Monthly Archive for June, 2007

Eins og sumir vita hófst WWDC, árleg ráðstefna Apple
framleiðenda í dag. Steve Jobs var með langa ræðu á ráðstefnunni
þar sem hann kynnti til sögunnar nýjar vörur frá Apple, en meðal
gesta sem hann bauð upp á sviðið til að kynna nýja tækni var John
Carmack, meðstofnandi leikjafyrirtækisins id Software. Þetta er
ekki í fyrsta sinn sem Carmack kynnir nýja tækni á Apple ráðstefnu
því hann kynnti til sögunnar Doom 3 á Macworld árið 2001.

Þessi nýja tækni sem id Software hefur verið að þróa heitir id
Tech 5, sem bendir til þess að þetta sé fimmta kynslóð grafíkvéla
frá id Software. Hann vildi ekki sýna of mikið af tækninni, en hann
sýndi stutt myndbrot benti á að þar væru þeir að nota um það bil 20
gígabæt af “textures”, sem eru grafíklög sem lögð eru ofan á
þrívíddar stoðgrindir til þess að skapa heildstæða mynd. Hann
nefndi að með nýju tækninni væri hægt að breyta leiknum á meðan
hann væri spilaður án þess að það hefði áhrif á hann.

Nýja tæknin verður sýnd á E3 eftir mánuð á Xbox 360, PS3, PC og
Mac. Þá munu id Software koma með nýja Mac-tengda tilkynningu á
sýningunni.

Heimild: Joystiq

Kveðja,
GameTíví

id Tech 5 lítur ekki illa út.    

Deila/Frétt

Midway tilkynntu í dag að Nintendo DS útgáfa af hinum sívinsæla
og klassíska ævintýraleik Myst væri á leiðinni á vélina. Fyrirtækið
Cyan Worlds mun sjá um þróun leiksins og verður hann byggður á PSP
útgáfunni sem kom út á síðasta ári, nema í þetta sinn mun leikurinn
nota snertiskjáinn og að auki verður nýju efni bætt við
leikinn.

Myst kom upphaflega út á Macintosh árið 1993 og hefur notið
vinsælda síðan þá, þó svo að vinsældir hans hafi dalað undanfarin
ár. Það hefur þó ekki aftrað Cyan Worlds í að koma Myst á netið því
Myst Online: Uru Live opnaði í febrúar.  Í leiknum eiga
spilendur að leysa ýmsar þrautir og afhjúpa sögu í leiðinni.

Myst kemur á Nintendo DS í nóvember.

Heimild: Eurogamer

Kveðja,
GameTíví

Deila/Frétt