- Ekkert venjulegt sjónvarp

Síður Skjásins

Monthly Archive for October, 2007

Page 2 of 2

Castlevania stefnir enn og aftur á Nintendo DS

Published on 23. October, 2007 in Uncategorized. Closed

Koji Igarashi, aka IGA, heilinn á bak við Castlevania seríuna undanfarin ár, hefur staðfest að nýr leikur sé í bígerð fyrir Nintendo DS. Þessa stundina er IGA og félagar hjá Konami að vinna að Castlevania: Dracula X Chronicles fyrir PSP, en þegar því er lokið munu þeir demba sér í DS útgáfuna af fullum krafti.

Síðustu tveir Castlevania leikir fyrir DS, Castlevania: Dawn of Sorrow og Castlevania: Portrait of Ruin, nutu mikillar hylli aðdáenda og gagnrýnenda enda frábærir leikir hér á ferð (leikir sem þið ættuð að kíkja á ef þið hafið ekki gert það nú þegar!). Leikirnir gerast oftar en ekki í kastala Dracula greifa og þurfa spilendur að setja sig í hlutverk persóna sem eru almennt ekkert sáttar með það að eitthvað illt sé á kreiki.

Engar upplýsingar eru til um þennan nýja DS leik, enda hefur hann ekki enn verið afhjúpaður af Konami, en fyrst Igarashi er búinn að fullyrða að hann sé væntanlegur þá er vart hægt að hundsa tilvist hans. Það verður spennandi að sjá hvort hann verður jafn góður og fyrri leikir … hvaða vitleysa, auðvitað verður hann frábær!

Heimildir: Eurogamer

Kveðja,
GameTíví

Army of Two frestað

Published on 23. October, 2007 in Uncategorized. 8 Comments

Army of Two er eitt að þeim leikjum sem spilendur bíða mest eftir. Leikurinn átti að koma út í nóvember en nú hafa EA menn sagt að honum verði frestað og mun ekki koma fyrir en snemma á næsta ári.

EA fyrirtækið hafa lagt mikla vinnu í þennan leik og hefur hann verið mikið í umræðum síðustu daga. Fyrirtækið hefur sagt að þeir þurfa meiri tíma í að vinna í co-op hlutanum í leiknum og slípa hann meiri til sem er verið að forrita fyrir PS3 og X-Box 360.

Í leiknum sjálfum eiga svo spilendur að vinna ákveðin verkefni sem felst í því að leysa þau saman. Það verður bæði hægt að spila tveir saman í leiknum eða að spila einn og tölvan sér um að spila hinn aðilann og einnig verður hægt að spila leikinn í multiplayer. Leikurinn er væntanlegur snemma á næsta ári einungis á PS3 og X-Box 360.

Kveðja,
Game Tíví

Heimildir: Eurogamer


"Förum fyrst í jólafrí áður en við hefjum leikinn"

FIFA Street 3 á næsta ári

Published on 22. October, 2007 in Uncategorized. Closed

EA Sports Big hafa verið á bakvið NBA Street og FIFA Street leikina ásamt fleiri leikjum. En nú eru þeir einmitt að vinna að FIFA Street 3 sem kemur eingöngu fyrir PS3 og X-Box 360.

Í FIFA Steet 3 verður lögð áhersla á stjörnurnar í leiknum sem nota ákveðan stíl. Leikurinn mun innihalda meira en 250 fótboltastjörnur sem verða dregnar af 18 liðum um heim allan. Eins og í öðrum leikjum frá EA Sports Big munu spilendur geta valið sinn ákveðan stíl að þeirra vali.

FIFA Street 3 mun nota söma graffík vél og NBA Street Homecourt's notaði og mun "Gamebreakers" brögðin spilast á svipaðan hátt. Leikurinn mun einnig innihalda sömu gervigreind og FIFA 08 notaði. En leikurinn er væntanlegur á næsta ári fyrir PS3 og X-Box 360

Kveðja,
Game Tíví

Heimildir: Gamespot


FIFA Street 3 mun innihalda helling af tæknibrellum einsog hér má sjá

 

Mass Effect farinn á gull

Published on 22. October, 2007 in Uncategorized. 1 Comment

Microsoft tilkynnti í dag að hlutverkaleikurinn Mass Effect, sem væntanlegur er á Xbox 360 í nóvember, sé tilbúinn og hafi verið sendur í fjöldaframleiðslu. Heyrið þið eitthvað? Þetta eru allir hlutverkaleikjaaðdáendurnir að þeysast í áttina að næstu leikjaverslun. Það er orðið ansi langt síðan virkilega djúpur hlutverkaleikur hefur komið út á nokkra tölvu og vonandi mun Mass Effect skila sínu.

Það eru snillingarnir hjá BioWare sem þróa Mass Effect en þeir gerðu einnig Baldur's Gate seríuna og Neverwinter Nights. Í leiknum bregað spilendur sér í hlutverk Shepards nokkurs sem fær það verkefni að stöðva heri Sarens nokkurs og flækist í leiðinni í atburðarás sem gæti leitt til endaloka heimsins eins og hann þekkist.

Leikurinn mun búa yfir djúpri persónusköpun, fjölbreyttu samtalakerfi og risastórum heim auk viðamikils söguþráðar sem á að spanna þrjá leiki í heild sinni.

Mass Effect er væntanlegur í verslanir 23. nóvember næstkomandi og kemur einungis á Xbox 360. Merkið daginn inn á dagatalið, krakkar… þessi er skyldueign.

Heimild: Gamespot

Kveðja,
GameTíví

 

Nýr leikur frá SEGA væntanlegur

Published on 19. October, 2007 in Uncategorized. Closed

SEGA menn tilkynntu nú á dögum að þeir væru að vinna á nýjum leik sem ber nafnið SEGA Superstar Tennis. Eins og titillinn ber að þá er þetta tennis leikur sem mun innihalda eitthvað af SEGA liðinu og meðal þeirra er til dæmis Sonic the Hedgehog, Monkeyball apinn AiAi, Ulala úr Space Channel 5 og apan Amigo úr Samba de Amigo. Sérhver persóna mun svo innihalda eitthver ofurbrögð sem þau geta notað gegn andstæðingum sínum. Þetta minnir fólk kannski á Mario Tennis þar sem Mario liði mættust og kepptu í tennis en nú er það SEGA liðið sem mun hittast.

SEGA Superstar Tennis er væntanlegur snemma á næsta ári og mun hann koma út á allar leikjatölvurnar.

Kveðja,
Game Tíví

Heimildir: Eurogamer