- Ekkert venjulegt sjónvarp

Síður Skjásins

Monthly Archive for November, 2007

Page 2 of 2

Unreal Tournament 3 kemur á PS3 á næsta ári

Published on 22. November, 2007 in Uncategorized. Closed

Mark Rein hjá Epic Games hefur staðfest að Unreal Tournament 3 komi ekki út á PlayStation 3 hér í Evrópu fyrr en í byrjun næsta árs. Leikurinn fór á gull nú í vikunni og verður gefinn út í Bandaríkjunum 11. desember næstkomandi.

Ástæðan fyrir seinkun leiksins hér í Evrópu er einfaldlega sú að leikir þurfa að fara í gegnum lengra vottunarferli vegna þess að hann er gefinn út á fleiri en einu tungumáli.

Rein gerir ráð fyrir að leikurinn komi út í Evrópu í janúar eða febrúar, en ekkert hefur enn verið staðfest í þeim efnum. Línurnar ættu þó að skýrast á næstu vikum og við ættum þá að fá nákvæman útgáfudag.

Leikurinn er kominn út á PC og er væntanlegur á Xbox 360 einhvern tímann á næsta ári. Þegar Epic Games ákveða að halda áfram með framleiðslu leiksins, það er að segja, en þeir ákváðu að leggja hana á hilluna og einbeita sér að PS3 og PC útgáfunum í staðinn.

Heimildir: Eurogamer

Kveðja,
GameTíví


Pew pew og allt það.

Super Mario Galaxy einn besti leikurinn frá upphafi

Published on 22. November, 2007 in Uncategorized. 3 Comments

Super Mario Galaxy er án efa einn sá mest umtalaðasti leikurinn í dag. Í síðustu viku þegar hann kom út, fór hann beinasta leið á toppinn sem besti gagnrýndi leikurinn eða með bestu einkunnir frá upphafi tölvuleikja.

Það er leikurinn "The Legend of Zelda – Ocarina of Time" á Nintendo 64 sem hefur átt tökin í 9 ár eða frá árinu 1998 og er hann talinn besti leikur frá upphafi til þennan dags. En þar sem Mario fór á toppinn hjá Gamerankings.com, var spennandi að sjá hvort hann myndi halda því lengi, það munaði aðeins 0.3% á milli þeirra eða Mario var með 97.9% af 100% og Zelda er með 97.6%. En því miður fékk Super Mario Galaxy ekki að eiga þann titil að sigra Zelda en Mario fór í dag niður í 97.3% og er hann þá í öðru sæti á þeim lista.

Gaman er að segja frá því að í fyrstu vikunni í Bandaríkjunum hvarf Super Mario hreinlega strax úr hillunum. Aðeins í Bandaríkjunum seldust um 500 þúsund eintök af þessum frábæra leik. Það telst frekar góður árangur og verður spennandi að sjá hvernig frammhaldið fer. Einnig hefur Wii leikjavélin sjálf selst upp nánast allstaðar aðeins nokkrum mínútum að henni hefur verið hleypt í búðirnar.

Super Mario Galaxy fékk 9.75 hjá okkur í Game Tíví og viljum við hvetja alla Wii eigendur að sækjast eftir þessum leik. Leikurinn er fáanlegur í Ormsson og BT og ætti enginn sannur Nintendo maður að láta hann framhjá sér fara.

Heimildir: Gamespot

Kveðja,
Game Tíví


Its-a me, Mario Wúhoo. Your number One Wahaa!

Framhald af Rainbow Six Vegas væntanlegt

Published on 21. November, 2007 in Uncategorized. Closed

Ubisoft hafa staðfest að framhald af fyrstu-persónu skotleiknum Tom Clancy's Rainbow Six Vegas sé í vinnslu, en hann heitir því frumlega nafni Tom Clancy's Rainbow Six Vegas 2. Rainbow Six serían hefur notið mikilla vinsælda en Rainbow Six Vegas 2 verður sjötti leikurinn í seríunni.

Rainbow Six leikirnir eru fyrstu-persónu skotleikir sem innihalda minna af run-and-gun hasar en í staðinn þurfa spilendur að beita taktík og brjóta heilann aðeins í skotbardögum. Rainbow Six Vegas kom á Xbox 360 í fyrra og á PS3 fyrr á árinu og fékk ágætar viðtökur hjá aðdáendum Rainbow Six seríunnar sem og gagnrýnendum.

Í Rainbow Six Vegas fóru spilendur í hlutverk liðsforingjans Logan Keller og stýra honum, ásamt undirmönnum hans, í herferð gegn hryðjuverkamönnum. Leikurinn endaði að sjálfsögðu með því að leggja hornstein að framhaldi af leiknum.

Ubisoft Montreal, þróunaraðilar leiksins, ætla sér svo sannarlega að betrumbæta allt úr fyrri leiknum, allt frá einspilun og fjölspilun til grafíkur. Þá mun leikurinn að sjálfsögðu færa söguna um Logan Keller og baráttu hans við hryðjuverkamenn áfram um nokkur skref, því það væri frekar skítt ef framhaldið hefði söguna úr gamla leiknum.

Tom Clancy's Rainbow Six Vegas 2 er væntanlegur á PC, Xbox 360 og PlayStation 3 í mars á næsta ári.

Heimild: Eurogamer

Kveðja,
GameTíví


Rainbow Six Vegas var bara ansi nettur leikur

 

Ný Halo 3 borð koma í desember

Published on 20. November, 2007 in Uncategorized. Closed

Einn vinsælasti leikurinn í dag er án nokkurðs vafa Halo 3 fyrir X-Box 360 og hefur hann fengið mjög góðar viðtökur um allan heim. En nú hafa Microsoft sagt frá því að nýr pakki fyrir leikinn er svo væntanlegur í næsta mánuði.

Pakkinn mun innihalda 3 multiplayer borð fyrir leikinn og ber hann nafnið "Heroic Map Pack" og hann verður fáanlegur í gegnum X-Box Live Marketplace og mun kosta 800 Microsoft stig. Borðin þrjú nefnast Standoff, Rat´s Nest og Foundry og munu öll þau innihalda mismunandi eiginleika eða leiki.

Standoff er til dæmis útidyra borð og er það hannað fyrir meðalfjölda spilara eða keppnir sem viðhaldast því á meðan Rat´s Nest sem er innandyra og inniheldur mörg faratæki sem mun henta því mjög vel þar sem það verður nógu stórt fyrir það. Síðast er svo Foundry sem er í einhverskonar skemmu og verður það aðallega fyrir leikinn "Forge" sem er ákveðin keppni og verður öll áheyrsla lögð við þá spilun.

Eins og með fyrri leiki, Halo 2 og Gears of War þá mun Heroic Map Pack verða frír seinna meir en það verður ekki fyrr en næsta pakki kemur sem verður ekki fyrr en næsta vor árið 2008. En þeir sem eru að spila Halo 3 þessa daga ættu að kíkja á þennan pakka því Bungie hafa lofað góðu með honum og verður spennandi að sjá hasarinn í Halo 3 aukast. Heroic Map Pack verður sem sagt væntanlegur í næsta mánuði þann 11. desember og ættu menn að geta notið þess á meðan beðið er til jól.

Kveðja,
Game Tíví

Heimildir: Gamespot

Interplay byrja aftur á leikjaframleiðslu

Published on 15. November, 2007 in Uncategorized. 1 Comment

Svo virðist sem Interplay sé aftur komið á skrið eftir nokkurra ára dvala, ef marka má nýjustu fregnir. Fyrirtækið þurfti að leggja heldur betur upp laupana þegar þeir lentu í erfiðum fjárhagskröggum og misstu þar að auki leyfið til þess að dreifa nokkrum leikjum sem þeir höfðu þróað. Fyrr á árinu seldu þeir þó Bethesda Softworks Fallout merkið með öllu saman og áttu fyrir það að hafa fengið 5.5 milljónir dollara.

Herve Caen þykist geta byrjað að gera leiki aftur á ný og eru þeir að athuga hvort þeir geti notað einhver af sínum gömlu merkjum til þess að gera einfalda leiki til að græða á. Meðal sería sem Interplay hefur á sínum snærum eru MDK, Earth Worm Jim, Kingpin og Sacrifice, svo eitthvað sé nefnt.

Þetta verður þó að gerast á skömmum tíma því þeir eru samningsbundnir við Bethesda Softworks um að hefja þróun á Fallout MMORPG innan örfárra ára. Ef þeir standa ekki við sinn hluta samningsins missa þeir af því tækifæri og draumar þeirra um að verða ríkir á rekstri slíks leiks verða að engu.

Heimildir: Eurogamer

Kveðja,
GameTíví


Earth Worm Jim er meðal leikja frá Interplay