- Ekkert venjulegt sjónvarp
ABC sjónvarpsstöðin tilkynnti á dögunum að væntanlegur væri LOST
tölvuleikur á PS3, Xbox360 og PC. Vanalega eru leikir byggðir á
kvikmyndum eða þáttum settir á sem flestar leikjatölvur til að
tryggja að þeir nái til sem flestra aðdáenda þáttana, og að þessi
leikur komi ekki á PS2 gefur til kynna að tími hennar sé að
enda.
Vonum bara að þessi leikur verði spilanlegur, því að það loðir
nú oft við leiki byggða á kvikmyndum eða þáttum að vera algjört
drasl 
Heimild:joystiq
Nýjustu fregnir herma að nokkrir lykilmenn Electronic Arts í
Kanada hafi yfirgefið fyrri stöður sínar til þess að stofna nýtt
fyrirtæki, Jet Black Games. Starfsmennirnir hafa m.a. komið að
seríum á borð við FIFA, Need For Speed og James Bond. Fyrirtækið
mun einbeita sér að gerð leikja fyrir Nintendo Wii og DS.
Að sögn Roger Freddi, forstjóra og meðstofnanda fyrirtækisins,
er það einna helst Wi-Fi möguleiki leikjatölvanna sem að knýr þá
áfram í þessari sérhæfingu, en þeir stefna að því að gefa út bæði
leiki sem byggja á nýjum hugmyndum og leiki sem byggja á seríum sem
njóta þegar einhverra vinsælda.
Fyrirtækið hefur ekki enn greint frá neinum leikjum sem eru í
bígerð og líklega mun einhver tími líða þangað til svo verður… en
við bíðum spenntir!
Heimild: Joystiq
Kveðja,
GameTíví
Þessar ninjur vinna hörðum höndum að DS og Wii leikjum Jet
Black Studios!
Fyrir stuttu var opnað fyrir glænýtt íslenskt PlayStation
samfélag á síðunni www.psx.is.
Hér geta leikmenn fundið íslenska leikmenn sem eru á PlayStation
netinu, spjallborð, fréttir, leikjadómar, upplýsingar um
PlayStation tölvurnar og margt fleira.
Við Gametíví bræður hvetjum menn til að kíkja þarna inn og skrá
sig í þetta ört stækkandi samfélag.
Kveðja,
Gametíví
“Um leið og ég flauta, þá opnum við síðuna www.psx.is “
Í næsta þætti af Game Tíví dæmum við Stalker, sýnum nýjan
trailer úr Halo 3, kíkjum á nýju uppfærsluna fyrir Gears of War,
ásamt því sem saga Formula One leikjana á PlayStation verður
skoðuð. Ekki missa af þessu í næsta þætti 
Capcom staðfestu fyrir nokkru að Resident Evil 4 væri
væntanlegur á Nintendo Wii í sumar. Þetta er þriðja útgáfan af
leiknum sem kemur á markað, en áður hefur hann komið á GameCube og
svo á PlayStation 2 (sem skartaði aukaefni sem ekki fannst í
GameCube útgáfunni).
Nintendo Wii útgáfan mun innihalda aukaefnið sem PlayStation 2
hafði upp á að bjóða (Seperate Ways, 5 hluta smáleik sem fjallar um
tengsl Ödu Wong við Resident Evil 4) og nýjan trailer fyrir
Resident Evil: Umbrella Chronicles sem væntanlegur er á Wii seinna
á árinu. Þá mun Wii útgáfan vitaskuld styðja Wiimote og nun-chuck
stýripinnana til þess að miða, skjóta, hlaða byssurnar og höggva
mann og annan.
Resident Evil 4 Wii Edition, eins og leikurinn hefur verið
nefndur, verður gefinn út í Japan þann 31. maí næstkomandi. Þar sem
leikurinn mun ekki innihalda efni sem hefur áður verið gefið út í
Evrópu getum við búist við því að sjá hann í sumar eða í haust.
Fyrir þá sem hafa áhuga á að skoða auglýsingarmyndband fyrir
leikinn, þá hafa Capcom verið svo vænir að smella því á japönsku
síðuna sína og má finna það hér.
Heimild: Go
Nintendo
Kveðja,
GameTíví
Svona mun Resident Evil 4 koma til með að líta út á
Wii…
Loading ...
Nýleg comment