Monthly Archive for August, 2008

Valve hafa svo sannarlega verið duglegir við það að uppfæra leikina sína og Team Fortress 2  er mjög sterkur á því sviði. Nú hafa þeir staðfest það að uppfærlsa fyrir Heavy klasan er væntanleg í næstu viku á PC vélarnar. Þeir sögðu einnig að þetta verður þeirra stærsta uppfærsla frá því að leikurinn var gefinn út sem verður að teljast ansi gott fyrir Team Fortress 2 aðdáendur.

Uppfærslan mun innihalda þrjú ný vopn fyrir Team Fortress 2 hópanna, ásamt nýjum borðum og leikjum. Fyrir Heavy hlutann, að þá hafa þeir áður sagt frá því að þeir ætluðu að breyta honum aðeins til þess að hann eigi möguleika að spila einn á báti í stað þess að þurfa alltaf læknin fyrir aftan sig.

Þetta eru svo sannarlega spennandi tímar fyrir Team Fortress 2 spilendur. Uppfærslan verður gefin út í næstu viku þann 19. ágúst fyrir PC vélarnar. Fyrir þá sem hafa ekki spilað leikinn fá tækifæri til þess þann 22. ágúst þar sem þeir ætla að vera með fríhelgi fyrir leikinn, þannig að allir ættu að geta spila hann frítt þá helgi.

Heimildir: Eurogamer

Kveðja,
Game Tíví

Heavy breytir um stíl að þessu sinni.

Forstjóri Activision Blizzard, Bobby Kotick sagði frá því í nýlegu viðtali að nýr Call of Duty leikur verður gefinn út á næsta ári. Þá er ekki verið að tala um nýjasta leikinn, Call of Duty 5, því hann mun að sjálfsögðu detta inn eftir nokkra mánuði.

Það er ljóst að Activision ætlar ekkert að spara þessa vinsælu seríu. Tvö fyrirtæki hafa fengið þau hlutverk að framleiða leikina sem eru Infinity Ward og Treyarch og hafa þau skipts á að framleiða leikina. Bobby Kotick minntist einnig á það að því verður haldið áfram, þannig að Infinity Ward eru líklegastir við það að koma með nýjan leik á næsta ári.

Einnig hefur heyrst að Infinity Ward séu að vinna að nýjum leik sem mun gerast  langt umfram okkar tíma. Ekki er vitað hvort það verði næsti Call of Duty leikur eða ekki. Ef svo verður, megum við búast við því að barist verður með geislabyssum og allskyns öðrum vopnum.

Heimildir: Joystiq

Kveðja,
Game Tíví

Skjáskot úr komandi Call of Duty leik.