Það er æði langt síðan fyrst var tilkynnt um leikinn
S.T.A.L.K.E.R. og hefur leikurinn í raun verið í framleiðslu síðan
árið 2001 og átti upphaflega að koma út 2003. Síðan þá hafa
margir útgáfudagar verið nefndir, en nú nálgast stóra stundin, því
á föstudaginn í næstu viku eða 23.mars kemur leikurinn út..
Sjálfur sá ég kynningu á leiknum árið 2003, og þótti hann lúkka
ágætlega þá, en á þeirri kynningu fór einn af framleiðendum
leiksins hamförum og sýndi hvernig “physics” vél leiksins virkaði
og einnig sýndi hann hvernig menn gætu keyrt Lödu Sport í leiknum
(líklega eini tölvuleikurinn sem hægt er að keyra slíka
sjálfrennireið).
Nú hefur THQ fyrirtækið leyft blaðamönnum að prófa leikinn eins
og hann mun koma til með að líta út og spilast þegar hann
kemur. Í þessari umfjöllun mun ég reyna að koma að
sjónarmiðum hinna ýmsu aðila og vona að útkoman gefi góða mynd af
því hvernig S.T.A.L.K.E.R. komi til með að verða, en við munum svo
gefa honum einkun í Gametíví eftir útgáfu.
Upphaflegi undirtitill leiksins var “Oblivion Lost”, en hann
hefur nú breyst í “Shadow of Chernobyl” og þess má geta að
framleiðendur leiksins fóru til Chernobyl og mynduðu staðinn í bak
og fyrir, þannig að það Chernobyl sem við sjáum í leiknum er byggt
að raunveruleikanum, en rússnesk yfirvöld voru ekki hrifin af
þessu uppátæki framleiðandanna, enda er Chernobyl slysið eitt mesta
vandræðamál í sögu þess ágæta lands.
Söguþráður leiksins er frekar einfaldur. En eins of
flestir vita varð kjarnorkuslys í Chernobyl árið 1986 þar sem allt
nærliggjandi umhverfi varð fyrir skemmdum sökum geislavirkni, en í
dag er svæðið tiltölulega öruggt þar sem búið er að loka á
uppsprettuna með mikilli steypu og dýrum hreinsunaraðgerðum.
Í heimi leiksins verður önnur sprenging í kjarnaofninu árið 2006 og
verður svæðið aftur mengað og lokað af og kallast nú “The
Zone”. Í kjölfarið ríkir mikil ringulreið sem ásamt
óstöðuleika í stjórnmálaástandi skiptir fólkinu uppí þrjár
fylkingar; Herinn, Andspyrnuhreyfing og Stalkers, sem hugsa
bara um sjálfa sig.
Svæðið eða “The Zone” er geislavirk martröð, en jafnframt eru á
svæðinu mikil verðmæti. Þetta er svæði þar sem engin lög ná
til og þeir sem búa þar gera það á eigin ábyrgð og forsendum.
Allir hlutir sem menn finna á svæðinu taka þeir til eignar og selja
öðrum fyrir góðan pening, en það er atvinna Stalkeranna.
Leikmenn fara í hlutverk Stalker og í upphafi leiksins vakna
leikmenn upp og þjást af algjöru minnisleysi. Þér hefur verið
bjargað af öðrum Stalker og þegar þú vaknar hefur þú aðeins eitt
verkefni inná lófatölvunni þinni, og þú manst ekkert hvernig það er
til komið. En verkefni leiksins er að leysa verkefnið og
komast að því hver þú í raun og veru ert.
Heimur
leiksins
Veröld leiksins er 4 x 4 kílómetrar að stærð, en það er töluvert
svæði og innan þess eru aðrir Stalkerar að leysa sín verkefni, dýr
sem hafa afmyndast sökum geislunar vafra um og leita sér að æti,
þjófar fara um og reyna að ræna öllu sem hægt er og margt fleira og
fær maður tilfinningu fyrir að þetta sé mjög raunverulegt og
lifandi svæði.
Upphaflega átti leikurinn að vera algjörlega frjáls í spilun og
áttu leikmenn að geta vafrað um og ráðið sér sjálfir, en núna
spilar söguþráðurinn mikið hlutverk og heldur leiknum
gangandi. En þó að það sé er leikurinn samt mjög opinn þannig
að menn geta gert hlutina á sinn hátt.
Í raun spilast leikurinn mjög svipað og Elder Scrolls IV :
Oblivion, enda er leiknum lýst sem blanda af fyrstu persónu
skotleik og hlutverkaleik.
Svæðið
Í gegnum leikinn munt þú hitta fullt af persónum og samskipti
við þær eru grundvöllur leiksins. Persónur geta látið þig
hafa ný verkefni sem bæði geta fleytt áfram söguþræðinum eða verið
aukaverkefni. Persónur eru einnig uppspretta upplýsinga, en
þegar menn eru að elta aðra Stalkera þurfa þeir að fá upplýsinga um
ferðir þeirra og margt fleira.
Hvernig leikmenn hafa samskipti við persónurnar hefur áhrif á
hvernig gengur í leiknum. Herinn er alltaf óvinveittur þér,
og andspyrnuhreyfingin er yfirleitt mjög jákvæð í garð
Stalkera. Hinsvegar skipa Stalkerar sér í fylkingar og ef þú
grillar í einum meðlimi fylkingar, þá verða hinir fúlir útí
þig. Sumir Stalkerar vinna hinsvegar einir og það hefur engar
afleiðingar að drepa þá og hirða af þeim búnað.
Leikmenn geta einnig átt viðskipti við persónur með hluti og
fengið pening í staðinn, en leikmenn hafa “inventory” skjámynd þar
sem þeir geta raðað hlutunum. En passa verður að vera ekki
með of mikið því þá þreytist Stalkerinn og getur jafnvel orðið of
þreyttur til að ganga, þannig að þarna verður að finna hinn gullna
meðalveg. Til að koma sér aftur í gírinn þarf að borða og
drekka og geta menn fundið allskyns mat og drykkjarföng, en passa
verður að fara varlega í Vodka, því menn fara að sjá tvöfalt eftir
mikla neyslu.
Geislun spilar mikið hlutverk í leiknum, en sagan segir að í
sprengingunni árið 2006 hafi partar af kjarnaofninu skotist um allt
svæðið og þegar þú flakkar um heiminn muntu sjá svæði sem hafa
orðið illa úti og innihalda mikla geislun, en þegar þú labbar inná
þessi svæði byrjar það að hafa áhrif á sjón og hreyfigetu, og ef
menn fara of nálægt muntu verða fyrir eitrun af völdum geislanna
sem leiðir til þess að þú missir heilsu jafnt og þétt. Þannig
að menn verða að reyna að finna sér leið í gegnum svæðin með því að
sneiða framhjá geilsavirkninni.
Í leiknum geta leikmenn fengið fjölda vopna og geta borið eins
mörg og þeir vilja, en passa verður uppá að Stalkerinn verði ekki
of þreyttur.
Það er ljóst að ef THQ hefur náð að eyða út öllum böggum og gera
leikinn 100%, þá er klárt að S.T.A.L.K.E.R. verður einn af leikjum
ársins 2007…og hin langa bið hefur verið þess virði.
Kveðja,
Óli Jó – Gametíví
Loading ...
Nýleg comment