Manhunt 2 verður gefinn út … í Bandaríkjunum

Entertainment Software Ratings Board, eða ESRB eins og það kallast yfirleitt, hefur gefið hinum ofurofbeldisfulla Manhunt 2 stimpilinn M, sem þýðir mature og merkir að hann sé leyfður öllum sautján ára og eldri og mun því fá útgáfu á leikjatölvur Sony og Nintendo. Eins og öllum er kunnugt var leikurinn bannaður bæði í Bretlandi og Bandaríkjunum fyrir að vera hreinlega of ofbeldisfullur, en Rockstar hafa gert nokkrar ónefndar breytingar á honum og hefur hann því fengið grænt ljós frá ESRB.

BBFC, kvikmyndaskoðun Bretlands, á þó enn eftir að skila mati á leiknum sjálfum og því er enn óvíst hvort leikurinn muni nokkurn tímann koma út í Evrópu. Ef BBFC neitar að meta leikinn, líkt og þeir gerðu síðast, þá mun þetta vera áfall fyrir Rockstar og Take 2, útgefanda leiksins, þar sem leikurinn mun í framhaldi af því ekki vera gefinn út í öðrum löndum Evrópu. Við skulum því vona að BBFC skili af sér sömu niðurstöðu og ESRB því annars munu margir missa vonina um að fá að spila þennan leik. Nokkurn tímann.

Manhunt 2 verður gefinn út í Bandaríkjunum þann 31. október næstkomandi, en glöggir lesendur fatta að þann dag er einmitt hrekkjavaka – tilvalinn dagur til þess að gefa út hryllingsleik. Líklegt er að leikurinn muni seljast í heilu bílförmunum vegna þeirrar umfjöllunar sem hefur komið fram í kjölfar bannsins á leiknum. Vonandi munum við sjá leikin útgefinn hér á landi seinna á þessu ári… vonandi…

Heimild: Eurogamer

Kveðja,
GameTíví

Bú!