Game Tíví

RedOctane fyrirtækið sem gerir Guitar Hero leikina ætlar að
halda áfram að gera þá á PlayStation 2 svo lengi sem tölvan 
heldur áfram að seljast. 

“PlayStation 2 tölvan var ein af söluhæstu tölvunum árið 2006,
og okkar tilfinning er að Sony haldi áfram að markaðssetja og
selja tölvuna áfram í ár og einnig 2008″, sagði Dusty Welch hjá
RedOctane.

“Við munum gera leikinn á þær tölvur sem eru að seljast í hvert
skipti”

Enn sem komið er hefur Guitar Hero aðeins komið á PlayStation 2,
en Xbox 360 útgáfa er í framleiðslu og kemur út í vor.

Skipt hefur verið um framleiðanda, en fyrstu tveir leikirnir
voru gerðir af Harmonix fyrirtækinu, en næstu leikir verða gerðir
af Neversoft, en þeir eru þekktastir fyrir Tony Hawk
leikina. 

Einnig sagði Dusty Welch að næsti Guitar Hero verði jafnvel ekki
tileinkaður rokkinu, og hafa heyrst raddir að hann verði í 80’s
stíl.

Heimild: Gamesindustry.biz

Kveðja,

Óli Jó

Maður þarf að lúkka til að spila á
gítarinn..

Sony hefur staðfest að PlayStation 3 verði gefin út í Evrópu
23.mars næstkomandi og mun 1 milljón tölva verða til á fyrsta
degi.

Verðið í Bretlandi verður 425 pund (57.900 ISK), en 599 Evrur
(53.700) annarsstaðar í Evrópu nema Írlandi, þar sem hún mun kosta
629 Evrur.  Ekki hefur verðið á Íslandi verið staðfest að svo
stöddu.

Aðeins 60GB útgáfa tölvunnar verður fáanleg fyrst um sinn, en
20GB útgáfan mun líklega verða fáanleg seinna á árinu, en það
mun velta á eftirspurn.  Ástæðan fyrir því er sögð
vera að Sony er að mæta þörfum neytenda og smásala.

Sony hefur sagt að 1 milljón eintaka verði fáanleg í upphafi, en
sú tala er það markmið sem Sony hefur sett sér.  Í samanburði
má geta að 325,000 Nintendo Wii vélar voru fáanlegar á fyrsta degi
í Evrópu og 300,000 Xbox 360 vélar.  Þannig að ef Sony tekst
að ná markmiðum sínum munu þeir hafa fleiri vélar á markaði á
fyrsta degi en keppinautarnir höfðu til samans.

Enn er ekki vitað hversu margar vélar munu koma til landsins, en
búast má við sæmilegu magni.

Fjöldi leikja verður fáanlegur á útgáfudegi í Evrópu eða meira
en 30 stk.  En þeir eru :

• Resistance: Fall of Man – SCEE – Disc
• MotorStorm – SCEE – Disc
• Genji: Days of the Blade – SCEE – Disc
• FORMULA ONE CHAMPIONSHIP EDITION – SCEE – Disc
• Ridge Racer 7 – SCEE – Disc
• Tekken: Dark Resurrection – SCEE – Network
• Lemmings – SCEE – Network
• Go! Sudoku – SCEE – Network
• Go! Puzzle – SCEE – Network
• Blast Factor – SCEE – Network
• flOw – SCEE – Network
• Super Ruba’Dub – SCEE – Network
• Call of Duty 3 – Activision UK Ltd – Disc
• Marvel: Ultimate Alliance – Activision UK Ltd -
  Disc
• Tony Hawk’s Project 8 – Activision UK Ltd – Disc
• Gundam  Target in Sight – Namco Bandai Games -
  Disc
• Full Auto 2: Battle Lines – Sega Europe Ltd – Disc
• Sonic the Hedgehog – Sega Europe Ltd – Disc
• Virtua Fighter 5 – Sega Europe Ltd – Disc
• Virtua Tennis 3 – Sega Europe Ltd – Disc
• World Snooker Championship 2007 – Sega Europe Ltd -
  Disc
• NBA 2K7 – Take 2 International SA – Disc
• NHL 2K7 – Take 2 International SA – Disc
• Blazing Angels Squadrons of WWll – Ubisoft
  Entertainment SA – Disc
• Enchanted Arms – Ubisoft Entertainment SA – Disc
• Tom Clancy’s Splinter Cell: Double Agent – Ubisoft
  Entertainment SA – Disc
• The Elder Scrolls lV: Oblivion – Ubisoft Entertainment
  SA – Disc
• Def Jam: Icon – Electronic Arts Ltd – Disc
• Fight Night Round 3 – Electronic Arts Ltd – Disc
• NBA Street 4 Homecourt 2007 – Electronic Arts Ltd -
  Disc
• Need for Speed Carbon – Electronic Arts Ltd – Disc
• The Godfather: The Don’s Edition – Electronic Arts Ltd
  - Disc
• Tiger Woods PGA Tour 2007 – Electronic Arts Ltd -
  Disc
• Untold Legends: Dark Kingdom – Electronic Arts Ltd -
  Disc
• F.E.A.R. Vivendi – Universal Games Intl SA – Disc
• Gripshift – Sony Online Entertainment -
  Network

Heimild: Gamesindustry.biz

Motorstorm
verður meðal þeirra leikja sem koma út á sama tíma og
vélin..

World of Warcraft Burning Crusade er kominn í annað sætið yfir
þá PC leiki sem selst hafa hvað hraðast frá upphafi, en hann er
kominn í efsta sæti allra vinsældarlista og var í raun 30% af allir
PC leikjasölu í síðustu viku.

Engin almennileg útgáfa var samhliða WOW BC þannig að hann átti
auðvelt með að klifra uppí efsta sætið í Bretlandi, Lost Planet á
Xbox 360 fór niður í annað sætið og Wario Ware Smooth Moves fór
niðrí það þriðja..

En talsmenn Blizzard fyrirtækisins sem gerir World of Warcraft,
hafa tilkynnt að næsti netleikur fyrirtækisins muni ekki snúa að
Warcraft heiminum, og verður því spennandi að fylgjast með hvar
þeir taka næst niður, en þeir eiga heima á borð við StarCraft,
Diablo og fleiri…

Heimild: Eurogamer.net

Kannski að þú snyrtir aðeins augnbrúnirnar…og
kannski aðeins af eyrunum..þá er ég góður..

Þá er maður kominn með PlayStation 3 í hendurnar og munum við
Sverrir velja nokkra áhorfendur Gametíví á næstunni til að prófa
hana með okkur, en aftur að því síðar.

Ég verð að segja að ég er nokkuð hrifinn við fyrstu sýn. 
Vélin er flott í útliti, heyrist sama og ekkert í henni (meðan Xbox
360 hljómar eins og loftræstikerfi í háhýsi), valmyndarkerfið er
flott (alveg eins og í PSP) og leikirnir sem ég hef prófað nokkuð
góðir, en reyndar misjafnir.

Leikirnir sem ég er með eru Genji, Resistance Fall of Man,
Marvel Ultimate Alliance, Tony Hawk og Gundam.  Það er klárt
að Resistance er laaaaang best leikurinn af þessum, enda gefinn út
af Sony og gerður af þeim sem gerðu Ratchet & Clank
leikina.  Hinir eru mjög svipaðir og þeir eru á Xbox 360.

Svo er það BluRay, ég er búinn að horfa á Black Hawk Down í
BluRay og þvílík gæði í myndinni.  Ég varla trúði hvað þetta
er flott, þannig að BluRay og HD DVD eiga eftir að verða snilld,
ekki spurning.

Að lokum þá fór ég á netið í vélinni, en í henni er net browser
og svo geta menn farið í PlayStation store og hlaðið þar niður
demóum úr leikjum, trailerum úr leikjum og bíómyndum og fullt af
aukastöffi..  PlayStation búðin er þægileg í notkun og virkar
vel, sérstaklega kom það mér á óvart að hraðinn í downloadi úr
búðinni er ótrúlegur.

Einnig er hægt að downloada PlayStation 1 leikjum í búðinni og
spila þá í PSP vélinni. 

Þannig að fyrsta “impression” á PlayStation 3 er mjög góð, en ég
mun láta ykkur vita þegar ég er búinn að prófa meira.  Einnig
munum við fjalla á næstunni ítarlega um PlayStation 3 í Gametivi og
við munum einnig bjóða nokkrum áhorfendum að prufa hana með
okkur.

Kveðja,

Óli Gametíví

°
Valmyndakerfi PlayStation 3 minnir mikið á
PSP…

Mikið hefur verið rætt um að það vanti góða leiki í PSP, það er
rétt að þeir mættu vera fleiri, en hinsvegar er nóg af góðum
leikjum til að halda manni heitum í fleiri mánuði.  Hér að
neðan eru nokkrir af mínum uppáhaldsleikjum í PSP.

Grand Theft Auto Vice City Stories

Væntanlega metnaðarfyllsti PSP leikurinn og af mörgum talinn
næst besti GTA leikurinn af öllum.  Frábær skemmtun með góðri
grafík og góðum húmor

Vice City lúkkar vel seinni partinn…

Syphon Filter Dark Mirror

Þetta er væntanlega uppáhalds leikurinn minn, en hann er þriðju
persónu skotleikur þar sem leikmenn fara í hlutverk njósnarans Gabe
Logan og nokkurra aðstoðarmanna hans.  Grafíkin er snilld,
söguþráðurinn geggjaður og hreinlega leikur sem gefur PlayStation 2
leikjum ekkert eftir.

Kláralega besti PSP leikurinn í dag.  Ótrúlega
flott grafík og skemmtileg spilun..

LocoRoco

Frumlegasti og einn af betri leikjunum á PSP, en hér fara
leikmenn í hlutverk plánetu sem getur hreyft sig til að koma litlum
svokölluðum LocoRoco frá einum stað til annars.  Erfitt að
lýsa leiknum, maður verður að prófann til að upplifa leikinn.

Undarlegur en algjör snilld..

Pro Evolution Soccer 6

Besti fótboltaleikurinn á PSP.  Leikurinn er nánast eins og
PlayStation 2 útgáfan og geta menn skorað á aðra, ásamt því að hægt
er að spila fullkomið Master League Mode.  Ótrúlega vel
heppnaður.

Ég er svo góður að menn fara á hnén mér til
heiðurs..

Lumines

Snilldar þrautaleikur sem að er ótrúlega
ávanabindandi…hrikaleg snilld.  Góð tónlist, einfaldur og
flottur þrautaleikur.

Þrautaleikur sem gefur Tetris og öðrum slíkum ekkert
eftir..

Football Manager 2007

Skemmtilega einföld útgáfa af Football Manager leiknum. 
Hér geta leikmenn spilað tímabilin snöggt, þar sem leikurinn er
einfaldur og minnir dálítið á eldri CM leiki.

Einfaldur, hraður og ávanabindandi..

Killzone Liberation

Ótrúlega flottur og “stylish” leikur sem spilast í svona “top
down” sjónarhorni.  Leikurinn blandar saman strategy og
hasar.  Einn af betri leikjunum á PSP.

Hér geta leikmenn stýrt farartækjum og gefið
liðsmönnum skipanir..

Daxter

Besti Platformleikurinn á PSP, klárlega einn af betri PSP
leikjunum.  Hér fer Daxter á kostum, enda hrokafullur og
fyndinn.  Leikur sem er gerður af höfundum Jak og Daxter
leikjanna.

Daxter harður…logandi afturendi..

Ég get nokkurnveginn ábyrgst að menn fíla þessa leiki, það er að
segja ef þeir fíla hverja tegund þeirra fyrir sig.  En þetta
eru allavega mínir uppáhalds.

Kveðja,

Óli Jó
Gametíví