Monthly Archive for August, 2007

Activision hefur staðfest að Call of Duty 4 mun koma út í Evrópu
þann 9. nóvember næstkomandi á PC, Xbox 360 og PlayStation 3.

Þeir hafa reyndar ekki staðfest þetta opinberlega en háttsettur
yfirmaður fyrirtækisins staðhæfði þetta á blaðamannafundi í síðustu
viku. Activision í Bretlandi vilja eingöngu staðfesta að hann komi
í “vetur”.

Call of Duty 4 hefur vakið mikla athygli, sér í lagi fyrir að
vera ekki enn að hangsa í kringum seinni heimsstyrjöldina, en Call
of Duty 4 ber undirtitilinn Modern Warfare og gerist í nútímanum.
Já, og grafíkin hefur fengið alveg lofsamlega dóma frá þeim sem
hafa séð hann, enda lítur leikurinn hreint stórkostlega út.

Eins og áður sagði þá mun Call of Duty 4 líklega koma til Evrópu
9. nóvember næstkomandi. Vonum að þetta reynist rétt!

Heimild: Eurogamer

Kveðja,
GameTíví

Deila/Frétt

Skrímsli úr myrkustu djúpum helvítis hafa smátt og smátt verið
að finna sér leið inn í hinn mannlega heim undanfarin 18 ár. London
er lítið annað en skugginn af þeirri stórborg sem hún var, djöflar
og árar ráfa um götur hennar og í miðri borginni stendur opið hlið
til helvítis. En ekki er öll von úti. Neðanjarðalestakerfi
borgarinnar halda djöflum í skefjum og þar halda verndarar mannlegs
lífs sig, tilbúnir að fara yfir á yfirborðið og berjast við alla þá
óvini sem þar er að finna, vopnaðir sverðum, byssum, göldrum,
lásabogum, hverju sem vinnur mein á þessum ófrýnilegu verum.

Þannig hljómar söguþráðurinn í Hellgate: London, fyrsta leik
Flagship Studios. Fyrirtækið var stofnað af lykilframleiðendum
Diablo leikjanna sem gáfust upp á afskiptasemi Vivendi hjá Blizzard
og eru nú í samstarfi við Namco-Bandai og Electronic Arts að klára
síðustu metrana fyrir útgáfu leiksins, en nú á dögunum var tilkynnt
að leikurinn muni koma út 2. nóvember næstkomandi hér í Evrópu.

Leikurinn mun bjóða upp á einspilun þar sem fólk getur spilað í
gegnum sögu leiksins. Þá mun það einnig geta spilað í gegnum sögu
leiksins með vinum sínum yfir netið án endurgjalds. Fyrir þá sem
vilja fá meira í áttina að World of WarCraft og öðrum
fjölspilunarleikjum þá er hægt að borga um 10 dollara á mánuði
fyrir guild stuðning, raid content, ný vopn og annað sem er
órjúfanlegur hluti af MMORPG leikjum nútímans.

Hellgate: London kemur eingöngu á PC einkatölvur og er
væntanlegur til Evrópu 2. nóvember, eins og áður sagði.

Heimild: Eurogamer

Kveðja,
GameTíví

Deila/Frétt

Það er að koma framhald af F.E.A.R., en það mun ekki heita
F.E.A.R. 2. Ástæðan að baki þessu er sú að árið 2004 var
framleiðandi leiksins, Monolith Software, keyptur af Warner Bros.
Interactive Entertainment og á þeim tíma var framleiðsla á F.E.A.R.
í fullum gangi, en sá leikur var á endanum gefinn út af Vivendi
Universal. Þegar leikurinn var tilbúinn riftu Monolith Software
samningi sínum við Vivendi, enda komnir undir nýtt útgáfufyrirtæki.
Monolith héldu öllu sem við kom F.E.A.R…. nema nafninu, sem
Vivendi á.

F.E.A.R. hlaut afar góðar viðtökur þegar hann kom út og það var
alveg við búið að það myndi koma framhald. Fyrir nokkru bauð
fyrirtækið F.E.A.R. samfélaginu að koma með hugmyndir um ný nöfn á
leikinn, og meðal nafna sem voru send inn voru “Bloody Bunger”
(bunger er breskt slanguryrði sem þýðir lygari), Burning Decay (sem
hljómar eins og nafn á metal bandi frá 9. áratugnum), P.I.E. og
Thugmuffins Gangsta Throwdown.

Þau nöfn sem náðu í lokaúrvalið voru eftirfarandi:

• Dead Echo
• Project Origin
• Dark Signal

Monolith Software og Warner Bros. Interactive Entertainment
bjóða nú aðdáendum F.E.A.R. að velja eitt nafn af þessum þremur til
þess að vera titill framhaldsins af F.E.A.R.

Til þess að kjósa þarf að fara á vefsíðu keppinnar,
staðfesta að þú ert eldri en 18 ára, lesa sig til um baksögu
þessara þriggja nafna og að lokum velja það sem ykkur þykir
réttast. Einfalt!

Kveðja,
GameTíví

Alma mun mjög líklega koma við sögu í Project Origin/Dead
Echo/Dark Signal.

Deila/Frétt