Monthly Archive for February, 2007

Líklega hafa sumir verið að bíða eftir góðri ástæðu til þess að
kaupa sér Xbox 360, og hver veit nema Microsoft gefi eina slíka
bráðlega. Margir hafa kvartað sáran undan því hversu lítill harði
diskurinn sem fylgir premium pakkanum er og aðrir hafa kvartað
undan því að ekki að þótt vélin styðji núna fulla háskerpuupplausn
(1080p) þá vanti enn HDMI tengi aftan á vélina.

Það hafa verið þrálátir orðrómar um að ný útgáfa af Xbox 360 sé
í bígerð undanfarna mánuði sem inniheldur bæði stærri harðan disk
og HDMI tengið og nú virðist sem eitthvað sé að skýrast í
þeim málum. Fréttamiðlarnir 1UP og Game Informer hafa verið að
skrifa um þetta mál undanfarna daga. Segir 1UP að ástæðan á bak við
nýlegri lækkun Microsoft á viðmiðunartölum Xbox 360 sendinga út í
heim sé að þeir séu að rýma fyrir nýju módeli. Game Informer gekk
lengra í þessu máli og fékk staðfestingu frá nokkrum söluaðilum
vestanhafs um að nýr pakki sé væntanlegur 1. maí næstkomandi.

Þetta nýja Xbox 360 módel á að innihalda 120GB harðan disk og
HDMI tengi og á að kosta 479,99 dollara, en það er um 20 dollurum
minna en PS3 með 20GB hörðum disk kostar úti. Þannig munu Microsoft
finna sér höggstað á andstæðing sínum og hugsanlega nappa til sín
kúnna sem áður höfðu verið að spá í PlayStation.

Lítið hefur þó heyrst af því hvenær þetta nýja módel kemur til
Evrópu. Microsoft hafa reyndar sjálfir neitað að tjá sig um þetta
mál og vilja ekkert staðfesta í þessum efnum. Ef þetta reynist rétt
munum við líklega heyra meira á næstu mánuðum.

Heimild: Joystiq

Kveðja,

GameTíví

Deila/Frétt

Þekkir einhver til Aqua Teen Hunger Force? Franskar kartöflur,
kjötbolla og mjólkurhristingur leika þar aðalhlutverkin… hljómar
það kunnuglega?

Allaveganna, það er að koma leikur sem byggður er á þessari
vinsælu Cartoon Network seríu (og væntanlegri kvikmynd) á
PlayStation 2. Engin skjáskot eru komin úr leiknum, en annar
meðskapandi seríunnar, Dave Willis, lýsti þó leiknum sem nokkurs
konar “bardagagolfleik” í viðtali við G4 sjónvarpsstöðina.
Leikurinn á einnig að innihalda illmenni, ofbeldi og afsagaðar
haglabyssur. Í golfleik. Ömm, já.

Hvort þetta sé svo satt er allt annað mál, því bæði Willis og
hinn meðskapandi seríunnar, Matt Maiellaro, eiga víst til að vera
undirförlir og óheiðarlegir í viðtölum. Þetta eru þó einu
upplýsingarnar sem við höfum og því verðum við bara að halda okkur
við þær. Leikurinn er væntanlegur seinna á árinu, einhvern tímann á
þriðja ársfjórðungi (ágúst-sept-okt).

Heimild: Joystiq

Kveðja,

GameTíví

Deila/Frétt

Við sögðum frá því fyrir stuttu að Grand Theft Auto: Vice City
Stories væri á leiðinni á PS2. Núna hafa Rockstar losað enn frekar
frá skjóðunni og afhjúpað þær breytingar sem leikurinn fer í gegnum
í yfirfærslunni af PSP og yfir á PS2. Þar að auki hafa þeir
staðfest að hann verði með lægri verðmiða en hefðbundnir
leikir.

Grafíkin hefur verið bætt til þess að hún sómi sér sem best í
PS2, en einnig hefur svokallað “draw-distance”, þ.e.a.s. sú
vegalengd sem hlutirnir birtast á skjánum, hefur verið lengd og
leikurinn mun keyra mun betur yfir höfuð en hann gerði á PSP. Aftur
á móti þurftu Rockstar að skafa fjölspilunina úr leiknum vegna þess
hversu ólíkar PSP og PS2 eru hvað netspilun varðar.

PS2-útgáfan af Vice City stories kemur út 9. mars næstkomandi…
ekki nema 3 vikur í gripinn!

Heimild: Eurogamer.net

Kveðja,

GameTíví

Deila/Frétt