Monthly Archive for February, 2007

EA Los Angeles hefur
sett prufu af Command & Conquer 3 Tiberium Wars á
netið.

Prufan inniheldur
:

Eina
kennsluherferð

• Tvær herferðir úr
  söguþræði leiksins með myndskeiðum
• Fjölspilunarborð með
  mismunandi erfiðleikastillingum
• Sýnishorn úr leiknum
  þar sem flestir leikarar hans koma fram, en þar á meðal eru Tricia
  Helfer, Josh Holloway, Joe Kucan, Michael Ironside, Jennifer
  Morrison, Billy Dee Williams og Grace Park.

Prufuna má nálgast á
eftirfarandi slóð :

http://www.commandandconquer.com/intel/default.aspx?id=25 

Nú er það svart…eða öllu heldur grænt…Tiberium útúm
allt…

Deila/Frétt

Óvæntur glaðningur beið í pósthólfum þeirra sem vel fylgjast með
nýjustu fregnum í leikjaheiminum, en Sierra sendi í morgun út
tilkynningu um að nýs leiks væri að vænta í hinni vinsælu Empire
Earth seríu. Þetta ættu að vera góðar fréttir fyrir alla aðdáendur
seríunnar.

Að sögn Sierra mun leikurinn bylta rauntímaherkænskuleikjum, en
spilendur munu berjast ekki berjast fyrir yfirráðum lítils
landsvæðis heldur jarðarinnar allrar. Þá mun leikurinn einnig bjóða
spilendum að halda her sínum eftir bardaga, en upp á þetta hefur
ekki verið boðið í öðrum sambærilegum leikjum.

Empire Earth III er þróaður af Mad Doc Software, sömu aðilum og
gerðu Empire Earth II. Stefnt er að því að gefa leikinn út á PC
næsta haust.

Kveðja,

GameTíví

Deila/Frétt

Við sögðum frá því í gær að Electronic Arts hefði í hyggju að
endurvekja Wing Commander seríuna gömlu með nýjum leik, Wing
Commander Arena. Þeir hafa nú staðfest þetta og gott betur, gefið
út lýsingu á leiknum. Leikurinn stefnir á Xbox Live Arcade og mun
aðallega einblína á fjölspilun.

Allt að 16 manns geta spilað á móti hvor öðrum í leiknum í bæði
liðaleikjum sem og “free-for-all” leikjum, þar sem allir spila gegn
öllum. Ásamt þessum tveimur leikjahömum verður einnig hægt að spila
í einspilun og einn á móti einum.

Wing Commander Arena er geimbardagaleikur þar sem fólk getur
flogið um í sérsniðnum geimskipum og skotið geislum, tundurskeytum
og þyngdaraflssprengjum að óvinum sínum.

Heimild: Yahoo! Finance

Kveðja,

GameTíví

Deila/Frétt

Hver man ekki eftir Wing Commander? Og nei, þá erum við ekki að
tala um þá hryllilegu kvikmynd sem gerð var eftir leikjunum. Wing
Commander var aðalstálið þegar kom að geimbardögum, og Wing
Commander III og þeir leikir sem komu eftir á höfðu meira að segja
gamla geimgengilinn Mark Hamill í broddi fylkingar í hlutverki
Christopher “Maverick” Blair. Síðasti Wing Commander leikur kom út
fyrir 10 árum, en það var leikurinn Wing Commander: Prophecy (sem
að vísu kom í GBA útgáfu árið 2003).

Svo virðist sem þessi sería sé að vakna til lífsins því á
heimasíðu ESRB er leikur að nafni “Wing Commander Arena” listaður
yfir væntanlega leiki, og er hann skráður í útgáfu hjá Electronic
Arts.

Þá eru það stóru spurningarnar: Verður leikurinn í anda gömlu
leikjanna? Eða ætlar EA að hagræða leiknum til þess að koma honum
inn á Xbox Live Arcade? Munum við sjá gömlu leikarana í hlutverkum
eða verða kannski engin myndbönd? Og hver í ósköpunum mun þróa
leikinn?

Það eina sem við getum gert er að bíða eftir að EA leysi frá
skjóðunni og fari að segja okkur eitthvað…

Heimild: Eurogamer.net

Kveðja,

GameTíví

“Ég veit ekki hvort mér líkar betur við: X-wing eða þennan
fallega Wing Commander búning…”

Deila/Frétt

Hver segir að tölvuleikir séu ekki til góðs? Samkvæmt nýrri
rannsókn sem fram fór í New York þá hafa tölvuleikir áhrif á
skurðlækna sem vinna með nákvæmnistæki eins og ljósatúbur og örsmáa
skurði sem krefjast lítilla tækja og nota einungis sjónvarp til
þess að framkvæma.

Það voru 33 læknar á Beth Israel Medical Center í New York sem
tóku þátt í rannsókninni. 9 læknar höfðu spilað tölvuleiki að
minnsta kosti 3 tíma í hverri viku en þeir voru með 37% færri
villur, framkvæmdu 27% hraðar og fengu 42% hærri stigafjölda í
prófum en þeir 15 skurðlæknar sem höfðu aldrei spilað tölvuleiki.
Fyrri rannsóknir höfðu sýnt fram á að tölvuleikir höfðu jákvæð
áhrif á fínhreyfingar og innsæi en engu að síður kom niðurstaðan
rannsakendum skemmtilega á óvart.

Samkvæmt einum skýrslugerðarmanninum gætu tölvuleikir verið
hjálpsöm viðbót við þá kennslu sem skurðlæknar fá nú þegar. En
þetta þýðir vitaskuld ekki að tölvuleikir séu eitthvað töframeðal
og hjálpi hverjum sem er að komast í gegnum læknaskólann. Fólk þarf
vitaskuld að læra vel fyrir það eins og hvert annað.

En hver veit, kannski gæti skurðlæknaleikurinn Trauma Center á
Nintendo DS eða Wii orðið einhverjum skurðlæknum til gagns við að
bæta sig, þó svo að leikurinn útskrifi þá ekki.

Heimild: Eurogamer.net

Kveðja,

GameTíví

Skyldi Nintendo DS vera hentugt kennslutæki í
skurðlækningum?

Deila/Frétt