- Ekkert venjulegt sjónvarp
Allt það nýjasta í tölvuleikjunum
Í þættinum verður meðal annars glænýr raunveruleikur(Lost Planet), farið yfir helstu fréttir vikunar, skoðum Sega Superstars Tennis, Fifa Street 3, Devil May Cry 4, Command & Conquer 3: Kayne´s Wrath, No More Heroes, Zak & Wiki, Pirates of the Burning Sea og fleiri leiki. Nörd vikunar á sínum stað og fáum kennslu í hvernig The Club virkar.
Hressir og kaldir í raunveruleik 
Einn flottasti skotleikurinn í dag er án efa leikurinn Call of Duty 4: Modern Warfare sem var gerður af Infinity Ward en þeir gerðu einnig fyrsta leikinn og þann númer tvö. Leikurinn fékk þann heiður að verða best seldi leikurinn árið 2007 og verður það að teljast ansi magnað. Samkvæmt könnunun sem voru gerðar af rannsóknarhópum NPD, Charts-Track og Gfk, en þeir tilkynntu það að leikurinn hefur selst yfir 7 milljón eintaka um heim allan síðan hann var gefinn út síðastaliðin nóvember.
Activision sem gefa leikinn út voru mjög ánægðir með þessar tölur. Sumir telja að Call of Duty 4 sé einn sá besti leikur sem hefur komið út hingað til. En þeir eru ákveðnir í því að halda þessari seríu lengi uppi en næsti leikur, Call of Duty 5 mun vera gerður af "treyarch" en þeir gerðu einmitt leik númer 3 sem varð víst lakasti leikurinn í seríunni. Ásamt því ætla þeir að hefja leikinn á gamla tímanum enn einu sinni eða í seinni heimstyrjöldinni. En það verður bara að bíða og sjá hvernig það mun koma út.
Call of Duty 4: Modern Warfare hefur fengið mjög góða dóma nánast allstaðar og fær 93% að meðaltali hjá Gamerankings. En leikurinn gerist í nánari framtíð en allt er í band og brjálaði í mið-Evrópu ríkjunum þar sem hryðjuverkamenn eru með mikil völd. Þú ferð í hlutverk sérsveitamanna Breta "SAS" ásamt því að vera Bandarískur fótgönguliði í hernum þar. En það er þitt komið að enda þetta stríð þar sem ógn ríkir nánast allstaðar í heiminum.
Leikurinn er fáanlegur á PC, PS3, Xbox 360 og Nintendo DS. Síðar mun leikurinn svo koma út á Macintosh.
Heimildir: Eurogamer
Kveðja,
Game Tíví
Drífum okkur. Við verðum að kaupa leikinn áður en hann selst aftur upp!
Einstaka sinnum rekst maður á leik sem er svo vondur að hann verður góður, þetta er svoleiðis leikur.
Hægt er að nálgast demóið hér.
Íslenski leikjaframleiðandinn CCP Games og hið víðfræga fyrirtæki Valve hafa komist að samkomulagi um dreifingu á fjölspilunarleiknum EVE yfir Steam leikjaveituna. EVE Online verður því fyrsti leikur sinnar tegundar til þess að notfæra sér Steam.
Fjöldi áskrifenda í leiknum hefur rokið upp á undanförnum árum og hefur leikurinn nú meira en 200.000 áskrifendur. Það má þó búast við að nokkrir muni bætast við þegar leikurinn fer í dreifingu yfir Steam því 13 milljónir manna um allan heim notfæra sér þjónustuna. Ekki skemmir fyrir að notendur Steam fá 21 dags prufureikning og ef þeir hafa áhuga á að kaupa áskrift fá þeir fimm dollara afslátt af fyrsta mánuðinum sínum. Ekki slæmur díll.
EVE Online er væntanlegur á Steam á næstu vikum.
Heimild: Evil Avatar
Kveðja,
GameTíví
Capcom hafa loksins staðfest útgáfudag á Devil May Cry 4 demóinu… og það kemur í dag, fimmtudag! Demóið skartar vitaskuld nýju aðalpersónunni, Nero, og ætti að gefa leikspilendum nokkuð góða innsýn inn í bardagakerfi leiksins. Kerfið er smíðað í kringum vopn Nero, "Devil Bringer," og með því eiga þeir að gera ýmis brögð til þess að yfirbuga óvini sína á sem skilvirkastan hátt.
Devil May Cry 4 er fjórði (duh) leikurinn í hinni ágætu Devil May Cry seríu. Hingað til hefur þó önnur persóna, Dante, setið við stýrið en eitthvað fékk Capcom til þess að skipta um bílstjóra og í staðinn verður Dante óvinur í leiknum. Spes.
Devil May Cry 4 olli miklu fjaðrafoki um árið þegar ákveðið var að færa leikinn yfir á Xbox 360 og PC en upphaflega var áætlað að hann kæmi eingöngu á PlayStation 3. Margir aðdáendur seríunnar hreinlega suðu upp af reiði þegar að þessu kom og litu á þetta sem svik við sig. Það eru þó eflaust margir sem eru sáttir við þessa nýju breytingu og loksins munu spilendur fá að njóta góðs af þessum ávexti þegar demóið kemur út á morgun.
Demóið verður hægt að nálgast á PSN í gegnum PS3 eða Xbox Live í gegnum Xbox 360.
Heimildir: Kotaku
Kveðja,
GameTíví
Það vantar ekki blóðið í Devil May Cry 4.
Fjölmennasti netleikurinn í dag er einginn annar en World of Warcraft. Blizzard menn sem standa á bakvið leikinn hafa nú tilkynnt það að alls hafa 10 milljón manns skráð sig inn í leikinn um heim allan. Hversu margir eru 10 milljón manns i World of Warcraft samanburð við okkar heim? Blizzard hafa gefið það til kynna ef að þeir mynu hópa saman öllum spilurum í einn stóran her að þá myndi hann ábyggilega gjörsigra 10. besta her í okkar heimi í dag. Hvað varðar íbúarfjölda, þá ná allir spilarar í World of Warcraft samasem og hálf Ástralía og verður það að teljast ansi mikið.
Með þeim sem teljst í þessu eru þeir sem borga fyrir leikinn hvern mánuð, þeir sem versla sér "gamecards" og einnig þeir sem hafa spilað hann frían í 30 daga sem Blizzard hafa boðið uppá á mörgum leikjasíðum. Yfir allar þær 10 milljónir sem spila leikinn, þá eru meira en 2 milljónir manns sem spila hann í Evrópu, 2.5 milljónir og fleiri í Norður Ameríku og enn fleiri í Asíu eða 5.5 milljón manns sem spila hann þar. World of Warcraft hefur fjölgað gríðarlega mikið og gerir það ennþá hvern einasta dag.
En World of Warcraft er hlutverkaleikur sem gerist í hinum undarlegum heimi Warcraft eins og nafnið gefur til kynna. Þar geta spilarar valið ýmsar persónur og spilað þá í gegnum leikinn. Einnig er fáanlegur aukapakki fyrir leikinn og ber hann nafnið World of Warcraft: Burning Crusade.
Heimildir: Joystiq
Kveðja,
Game Tíví
Það er orðið ansi vinsælt að færa vinsæla PSP leiki yfir á PlayStation 2 vélina. Bestu dæmin eru vafalaust Grand Theft Auto: Vice City Stories og Grand Theft Auto: Liberty City Stores, en núna hefur einn leikur bæst við þennan sístækkandi lista, en það er leikurinn Ratchet & Clank: Size Matters, en hann kom út í fyrra og hlaut ágætar viðtökur gagnrýnenda og aðdáenda seríunnar.
Það var vefsíðan Eurogamer sem ákvað að fá staðfestingu frá Sony fyrir fullt og allt um hvort vit væri í því að leikurinn væri væntanlegur á PS2 og fengu þau svör að það væri svo sannarlega málið, og að leikurinn komi út í mars næstkomandi!
Í Ratchet & Clank: Size Matters fer sumarfrí félaganna út um þúfur þegar ungru stúlku er rænt á meðan hún vinnur að skólaverkefni. En það er eitthvað annað og meira sem felur sig undir yfirborðinu og bíður þess að ná höggi á Ratchet…
Ratchet & Clank: Size Matters er væntanlegur á PS2 í mars. Fyrir þá sem geta hins vegar ekki beðið, þá er leikurinn nú þegar til á PSP…
Heimild: Eurogamer
Kveðja,
GameTíví
Lánið hefur svo sannarlega ekki gengið vel hjá þeim sem spila Counter-Strike eða EverQuest í Brasilíu. En báðir leikirnir hafa farið fyrir dómi um hvort það ætti að banna leikina eða ekki. Eftir ýtarlegt mál var það ákveðið að banna skildi báða leikina í Brasilíu og ástæðan að þessu máli er sú að leikirnir séu hreinlega "skaðlegir við heilsuna gagnvart spilendum þeirra".
Counter-Strike og EverQuest leikirnir hafa verið lengi uppi og voru gefnir út fyrst árið 1999. Counter-Strike leikirnir hafa allavega þróast mikið í gegnum tíðina alveg frá grafík sem kallast eftir leikjum "Counter-Strike 1.5" að "Counter-Strike 1.6" sem gerði mikla breytingu í heimi þess leiks. Miklu síðar kom svo út leikurinn Counter-Strike Source ásamt Half Life 2 og sú grafík er eitt af þeim bestu sem hefur sést í leikjum í dag.
Samkvæmt lesendum tímaritsins Kotaku, þá hefur leikurinn fengið það viðhorf að hann sé að kenna spilendum stríðsáætlanir fyrir þá sem spila Counter-Strike. En aftur á móti það vonda sem einkennir EverQuest sé það að spilendur eru spurðir að því að taka við sig hinu "góðu" og "slæmum" verkum sem sálfræðingar telja afar slæmt og valdi miklum vandamálum. Samt sem áður hefur EverQuest aldrei verið gefinn út í Brasilíu.
Heimildir: Eurogamer
Kveðja,
Game Tíví
Leikjaútgefandinn Atari hefur staðfest að Alone in the Dark, nýjasti leikurinn í samnefndri seríu sem naut mikilla vinsælda fyrir rúmum áratug, muni koma út á Xbox 360 og PC í maí næstkomandi. PS3 útgáfunni hefur hins vegar verið frestað og einungis hefur verið lofað að hún muni koma út á þessu ári. Hún átti upphaflega að koma út á sama tíma og PC og Xbox 360 útgáfurnar.
Í leiknum skella leikmenn sér í skó Edward Camby, aðalpersónunnar úr upprunalegu leikjunum, og eiga þeir að leita að svörum við ýmsum yfirnáttúrulegum atburðum.
Alone in the Dark átti reyndar upphaflega að koma út í mars, en Infogrames (sem að eiga meirihlutann í Atari) segja ástæðuna á bak við ákvörðunina vera að leikurinn þurfi lengri tíma í framleiðslu til að slípa hann betur til.
Alone in the Dark kemur, eins og áður sagði, á PC, Xbox 360 og PS3, en einnig eru útgáfur fyrir Wii og PlayStation 2 í bígerð.
Heimild: 1UP.com
Kveðja,
GameTíví
Ef marka má japanska tímaritið Famitsu þá verður biðin eftir slagsmálaleiknum Super Smash Bros. Brawl fyrir Nintendo Wii svo sannarlega þess virði. Leikurinn hefur nefnilega hlotið hæstu einkunn hjá tímaritinu, 40 stig af 40 mögulegum, og er sjöundi leikurinn í sögu tímaritsins til að hljóta svo háa einkunn.
Aðrir leikir sem hafa hlotið sömu einkunn eru The Legend of Zelda: Ocarina of Time á Nintendo 64, Soul Calibur á Dreamcast, Vagrant Story á PlayStation, The Legend of Zelda: Wind Waker á GameCube, Nintendogs á Nintendo DS og Final Fantasy XII á PlayStation 2.
Fyrir þá sem ekki þekkja til Super Smash Bros. leikjanna þá eru það leikir frá Nintendo þar sem frægar Nintendo persónur berjast við hvora aðra og beita lúalegum brögðum til að ná yfirhöndinni. Meðal persóna sem munu birtast í Super Smash Bros. Brawl eru Mario úr Super Mario, Link úr Legend of Zelda, Pit úr Kid Icarus, og Kirby úr samnefndum leikjum. Þá munu einnig hinn gamli andstæðingur Mario frá gömlu Sega Mega Drive dögunum, Sonic the Hedgehog, verða spilanlegur í Super Smash Bros. Brawl ásamt harðjaxlinum Solid Snake úr hinum frábæru Metal Gear Solid leikjum.
Því miður hefur engin dagsetning verið fest á leikinn hér í Evrópu, en þeir sem hyggjast kaupa hann inn frá Ameríku eru svo sannarlega heppnir því hann er væntanlegur þar í álfu 9. mars næstkomandi.
Heimild: Joystiq
Kveðja,
GameTíví
Loading ...
Nýleg comment