Published in Uncategorized
.
Nintendo kynntu nýtt tól fyrir sjálfstæða leikjahönnuði á
ráðstefnu fyrir leikjaframleiðendur í gær. Þetta tól mun heita Wii
Software og með því munu sjálfstæðir leikjahönnuðir þróað smáleiki
fyrir Nintendo Wii með fullum stuðningi við Wiimote og nunchuck
addonið. Lengi hefur staðið til að opna dyrnar fyrir öðru efni en
hinum klassísku Virtual Console titlum sem við höfum fengið að gæða
á í gegnum tíðina og núna virðist biðin vera að styttast.
Fyrstu Wii Software titlarnir munu koma út snemma á næsta ári.
Óvíst er hversu mikið hver leikur mun kosta en Nintendo munu hanna
verðmódel og flokka leikina í verðflokka eftir ákveðnu mati. Þá
munu Wii eigendur eiga þann kost að versla sér þessa leiki fyrir
sömu Wii points og þeir nota til þess að kaupa Virtual Console
leiki.
Þrátt fyrir þessa nýjung hafa Nintendo þó afneitað öllum
orðrómum um að þeir ætli sér að gefa út harðan disk fyrir Wii
leikjatölvuna. Eins og er hefur Wii 512 megabæta flash minni ásamt
rauf fyrir SD kort. Einhvern tímann hljóta þessi 512 megabæt af
geymsluplássi að hverfa og þá verða notendur að grípa til þess ráðs
að hreinsa af minninu eða færa gögn yfir á SD kort. Stór SD kort
eru kostnaðarsöm og þó svo að þau séu minni í sniðum en harðir
diskar þá kemur það vissulega niður á geymsluplássinu.
Það er þó aldrei að vita nema Nintendo breyti stefnu sinni og
kynni til leiks harðan disk .. seinna. Þeir hafa neitað orðrómum en
komið svo fram í sviðsljósið með staðfestingu á þeim stuttu síðar.
Er þetta einn af þeim? Sjáum til á E3 eftir 2 vikur!
Heimild: Joystiq
Kveðja,
GameTíví
Wii Sports? Já. Harður diskur? Nei. Ekki
enn…
Published in Uncategorized
.
Demo af nyjasta Harry Potter leiknum er haegt ad nalgast
her.
Kv. Game Tivi.
Published in Uncategorized
.
Dómur ESRB á Manhunt 2 er fallinn og fékk leikurinn AO
stimpilinn. AO stendur fyrir adults only og þýðir að leikurinn sé
ekki við hæfi einstaklinga yngri en 18 ára. Það þýðir einnig að
engin almenn verslun (Wal-mart, Best Buy, Gamestop o.s.frv.) mun
selja leikinn.
Það er ekki það eina, samt. Þegar leikurinn fékk þennan óvinsæla
stimpil vonuðust Bandaríkjamenn til þess að geta samt spilað þessa
leiki þótt þeir þyrftu að leita að honum í óvenjulegri verslunum.
Nintendo og Sony hafa tekið upp basúkkurnar sínar og skotið
vonirnar algjörlega á kaf með því að neita útgefendum leiksins um
að gefa leikinn út á vélar fyrirtækjanna.
Það er rétt. Reglur Nintendo og Sony segja skýrt og greinilega
að leikir sem bera með sér AO stimpilinn fái einfaldlega ekki leyfi
til þess að vera gefnir út á vélum þeirra. Brot á þessu er
yfirleitt fylgt eftir með kæru og fjársektum svo enginn hefur reynt
að gefa út AO leik hingað til.
Það sem þetta þýðir er að til þess að gefa leikinn út verða
Rockstar og Take-Two Interactive að áfrýja niðurstöðu ESRB og óska
eftir að honum verði gefinn M stimpill eða þá að þeir verða að gera
breytingar á leiknum til þess að hann verðskuldi eitthvað lægra en
AO.
Þess má annars geta að hér á Íslandi fylgjum við reglum PEGI sem
hefur ekki enn metið leikinn. Líklegt þykir að leikurinn verði
stranglega bannaður innan 18 og að hann verði þar af leiðandi
aðgengilegur í öllum þeim löndum sem hafa innleitt PEGI
merkingarnar í reglugerðir sínar.
Heimildir: Eurogamer
Kveðja,
GameTíví
Manhunt 2 er svo miklu meira en bara grímur og
kjötaxir…
Published in Uncategorized
.
Nintendo í Bretlandi afhjúpuðu í dag útgáfudaga fyrir titla
þriðja ársfjórðungs ársins 2007. Meðal leikja sem eru á listanum
eru Elite Beat Agents, Super Paper Mario og Pokémon Pearl/Diamond.
Því miður mun Metroid Prime 3: Corruption ekki koma út á þessum
ársfjórðungi en við getum haldið áfram að vona og séð hvort hann
komi ekki út fyrir jólin…
Eftirfarandi er listi yfir helstu útgáfur 3. ársfjórðungs fyrir
DS og Wii. Takið eftir því að Manhunt 2 vantar á þennan lista, en
það er vegna þess að leikurinn hefur verið bannaður í Bretlandi (og
Írlandi, að því er virðist). Óákveðið er hvort leikurinn komi út í
öðrum hlutum, en líkur á því eru talsvert góðar.
DS
- More Brain Training from Dr Kawashima: How Old Is Your Brain?
(Nintendo) 29. júní
- Nacho Libre (Majesco / Eidos) 29. júní
- Harry Potter & The Order Of The Phoenix (EA) 29. júní
- Elite Beat Agents (Nintendo) 13. júl
- ANNO 1701 (Disney) 13. júlí
- Pokémon Diamond and Pokémon Pearl (Nintendo) 27. júl
- Freshly Picked – Tingle’s Rosy Rupeeland (Nintendo) 14.
september
- Heroes of Mana (Square Enix) 14. september
- Sonic Rush Adventure (SEGA) 28. september
Wii
- Resident Evil: 4 Wii edition (Capcom) 29. júní
- Harry Potter & The Order Of The Phoenix (EA) 29. júní
- Scarface (Vivendi Games) 30. júní
- Mario Party 8 (Nintendo) 13. júlí
- Big Brain Academy for Wii (Nintendo) 20. júlí
- Super Paper Mario (Nintendo) 14. september
Af þessum titlum er Super Paper Mario sá allra stærsti. Hann
hefur fengið alveg hreint magnaðar einkunnir vestanhafs, en það
sama má segja um leiki á borð við og það er því mikils að
vænta á næstu mánuðum.
Heimild: Eurogamer
Kveðja,
GameTíví
Old Grandma Hardcore kláraði Super Paper Mario og líkaði
hann vel…
Published in Uncategorized
.
Svo virðist sem Spore hafi verið frestað til næsta árs ef marka
má nýjustu fregnir. Samkvæmt Game Informer mun Spore hafa verið
frestað “um óákveðinn tíma” en Electronic Arts hafa staðfest að
leikurinn muni ekki koma út á fjárhagsárinu 2008, sem nær frá apríl
2007 til mars 2008. Þetta þýðir að leikurinn mun ekki koma út fyrr
en í fyrsta lagi í apríl 2008.
Leikurinn átti upphaflega að koma guð-má-vita-hvenær en ekki
hefur verið mikið rætt um hvað sé að valda öllum þessum óskapans
töfum. Hvað sem það er, þá er staðreyndin alltaf sú sama: VIÐ
VILJUM SPORE. STRAX Í DAG.
Heimild: Kotaku
Kveðja,
GameTíví
Í Spore þróast maður úr einfrumungi í
geimferðalanga…
Published in Uncategorized
.
Fyrir nokkrum dögum birtist ný kvikmynd á lista yfir væntanlegar
myndir á heimasíðu Legendary Pictures. Kvikmyndin var nefnd Diablo
og voru menn fljótir að tengja nafnið við tölvuleikinn klassíska,
og það ekki að ástæðulausu. Legendary Pictures gerðu samning við
Blizzard í fyrra um að gera leikna kvikmynd byggða á WarCraft
seríunni, og því ætti ekki að koma neinum á óvart ef aðrir leikir
Blizzard fylgdu í kjölfarið.
Eins og áður sagði birtist myndin á lista yfir væntanlegar
myndir en seint á mánudagskvöldið var hún svo aftur tekin af
listanum og Blizzard hefur ákveðið að þegja yfir þessu… frekar en
að neita! Ef allt gengur upp ætti að koma tilkynning frá Blizzard á
BlizzCon sem fram fer 3. og 4. ágúst næstkomandi.
Legendary Pictures eru engir aukvisar í kvikmyndagerð því þeir
hafa gert myndir á borð við The Lady in the Water, Batman Begins,
Superman Returns og svo hina svakalegu stríðsmynd 300.
Heimild: Kotaku
Kveðja,
GameTíví
Leoric konungur verður kannski ekki í Diablo myndinni
en…
Published in Uncategorized
.
Verður Manhunt 2 ógeðslegasti leikur allra tíma? Ef marka má
viðbrögð BBFC, nefndar sem sér um að setja aldurstakmarkanir á
kvikmyndir og tölvuleiki, þá er hann það. Nefndin hafnaði leiknum
vegna þess að hann gengur einfaldlega út á morð og að drepa á eins
brútal hátt og mögulegt er. IGN kallaði leikinn í nýlegri umfjöllun
“ógeðslegasta leik sem þeir hefðu nokkurn tímann séð” og er
greinilegt að BBFC er á sömu skoðun.
Það er því ljóst að þó svo að leikurinn hafi ekki enn
verið bannaður hér í Evrópu mun hann vera ófáanlegur í Bretlandi
þar sem sala og dreifing á leiknum þar í landi telst ólögleg. Þetta
er í fyrsta sinn í 10 ár sem BBFC hefur hafnað leik, en síðast
gerðist það árið 1997 þegar Carmageddon var bannaður. Þeim úrskurði
var síðar breytt af áfrýjunarnefnd.
Bretland er þó ekki eini staðurinn þar sem Manhunt 2 á í högg að
sækja því í Bandaríkjunum hafa samtökin CCFC (Center for
Commercial-Free Children) sent opið bréf til forseta ESRB, sem sér
um yfirferð á tölvuleikjum vestanhafs, þar sem óskað er eftir því
að Wii útgáfa Manhunt 2 fái Adults Only stimpil. Leikir með slíkum
stimpli eru alla jafna ekki seldir í stærstu verslanakeðjunum
vestanhafs og því er ekki vinsælt að fá þennan stimpil. Athygli
vekur að ekki eru PSP eða PS2 útgáfur leiksins tilgreindar í
bréfinu og líklega tengist það stjórntækjum Wii leikjatölvunnar sem
gerir notendum kleyft að lifa sig meira inn í leikina en með
hefðbundnum stýripinnum.
Ef allt gengur upp mun Manhunt 2 vera gefinn út 13. júlí í öllum
löndum Evrópu að Bretlandi undanskyldu. Og Þýskalandi, líklega.
Heimild: Joystiq
Kveðja,
GameTíví
Manhunt var fyrsti leikurinn sem var sérstaklega merktur
bannaður innan 18 hér á Íslandi.
Published in Uncategorized
.
Rockstar staðfesti nú rétt fyrir helgi að Xbox 360 muni eingöngu
fá Grand Theft Auto IV aukaefni, en áður hafði verið sagt að PS3
myndi einnig fá aukaefni. Aukaefnið sem um er rætt eru viðbætur við
Grand Theft Auto IV og mun fyrsta viðbótin koma út í mars. Þetta er
mikið áfall fyrir PlayStation 3 eigendur sem höfðu vonast til að fá
sínar eigin viðbætur við leikinn, en klárt er að til þess að þeir
geti spilað efnið þurfa þeir að fá sér Xbox 360.
Grand Theft Auto leikirnir frá og með GTA3 hafa alla jafna verið
gefin fyrst út á PlayStation áður en þeir hafa fært sig á aðrar
leikjavélar. Þegar Microsoft tilkynnti á E3 í fyrra að GTAIV myndi
koma út á Xbox 360 á sama tíma og PlayStation 3 útgáfan vakti það
mikinn fögnuð Xbox eigenda.
Grand Theft Auto IV kemur út 19. október næstkomandi á
PlayStation 3 og Xbox 360.
Heimild: Eurogamer
Kveðja,
GameTíví
Published in Uncategorized
.
Sigurganga Nintendo virðist ekki ætla að hætta því bæði DS og
Wii voru á toppnum í Bandaríkjunum OG í Japan. Ekkert lát virðist
vera á eftirspurn eftir vélunum tveimur, en í Japan er ekki
óalgengt að raðir myndist þegar ný sending kemur af DS, meira en
tveimur árum eftir að vélin kom út.
Í Bandaríkjunum seldi Wii 338.000 eintök í maí, en það er
tvöfalt meira en Xbox 360 seldi (155.000 eintök) og fjórfalt meira
en PS3 seldi (82.000 eintök). Talandi um mun! Þess má reyndar geta
að PS2 seldist í fleiri eintökum en Xbox 360 og PS3, eða 188.000
eintökum á einum mánuði. Það má því segja að PS2 sé harður
keppinautur PS3. Þá seldist DS í 423.000 eintökum en eini
keppinautur lófatölvunnar fræknu, PSP, seldi nærri því helmingi
færri eintök, eða um 221.000 eintök
Nintendo heldur einnig sterkum velli í Japan, en þar í landi
seldist Wii í 64.253 eintökum á bilinu 3. til 10. júní. Á sama tíma
seldi PS3 8.776 eintök og Xbox 360 seldi einungis 2.553 eintök.
Líkt og í Bandaríkjunum seldist PS2 svo betur en PS3 og Xbox 360,
eða í 11.097 eintökum. Nintendo rústaði líka samkeppninni á
lófatölvumarkaðnum, en á áður nefndu tímabili seldi DS 117.193
eintök á meðan PSP seldi einungis 24.711 eintök.
Það er því augljóst að Nintendo er á hraðri siglingu í
Bandaríkjunum og Japan. Því miður eru sölutölur hér í Evrópu ekki
eins aðgengilegar og þær eru vestan hafs og í Austurlöndum fjær,
svo lítið er hægt að spá í tölur hér…
Heimild: Eurogamer
Kveðja,
GameTíví
Iwata og Miyamoto geta ekki annað verið en ánægðir með
árangurinn eins og sést á þessari mynd…
Published in Uncategorized
.
Svessi skellti sér niðrá höfn og fiskaði upplýsingar um DELL
Dimension XPS leikjatölvuna ógurlegu frá Ívari
Loading ...
Nýleg comment