Monthly Archive for July, 2007

Final Fantasy serían er kannski stór hér á vesturlöndum, en
líklega er engin sería jafn stór og Dragon Quest í Japan. Dragon
Quest kom upphaflega út árið 1986 í Japan og var skapaður af Yuji
nokkrum Horii en það var enginn annar en hinn virti mangateiknari
Akira Toriyama (Dragonball) sem hannaði persónur og skrímsli
leiksins. Leikurinn varð strax alveg geysivinsæll og um það leiti
sem þriðji leikurinn kom út neyddist útgefandi leiksins, Enix, til
þess að gefa alla Dragon Quest leiki út á frídögum þar sem útgáfur
leikja úr seríunni höfðu orðið þess valdandi að fólk skrópaði í
skóla og vinnu til að kaupa þá.

Núna hefur Square-Enix ákveðið að endurgera Dragon Quest IV, V
og VI fyrir Nintendo DS á svipaðan hátt og þeir endurgerðu Final
Fantasy III (og eru að endurgera Final Fantasy IV); það er að segja
með því að stórbæta grafíkina í þeirri von um að geta selt gömlum,
og nýjum, aðdáendum leikina og grætt milljónir.

Ekki er vitað nákvæmlega hvenær fyrsta endurgerðin mun koma út
en búist er við að það muni gerast áður en næsti Dragon Quest
leikur, Dragon Quest IX á Nintendo DS, kemur út. Þá hefur
Square-Enix ekki viljað segja neitt um það hvort leikirnir muni
nokkurn tímann koma út fyrir utan Japan, þar sem þeir hafa
yfirleitt fallið í skuggann á Final Fantasy hér á vesturlöndum,
eins og áður hefur verið nefnt.

Þess má geta að fyrsti Dragon Quest leikurinn sem gefinn var út
í Evrópu var Dragon Quest VIII: The Journey of the Cursed King.
Hann kom út á fyrrhluta ársins 2005 á PlayStation 2. (Kaupið
hann!)

Heimild: GameSpot

Kveðja,
GameTíví

Dragon Quest IV kemur væntanlega út á undan Dragon Quest
V…

Deila/Frétt

Samkvæmt Michael Shorrock sem sér um tengsl við
“3rd party” framleiðendur hjá Sony hefur staðfest að Rockstar sé
að vinna að nýrri leikjaseríu sem “aðeins verður hægt að gera á
PlayStation 3″

Á blogginu sínu segir Michael að þetta sé ekki “La Noir” sem
þarna um ræðir, en hann hefur áður verið tilkynntur, og held ég
reyndar að hann komi á allar leilkjatölvurnar.

Heldur verður þetta nýr leikur sem ekki hefur verið tilkynntur
enn.

“Allir vita að ef þú ætlar að ná árangri í þessum bransa þarf að
líta fram á veginn, koma auga á hæfileikafólk og þá titla sem eiga
eftir að færa notendum nýja upplifun sem setja nýja staðla í
leikjaheiminum.” segir Michael.  “Rockstar fyrirtækið hefur
skapað hefð í að gera nákvæmlega þetta og hefur fyrirtækið slegið í
gegn með GTA, en það er okkur heiður að halda þeirri seríu áfram á
okkar vélum, en við erum jafnvel ennþá spenntari fyrir núverandi og
framtíðar samstarfi milli Sony og Rockstar.”

“Rockstar vildi fá að gera leik sem er aðeins hægt að gera á
PlayStation 3, með því að nota aflið í Cell örgjörvanum og plássið
á Blu-ray disknum.”

Sony Computer hefur enn ekki gefið út frekari upplýsingar um
leikinn, en lofaði að gera það um leið og hægt væri.

Kveðja,
Gametíví

Síðast var það borðtennis…næst verður það kannski listdans á
skautum…

Deila/Frétt

Tim Kring afhjúpaði Heroes tölvuleikinn aðeins of snemma þegar
hann var tekinn í viðtal af The Hollywood Reporter nú á dögunum.
Leikurinn verður hasarleikur og mun koma út á PC, PS3 og Xbox
360… hugsanlega á næsta ári ef allt gengur vel.

“Við erum svakalega spenntir fyrir því að gera Heroes
tölvuleikinn með Ubisoft,” sagði Tim í viðtalinu. “Enn og aftur
hefur Ubisoft sannað að þeir geta tekið kvikmynda- og
sjónvarpsþáttaleyfi og gert úr þeim frábæra leiki.” Bíddu, hafa
þeir einhvern tímann gert það?

Leikurinn mun innihalda allar þær persónur sem við höfum kynnst
í gegnum þættina og mun verða þróaður af innanhússtúdíói Ubisoft
undir vökulu auga skapara sjónvarpsseríunnar. Hann mun þó ekki brúa
neitt bil eða byggja á áður sögðum sögum heldur mun hann gefa nýja
innsýn í Heroes heiminn.

“Frá fyrsta degi höfum við verið að hugsa um leikinn,” sagði
Jesse Alexander, meðframleiðandi seríunnar, í viðtali við áðurnefnt
blað. “Allan þennan tíma vorum við að skrifa sumar sögurnar á þann
veg að við gætum á endanum tengt þær við tölvuleikinn.” Yowie.

Búist er við að Ubisoft muni afhjúpa leikinn formlega á
myndasöguráðstefnunni Comic Con sem fer fram í San Diego seinna í
vikunni.

Heimild: Eurogamer

Kveðja,
GameTíví

Deila/Frétt

Sú var tíðin sem Capcom gerði alveg slatta af leikjum bara fyrir
PlayStation. Devil May Cry serían er ein þeirra sería sem
PlayStation 2 hefur verið límd við þangað til fyrir stuttu þegar
Capcom tilkynnti að leikurinn væri einnig væntanlegur á Xbox 360 og
PC. En af hverju breyttist þetta? Keiji Inafune svaraði þessari
spurningu í nýlegu viðtali við SPOnG.

Inafune segir ástæðuna vera að áður fyrr hafi verið mun erfiðara
að þróa leiki fyrir fleiri en eina leikjatölvu, og að fyrirtækið
hafi nýverið þróað tækni sem geri þeim kleyft að þróa leikina og
flytja þá svo auðveldlega úr henni og yfir á Xbox 360 og
PlayStation 3. Lost Planet og Dead Rising voru fyrstu leikirnir sem
notuðu þessa vél og nú er svo komið að hún er svo gott sem tilbúin
- þróunarvélar eru aldrei tilbúnar að því leiti að það er alltaf
verið að bæta þær.

Og þess vegna kemur Devil May Cry 4 ekki eingöngu á PlayStation
3. Inafune segir fyrirtækið gera sér grein fyrir að Xbox 360
eigendur séu nú þegar alveg fjölmargir, sér í lagi í Bandaríkjunum,
og að sem leikjaframleiðendur vilji þeir að leikir þeirra komist í
hendur sem flestra spilenda.

Margir PlayStation aðdáendur töldu sig hafa verið svikna þegar
Devil May Cry 4 var tilkynntur fyrir Xbox 360, en fólk á samt ekki
að vera að blekkja sig – þegar um stóra titla eins og þennan ræðir
þá er alveg gríðarlegt magn af fjármagni sem fer í framleiðsluna.
Ef leikirnir seljast ekki í ákveðnu magni þá koma þeir út á tapi -
og því skiptir miklu máli að leikurinn komist til eins margra og
mögulegt er. Annars standa þessi fyrirtæki ekki undir sér.

Heimild: Kotaku

Kveðja,
GameTíví

Það verður örugglega nóg um pew pew í DMC4.

Deila/Frétt

Á morgun verður gefin út ný uppfærsla fyrir PlayStation 3 eða
uppfærsla 1.9 

Það eru ýmsar breytingar að þessu sinni, en margar þeirra snúa
að “chat” möguleikum, nýjum HDMI Blu-ray möguleikum og möguleikanum
að geta skotið diskunum útúr drifinu með stýripinnanum..

Hér er listinn :

• Möguleikinn á að endurraða leikjum á XMB (Cross Media Bar)
• “Eject Disc” möguleikinn mættur í “options” valmyndina
• Ef ýtt er á þríhyrninginn þegar notandi er á XMB, þá skýst
  diskurinn út
• Flokkun “foldera” hefur verið breytt
• Broskallar og aðrir “Emoticons” eru mættir (gott fyrir
  chattið)
• Möguleiki á að breyta CD output í 44.1/88.2/176.4kHZ
• 24Hz output fyrir Blu-ray í gegnum HDMI
• Möguleiki á að breyta grafíkstillingum vélarinnar í miðjum
  leik
• Búið að bæta “Bit mapping” möguleika í tónlistarstillingum
• “Upscaling” á PS1 og PS2 leikjum er hægt að breyta í miðjum
  leik
• Bookmarks hefur verið bætt við
• Meira öryggi í netvafranum
• ….og fleira….

Kveðja,

Gametíví

“Ég ýtti á þríhyrninginn og diskurinn bara skaust út..þvílík
tækni..”

Deila/Frétt