Monthly Archive for August, 2007

Eftir að Manhunt 2 var bannaður á Stóra-Bretlandi, Írlandi og Þýskalandi ákvað Rockstar að gefa leikinn ekki út í Evrópu. Þetta vitum við öll. En núna hefur dómsmálaráðherra Hollands, Ernst Hirsch Ballin, staðfest að Manhunt 2 yrði ekki bannaður ef hann yrði gefinn út í landinu.

Engin lög eru til í ríkinu um ofbeldisfulla tölvuleiki og segir Ballin að fullorðið fólk eigi að ráða hvaða tölvuleiki það spilar svo fremur sem þeir innihalda ekkert sem er ólöglegt í landinu. Samkvæmt skilgreiningum Hollands á hvað er ólöglegt í fjölmiðlum þá eiga þær ekki við Manhunt 2.

Eins og við sögðum frá hér í gær verður leikurinn gefinn út í Bandaríkjunum á hrekkjavöku en enn á þó eftir að taka ákvörðun um útgáfu hér í Evrópu. Rockstar stendur þó enn við ákvörðun sína um að gefa leikinn ekki út í öðrum hlutum Evrópu fyrr en BBFC gefur honum grænt ljós, og það þýðir að Hollendingar sem og við Skandinavíubúar þurfum enn að bíða þangað til við fáum að spila leikinn.

Heimild: Forbes

Kveðja,
GameTíví

Deila/Frétt

Það eru nokkrir mánuðir síðan Microsoft tilkynnti að Halo 3 yrði
gefinn út 25. september næstkomandi með látum, en hingað til hefur
hins vegar alltaf verið hætta á að eitthvað fari úrskeiðis á
lokametrunum og að leiknum yrði frestað. Það er þó lítið að óttast
héðan af því í dag tilkynntu Microsoft að leikurinn væri farinn á
gull, þ.e.a.s væri tilbúinn til fjöldaframleiðslu, og að nú sé það
eina sem eftir er að framleiða allar þessar milljónir eintaka af
leiknum sem að hann á eftir að seljast í.

Já, mikið rétt, Microsoft búast svo sannarlega við að Halo 3 æði
muni gríða heimsbyggðina þegar leikurinn loksins lendir í verslunum
og það er sko alls ekki á rökum reist, enda eru um milljón manns
búnir að forpanta eintak í Bandaríkjunum einum saman. Reyndar
verður útgáfan svo umfangsmikil að Seven-Eleven mun selja leikinn
yfir borðið, vafalaust með pylsu og kaffikrapi í leiðinni.

Í Halo 3 snúa leikmenn aftur í skó Master Chief sem ætlar sér að
ljúka bardaganum og bjarga jörðinni frá Covenant í eitt skipti
fyrir öll. Leikurinn mun bjóða upp á níu borða einspilun, auk þess
sem allt að fjórir vinir og félagar geta spilað leikinn í gegn
saman yfir split-screen (2 í mesta lagi þar, að vísu) eða net
(hvort sem það er innra net eða yfir alnetið). Þá mun hann bjóða
upp á alls konar tegundir af leikspilunum í multiplaye, deathmatch,
capture the flag og hvaðeina.

Halo 3 er væntanlegur á Xbox 360 þann 25. september næstkomandi.
EKKI missa af þessum!

Heimild: Joystiq

Kveðja,
GameTíví

Deila/Frétt

Wii eigendur gleðjist, svo virðist sem sumarþurrkarnir séu loksina að taka enda. Eftir afar slakt sumar með einungis Resident Evil 4 og Trauma Center: Second Opinion til þess að slökkva þorsta Wii eigenda þá virðist Nintendo ætla að gefa okkur glaðning í október og nóvember.

Samus Aran mun snúa aftur enn eina ferðina í glænýju ævintýri, Metroid Prime 3: Corruption. Leikurinn gerist 6 mánuðum á eftir Metroid Prime 2: Echoes og í þetta sinn kemst Samus í þann krappann þegar hún er að rannsaka tölvuárás á tölvu sem nefnist einfaldlega Aurora Unit. Á sama tíma ráðast geimræningjar á eina af geimstöðvum Galactic Federation til þess að bæta við allt gamanið. Metroid Prime 3: Corruption verður gefinn út 26. október næstkomandi á Níntendó Víj.

Þeir sem höfðu gaman að The Legend of Zelda: The Wind Waker á GameCube geta einnig glaðst því fyrsta ævintýri Link á Nintendo DS er loksins mætt og er leikurinn, The Legend of Zelda: Phantom Hourglass, framhald af áðurnefndum GameCube leik. Leikurinn er sagður einhver allra flottasti DS leikur sem hingað til hefur sést og hefur fengið lofsamlega dóma. Phantom Hourglass er væntanlegur á Nintendo DS þann 19. október næstkomandi, en fyrir þá sem geta ekki beðið þá er mögulegt að panta leikinn frá Bandaríkjunum þegar hann kemur þar út 1. október.

Fyrir utan þessa tvo staðfestu útgáfudaga þá hefur einnig lekið á netið útgáfulisti yfir komandi Wii titla. Þar kemur meðal annars fram að Super Mario Galaxy mun koma út þann 16. nóvember, en þess má geta að það er einnig afmælisdagur Shigeru Miyamoto, skapara Super Mario seríunnar. Köfunarleikurinn Endless Ocean á víst að koma út 9. nóvember og Resident Evil: Umbrella Chronicles kemur 30. nóvember ef listinn er réttur. Við skulum rétt vona að svo sé því Super Mario Galaxy er leikur sem VERÐUR að koma út eins fljótt og auðið er… annars munu ýmsir aðilar innan leikjaframleiðslustéttarinnar fara að … hverfa.

Heimild: Joystiq

Kveðja,
GameTíví

Deila/Frétt

Too Human er búinn að vera lengi í bígerð. Leikurinn var fyrst tilkynntur sem 5-diska ævintýri fyrir PlayStation leikjavélina, en þegar Silicon Knights, framleiðandi leiksins, gerði samning við Nintendo var framleiðsla leiksins færð yfir á GameCube. Þar birtist hann einu sinni á sýningu en þegar samstarfi fyrirtækjanna lauk eftir Eternal Darkness: Sanity's Requiem hvarf leikurinn enn og aftur. Að lokum gerðu Silicon Knights samning við Microsoft um framleiðslu á Too Human þríleik fyrir Xbox 360 leikjavélina.

Á síðasta ári birtist leikurinn á E3 en vegna vandræða með Unreal Engine 3 tæknina var leikurinn nær óspilanlegur og minnti helst á powerpoint sýningu frekar en tölvuleik. Hann virðist þó vera kominn á réttan kjöl og stefnir allt í að leikurinn verði tilbúinn á næsta ári.

Forstjóri Silicon Knights, Denis Dyack, hefur staðfest að demó af leiknum er í bígerð og mun örugglega koma út áður en leikurinn sjálfur verður gefinn út. Á komandi mánuðum mun fyrirtækið leysa frá skjóðunni og meðal annars afhjúpa endanlegan útgáfudag fyrir leikinn. Stuttu eftir það verður demóið svo gefið út yfir Xbox Live.

Too Human er hasarleikur með hlutverkaleikjaívafi sem byggður er á norrænni goðafræði. Í leiknum eru guðirnir þó ekki lengur guðir heldur eru þeir hálfir menn og hálf vélmenni. Leikmenn fara í hlutverk Baldurs, son Þórs sem eins og öllum er kunnugt var drepinn með mistilteini, sem var eini hluturinn í öllum heiminum sem lofaði ekki að gera Baldri mein þar sem hann var hvort eð er meinlaus. Í hlutverki Baldurs eiga spilendur svo að berjast við illvíg vélmenni sem hafa verið send til þess að tortíma mannkyninu, safna nýjum betri hlutum, hækka um level og þess háttar.

Leikurinn er væntanlegur á næsta ári og hann mun eingöngu koma út á Xbox 360…

Heimild: Eurogamer

Kveðja,
GameTíví

Deila/Frétt

Slæmar fréttir fyrir alla Vin Diesel og Chronicles of Riddick
aðdáendur hér á ferð. Svo virðist sem The Chronicles of Riddick:
Assault on Dark Athena, next-gen endurgerðinni af Escape from
Butcher Bay, sem kom út á Xbox og PC, hafi verið frestað fram á
næsta ár.

Ástæðan fyrir seinkuninni er viðbrögð netsamfélagsins við
endurgerðinni. “Þegar við afhjúpuðum leikinn fengum við svakalega
mikið af jákvæðum viðbrögðum frá leikjaspilendasamfélaginu,” sagði
talsmaður Sierra í viðtali við evrópsku fréttasíðuna Eurogamer.
“Við erum að skoða alla valkosti og erum afar óðfúsir yfir því að
afhjúpa spennandi upplýsingar á komandi mánuðum.”

Dark Athena var afhjúpaður fyrr á árinu, en hann átti upphaflega
að vera endurgerð af The Escape from Butcher Bay, eins og áður
sagði, með uppfærðri grafík. Þá átti að bæta einum kafla við
leikinn, Assault on Dark Athena, en Starbreeze Studios,
framleiðandi leiksins, þurftu að sæta gagnrýni að nýr kafli sé ekki
nærri því nóg fyrir endurgerð af þessu tagi. Því hafi ákvörðunin um
seinkunina verið tekin.

The Chronicles of Riddick: Escape from Butcher bay kom fyrst út
árið 2004 og naut mikilla vinsælda meðal gagnrýnenda jafnt sem
spilenda, líklega einn besti kvikmyndatengdi tölvuleikur sem hefur
verið gerður. Nokkurn tímann.

The Chronicles of Riddick: Assault on Dark Athena verður gefinn
út á Xbox 360 og PlayStation 3  á næsta ári.

Heimild: Eurogamer

Kveðja,
GameTíví

Vin Diesel snýr aftur í Assault on Dark Athena.

Deila/Frétt