Hér má sjá hvernig Liberty City hefur breyst á 11 árum 
Jæja nóg blaður, ég er farinn aftur að spila GTA IV 
Monthly Archive for April, 2008
Það hlaut að koma að því, Nintendo hafa loksins staðfest það að Super Smash Bros. Brawl verður gefinn út í Evrópu þann 27. júní. Þessi tíðindi ættu að létta mikið undir fyrir Nintendo aðdáendur, því við Evrópubúar höfum þurft að þola mikið í gegnum árin hvað varðar dagsettningar á leikjum.
Fyrir þá sem ekki þekkja til Super Smash Bros. að þá ganga þeir út á það þegar Nintendo persónurnar koma saman og takast á við hvort annað í geysimiklum bördugum. Leikurinn skartar persónur á borð við Mario, Link, Bowser, Zeldu, Pikatchu og fullt af fleirum persónum sem berja hvort annað á hinn ótrúlegasta hátt.
Það er óhætt að segja að þessi á eftir að verða góður í Nintendo safnið þegar hann kemur út í Evrópu. Leikurinn hefur verið að fá magnaða dóma og má nefna að hann hefur fengið 94% hjá Gamerankings. Super Smash Bros. Brawl kemur sem sagt út þann 27. júní aðeins á Nintendo Wii.
Hér er listi yfir væntanlega Wii leiki í Evrópu.
Þá er loksins komið að því að gera grein fyrir því hverjir komust í úrslitakeppnina í Guitar Hero sem verður haldin í Smárabíói.
Þeir keppendur sem komast í úrslitakeppnina eiga að reyna ná sem bestu skori í Cherub Rock með Smashing Pumpkins í Expert styllingu. 8 bestu skorin fara svo áfram í 8-liða úrslitakeppni. Mögulegt er að 1-2 komist áfram á sviðsframkomu, svo lengi sem þeir nái einnig mannsæmandi skori.
Í 8-liða úrslitum verður keppt í Cliffs of Dover með Eric Johnson.
Í 4-liða úrslitum verður keppt í One með Metallica.
Í úrslitum verður svo keppt í laginu The Number of the Beast með Iron Maiden.
Eftirfarandi eru þeir sem komust áfram:
Gísli Þór Þorsteinsson
John Arnar Sveinbjörnsson
Þorlákur Björnsson
Halldór Gylfason
Kristófer Berg Sturluson
Heiðar Þórðarson
Ólafur Alexander Ólafsson
Ásgeir Helgi Þrastarson
Pétur Örn Pálmarsson
Dagur Sigurður Úlfarsson
Arnaldur Ingi Jónsson
Brynjar Sæmundsson
Við verðum svo í sambandi við keppendur varðandi frekari upplýsingar…ROCK ON!!!
Það lítur allt út fyrir það að september mánuðurinn á eftir að verða dúndur góður fyrir tölvuleikja aðdáendur. Nú voru tveir spennandi leikir að bætast í hópinn og fengu september sem útgáfudag en það voru leikirnir Midnight Club: Los Angeles og svo Silent Hill: Homecoming.
Midnight Club: Los Angeles
Midnight Club leikirnir hafa verið ansi góðir hingað til og eru þrír talsins. Leikirnir skarta risa stórum borgum sem leikmenn fá að keyra um að frjálsum vilja og taka þátt í æsi spennandi keppnum, bæði á bílum og á mótorhjólum. Midnight Club: Los Angeles gerist í borg englanna eins og nafnið gefur til kynna og hafa framleiðendur leiksins, Rockstar San Diego tilkynnt það að borgin verði eins raunveruleg og hún er í raun. Nú verður hægt að breyta mun meira hvað varðar útlit bílsins og það verður gaman að sjá hvernig hann mun koma til með að líta út.
Midnight Club: Los Angeles verður fáanlegur þann 12. september á PS3 og Xbox 360. Einnig er verið að gera PSP útgáfu af leiknum.
Silent Hill: Homecoming
Þegar það kemur að spennu- og hryllingsleikjum að þá hafa Silent Hill leikirnir verið mjög ofarlega á lista. Að þessu sinni í Silent Hill: Homecoming fylgjumst við með Alex Shepherd sem er aðal söguhetja leiksins en hann leitar að bróður sínum sem hvarf á dularfullan hátt. Hlutirnir verða ekki allt það sem sýnist og Alex verður þess vegna að yfirkoma sína verstu martraðir. Konami standa að verki leiksins eins og kunnugt er en þetta er í fyrsta sinn sem Silent Hill fær að láta myrkrið sitt kljúfa yfir á nýju leikjatölvunum og það verður spennandi að sjá hvernig hann á eftir að spilast. Grafík leikins er sögð vera skelfilega flott og einnig spilar tónlistin mjög vel þar undir.
Silent Hill: Homecoming er einnig væntanlegur í september á þessu ári fyrir Playstation 3 og Xbox 360.
Heimildir: Eurogamer, Midnight Club – Silend Hill
Kveðja,
Game Tíví
Margir leikir í dag bjóða upp á þann möguleika að geta niðurhlaðað aukadóti fyrir leikinn á netinu fyrir smá pening. Dæmi má nefna að bílaleikir bjóða upp á það að niðurhlaða auka brautum, búnaði, keppnisbílum svo eitthvað sé nefnt.
Electronic Arts hafa hinsvegar kosið að fara á mjög undarlegan hátt til þess að nálgast aukabyssur fyrir leikinn Battlefield: Bad Company. Til þess að nálgast í eftirfarandi byssur þarf fyrst að framkvæma nokkur atriði og þau hljóma nokkuð veginn svona:
- QBU88 Sniper Rifle: Pantaðu leikinn á netinu.
- UZI Submachine Gun: Niðurhlaðaðu demo af leiknum og spilaðu það.
- M60 Light Machine Gun: Skráðu þig fyrir aðgang að Battlefield fréttum.
- F2000 Assault Rifle: Skráðu nafn hermanns þíns í Battlefield á netinu.
- USAS12 Shotgun: Skoðaðu Bad Company yfirlit þitt á netinu á útgáfudag
leiksins.
Þetta eru ansi harðar kröfur til þess að nálgast allar byssur fyrir leikinn. Byssurnar voru upprunarlega í boði í Beta prufu leiksins og sagt hefur verið að þær séu öflugari en hinar sem verða í boði í upphafi.
Nokkrar byssur ættu samt sem áður ekki að eyðileggja stemmningu leiksins þótt að það væri gaman að næla sér í nokkrar þeirra. Leikurinn lítur virkilega vel út og lofar mjög góðu og sannir Battlefield spilarar ættu alls ekki að láta þennan framhjá sér fara. Battlefield: Bad Company er svo væntanlegur þann 27. júní næstkomandi á Xbox 360 og Playstation 3.
Heimildir: Joystiq
Kveðja,
Game Tíví
Það verður hægt að eyða nánast öllu því sem fram kemur í leiknum.
Það er svo sem ekkert skrýtið við stóra kynningar herferð í kringum nýja GTA leikinn, bara eins og var í kringum td. Halo 3 í bretlandi, en það sem kemur manni á óvart er að Microsoft mun standa á bak við herferðina en ekki útgefandinn Take-Two eða Rockstar sem búa til leikinn.
Ástæðan fyrir þessu er að Microsoft segir að GTA sé leikur sem sýnir yfirburði Xbox 360 vélarinnar á leikjatölvumarkaðinum, með Xbox Live möguleikunum, Achievements kerfinu og aukaefninu fyrir GTA sem verður einungis í boði fyrir Xbox 360 eigendur.
Það er alveg ótrúlegt hvað fólki dettur í hug þegar þeim leiðist eða eitthvað álíka og leyfir svo hugmyndafluginu að ráða för sinni. Í þessu myndbandi er eitt dæmi um slíkt en þetta verður samt að teljast ansi vel gert. Hér leika menn sér með fjarstýrðan bíl og vínflöskur og spila úr því Super Mario lagið. Mennirnir sem stóðu á bakvið þetta eiga svo sannarlega hrós skilið fyrir þetta afrek.
Hér má sjá mynbandið með Super Mario laginu.
Fyrir stuttu gengu orðrómar í garð um að Nintendo væru að hanna nýja DS vél og verður kynnt á E3 sýningunni á þessu ári. Þessar fréttir komu upprunalega úr tímaritinu “Famitsu magazine” og sagt var í einni frétt að mögulegt væri að Nintendo kæmu með nýjung fyrir lófatölvurnar á E3 sýningunni.
Nintendo DS vélin er feiki vinsæl og verður ansi erfitt að toppa hana á markaðnum. Vélin hefur selst allt í 69.95 milljónum eintaka samkvæmt VG Charts.com og heldur áfram daginn í dag að seljast gríðarlega vel. Í mars árið 2005 kom Nintendo DS vélin út í fyrsta sinn í Evrópu en svo ári seinna, júní 2006 kom svo ný gerð sem bar nafnið DS-Lite.
Það er erfitt að segja strax til um það hvort þessar fréttir muni rætast en það kæmi ekki á óvart. Þetta eru allt saman orðrómar eins og staðan er í dag, en þá er bara að bíða og vonast til þess að allt saman rætist þegar nær dregur að E3 sýngingunni.
Heimildir: Eurogamer
Kveðja,
Game Tíví
Það þykir mörgum gaman í DS, ekki bara mannfólkinu.
Það er ekki á hverjum degi sem maður sér svona fyrirsögn 
En þetta er nýjasti Nintendo DS leikurinn sem við Game Tíví menn erum að fíla í botn, einfaldur og skemmtilegur leikur sem þú verður að prófa ef þú átt Nintendo DS.
Þegar Lair var fyrst kynntur áður en Playstation 3 vélin kom út leit hann virkilega vel út. Margir biðu mjög spenntir yfir honum því að hann hafði eitt flottasta útlit sem sést hafði í tölvuleik. Seinna meir þegar Lair var loksins gefinn út að þá virtist ekki allt sem sýndist, því að stjórnun leiksins var ekki alveg að virka… eða hvað?
Þegar spilendur fengu loksins að prófa leikinn að þá fór allt í vitleysu við það hvernig maður ætti að stjórna drekanum fullkomlega. Ekki var hægt að nota stýrispinnana heldur aðeins “Sixaxis” stjórnunina sem einkennir PS3 fjarstýringuna. Menn þurftu sem sagt að snúa fjarstýringunni til og frá til þess að skipa drekanum að beygja og margt því líkt, en oft vildi drekinn ekki hlýða. Ef það er eitthvað sem á að gera leiki góða að þá verður stýringin að vera minnsta kosti í lagi.
Núna virðist eitthvað ætla að breytast. Framleiðendur leiksins ætla að gefa út uppfærslu í Japan þann 17. apríl sem gerir það kleyft að menn geti stjórnað drekanum með stýrispinnanum. Það lýtur út fyrir það að við og aðrar þjóðir fáum hana einnig í bráð og þetta ætti að breyta spilun leiksins töluvert. Tímasetningin á uppfærslunni er að vísu nokkuð furðuleg en vonandi eiga Lair aðdáendur eftir að líka vel við hana, hvort sem þeir líki vel við Sixaxis stjórnunina eða komu pinnans.
Heimildir: Joystiq
Kveðja,
Game Tíví
“Vinstri, ég sagði farðu til vinstri… ekki hægri!”
Við minnum ykkur enn og aftur á leitina að Gítar Hetju Íslands!
Loading ...
Nýleg comment