- Ekkert venjulegt sjónvarp
Þessa stundina stendur yfir kosning um vinsælasta sjónvarpsþáttinn til Edduverðlauna. Þar á meðal eru margir frábærir þættir, en enginn þó betri en "good old" Gametíví 
Við allavega hvetjum ykkur til að taka þátt í kosningunni og velja rétt, en þið farið inná www.visir.is og þar á forsíðunni er banner sem leiðir ykkur að kosningunni..
Kveðja,
Gametíví bræður
"Hver þarf internetið…ég kýs uppá gamla mátann, enda harður og grimmur.."
Heimsókn, gagnrýni, leikjadómar og fleira, þar á meðal: Nýji Simpsons leikurinn, Eye of Jugdement tekinn fyrir, kíkjum á Bloodrayne myndina, heimsækjum Pétur Jóhann, skoðum PSP slim, gagnrýnum nýja Zelda leikinn á DS, skoðum Timeshift, Mortal Combat á DS og fleira og fleira…. 
BioWare tilkynntu í dag að þeir væru komnir í samstarf við LucasArts um þróun á nýjum tölvuleik fyrir síðarnefnda fyrirtækið. Þetta er ekki í fyrsta sinn sem framleiðandi Mass Effect og Baldur's Gate fer í samstarf við LucasArts því fyrir nokkrum árum gat svipað samstarf af sér leikinn Star Wars: Knights of the Old Republic, frábæran hlutverkaleik í alla staði sem kom út á PC og Xbox.
Nýja samstarfið þykir renna stoðum undir orðróma þess efnis að BioWare sé í rauninni að gera Star Wars fjölspilunarhlutverkaleik (MMORPG) sem gerist um svipað leyti og Knights of the Old Republic leikirnir. Eins og sumir vita er til annar Star Wars MMORPG, Star Wars Galaxies, en vinsældir hans hafa farið dvínandi undanfarið og ekki bætir úr skák að leiknum hafi fyrir ekki svo löngu síðan verið breytt svo mikið að jafnvelhörðustu spilendur fengu sig fullsadda af leiknum. Áts.
Það er reyndar alvitað að BioWare séu að vinna að fjölspilunarhlutverkaleik og það er líklega minnst áhætta í því að þróa slíkan leik byggðan á einhverju merki sem margir, ef ekki allir, þekkja. Þeir eru meira að segja að fara sömu leið í lófaleikjatölvudeildinni því fyrsti lófaleikjatölvuleikur BioWare verður hlutverkaleikur um broddgöltinn Sonic.
Það er bara spurning um að bíða og vona að þessir orðómar séu sannir.
Heimild: Eurogamer
Kveðja,
GameTíví
Star Wars: Knights of the Old Republic er afsprengi samstarfs BioWare og LucasArts
Þegar Eye of Judgement kom fyrst fram á sjónarsviðið voru margir skeptískir á að Sony gæti haldið fólki frá því að afrita spilin. Þeir blésu þessar efasemdir í burtu og staðhæfðu að Eye of Judgement spilin væru prentuð með sérstöku bleki sem ómögulegt væri að afrita. Og þessu höfum við trúað… þangað til núna.
Það var lesandi Kotaku sem ákvað að gamni sínu að prenta út Eye of Judgement spil af Penny Arcade síðunni með litprentaranum sínum og athuga hvort spilið myndi virka í leiknum. Vélin sprakk ekki í loft upp, leikurinn skammaði hann ekki, heldur virkaði það. Ritstjórar Kotaku voru þó skeptískir á þetta en léku samt sem áður leikinn eftir og prentuðu út spil með 3.000 króna litprentara. Það svínvirkaði. Leikurinn skráði spilið meira að segja í online spilastokkinn þeirra án vandkvæða eða andmæla.
Úps. Eitthvað virðist hafa farið úrskeiðis hjá Sony. Það er því nokkuð ljóst að þegar fólk byrjar að spila leikinn yfir PlayStation Network er það alltaf í hættu á að lenda á móti einhverjum óheiðarlegum andstæðingi enda er nær ómögulegt að stöðva svindl að þessu tagi. Það þarf því að velja andstæðinga sína vel, helst úr röðum persónulegra vina, því heiðarlegur spilandi með fulllöglegan spilastokk gæti átt erfitt uppdráttar á móti svindlandi hrotta…
Heimild: Eurogamer
Kveðja,
GameTíví
Vonandi eru þessir að spila með löglegum spilastokkum
Heyrðuð þið þetta? Þetta hljómar eins og önnur endurkoma Jesú Krists og að allur heimurinn fagni honum…
En svo er ekki. Þetta eru bara æstir Super Smash Bros. aðdáendur að fagna nýjasta fídusnum í Super Smash Bros. Brawl. Í gær afhjúpaði Nintendo borðabyggi (e. stage editor) fyrir nýjasta Super Smash Bros. leikinn en eins og nafnið bendir til eiga spilendur að nota hann til þess að skapa ný borð.
Borðabyggirinn mun fylgja leiknum þegar hann kemur út á næsta ári og er í raun ansi einfaldur í notkun. Fyrst velur fólk bakgrunn og tónlist og svo á það að velja úr hlutum til þess að bæta inn í það – stigar, kubbar, hvað sem er (svo fremur sem það er í leiknum). Að lokum er borðið nefnt og vistað. Þið getið séð myndir úr forritinu á Smash Bros. DOJO!!, heimasíðu leiksins.
Það besta er að hægt verður að deila borðunum með öðrum. Viltu sýna vini þínum afraksturinn? Sendu honum það! Viltu sjá afrakstur vina þinna? Fáið þá til að senda þér borðin sín! Og ef þú vilt láta vekja athygli á þér geturðu sent Nintendo borðið. Á hverjum degi velja þeir eitt borð til að senda út til allra Super Smash Bros. Brawl eigenda.
Þetta er ekki eina nýjungin sem hefur sprottið upp undanfarið því einnig verður hægt að vista, sækja og senda replays svo þú getir skoðað gamla bardaga, kíkt á leiki vina þinna eða hugsanlega hlaðið niður heimsmeistaraleikjum og horft á frá öllum hliðum.
Fyrir þá sem hafa búið undir grjóti undanfarin ár og vita ekki hvað Super Smash Bros. Brawl er þá er það slagsmálaleikur fyrir Nintendo Wii þar sem leikmenn geta spilað Nintendo persónur á borð við Mario, Bowser, Fox McCloud og Pikachu og látið þá berjast við hvorn annan. Þá verða einnig nokkrar gestapersónur og nú þegar er búið að bóka Solid Snake úr Metal Gear Solid og hinn fræga broddgölt Sonic í leikinn og fleiri munu líklega mæta til leiks áður en langt um líður.
Heimild: Eurogamer
Kveðja,
GameTíví
Stage creatorinn í Super Smash Bros. Brawl lúkkar…
Sony menn geta sannarlega glaðst þessa dagana en PlayStaion 2 vélin hefur selst allt að 120 milljón eintaka á 7 árum í búðum. X-Box vélin komu svo seinna og hafa þeir selt 24 milljónir og GameCube 22 milljónir.
Sony hefur samt þrátt fyrir það tapað á gróða hjá sér upp á síðkastið því að þeir hafa selt PS3 vélina og aukahlutina fyrir hana á lærra verði heldur en framleiðslukostnaðurinn kostar. Um sumarið náðu Sony menn að selja um það bil 1.32 milljónir af PS3, 3.28 milljónir af PS2 og svo 2.58 milljónir af PSP.
Enn eiga Sony menn langt með PS3 að ná X-Box 360, hvað þá með Nintendo Wii? En það verður gaman að sjá úrslitin um jólin, þar að segja hver á eftir að selja mest af leikjavélinni sinni. Sony, Microsoft eða Nintendo?
Kveðja,
Game Tíví
Heimildir: Eurogamer
Einn flottasti PC leikur sem er í vinnslu í dag er án efa leikurinn Spore sem var mikið kynntur á E3 sýningunni árið 2006. Will Wright sem er betur þekktur fyrir faðir "The Sims" leikjana hefur verið á bakvið gerð leiksins ásamt.
Spore hefur verið lengi í vinnslu fyrir PC og einnig á Nintendo DS. En nú hafa EA menn ásamt Will Wright tilkynnt að leikurinn er einnig í vinnslu á leikjatölvuna Nintendo Wii. Þeir vildu ekki segja hvenær Wii útgáfan myndi nákvæmlega koma út og er það enn óljóst.
Will Wright segir að PS3 og X-Box 360 séu það nánast það sama en bara þær hafa mismunandi markmið á leikjum. "Wii er risa stökk! Ekki það að grafíkin sé eitthvað verulega öflug en hún er allt önnur í spilun og gerð", segir Will Wright. Hann segir einnig að Wii sé það eitt frábærasta sem hefur komið út á leikjatölvumarkaðinn.
Spore er væntanlegur fyri PC annan hluta næsta árs eða um vorið og svo seinna á árinu fyrir Nintendo DS og Wii.
Kveðja,
Game Tíví
Heimildir: Gamespot
Spore lítur svo sannarlega vel út og er þetta eitt af meistaraverkum Will Wright's
Crystal Dynamics hafa verið að vinna á að gera leikinn Tomb Raider: Anniversary fyrir Wii. Eidos Interactive fyrirtækið sem gefur út leikinn hafa ekki verið vissir undanfarið hvenær leikurinn ætti að vera gefinn út Evrópu. En í gær tilkynntu þeir að leikurinn eigi eftir að detta inn í búðir í kringum jólin.
Mennirnir sem eru á bakvið leikinn hafa tilkynnt að Wii útgáfan eigi eftir að verða stórkostleg endurgerð á þessum ævintýra platform leik. Leikurinn hefur fengið alveg príðis dóma hjá leikjasíðum og fær að meðaltali 8 á PC og PS2 en fékk alveg upp að 9 í nýju X-Box 360 útgáfunni.
Fyrir þá sem vilja spila Tomb Raider: Anniversary á Nintendo Wii ættu að tjekka á honum þegar hann kemur út kringum jólin en ekki er alveg á hreinu um hvað hann eigi eftir að kosta.
Kveðja,
Game Tíví
Heimildir: Eurogamer
Meðal efnis í þættinum:
Óli og Sverrir reyna fyrir sér í Donkey Kong Raunveruleik, við gefum Special Fluffy Edition af Crash of the Titans, fylgjumst með Crash Bandicot kynna nýja leikinn sinn, fáum BT Nördið til að dæma The Orange Box fyrir okkur, kíkjum á Tabula Rasa og margt fleira…
Electronic Arts skildu eftir glaðning til allra Xbox 360 eigenda í morgun þegar prufuútgáfa af Need For Speed ProStreet smeygði sér inn á Xbox Live. Demóið vegur um 665 megabæti og það eina sem þið þurfið að gera er að logga ykkur inn á XBL og hlaða því niður. Og spila það.
Nýjasti fídusinn í Need for Speed ProStreet er að ekki einungis þarftu að huga að útliti bílsins heldur hvernig hann gengur almennt. Hægt er að tjúna hann til andskotans og aftur til baka. Ef þið fílið ekki beyglur í bílnum þurfið þið þó að keyra varlega því þær koma til að vera… ekki ósvipað því og þið fáið mjög varanlegt ör ef þið slasið ykkur alvarlega á beittum hlut.
Ofan á þetta allt kemur auðvitað bætt grafík, fleiri bílar, nýjar brautir og allt annað er búið að bæta. Annars væri þetta bara sami gamli leikurinn í nýjum pakkningum, og hvað okkur flest varðar þá er ekkert gaman að upplifa svoleiðis.
Fyrir þá sem vilja ekki slökkva NFS þorstann með demóinu þá kemur leikurinn út 23. nóvember næstkomandi á PlayStation 2, PlayStation 3, Xbox 360 og DS. Wii útgáfan er svo væntanleg 30. nóvember og PSP útgáfan er einnig væntanleg einhvern tímann í næsta mánuði.
Heimildir: Eurogamer
Kveðja,
GameTíví
Það er mikið um brumm brumm í Need for Speed… hvað annað??
Loading ...
Nýleg comment