjaldmiðill Gametíví styrkist með hverri vikunni sem líður 
Loading ...
Nýleg comment