- Ekkert venjulegt sjónvarp
Við Gametíví bræður óskum ykkur Gleðilegra jóla og minnum á
áramótaþáttinn á fimmtudaginn, þar sem farið verður yfir helstu
toppleiki ársins og rifjaðir upp margir raunveruleikir, heimsóknir
og margt fleira.
Gleðileg jól og farsælt komandi nýtt leikjaár !!
Jólakveðja,
Óli og Svessi
Það er mikið fjör á jólunum í Gametíví
landi..
Sierra fyrirtækið er að vinna að nýjum Larry leik sem mun nýta
Wii stýripinnana á mjög nýstárlegan hátt.
Larry hefur verið aðalpersónan í fjölda leikja, en hann er
sköllóttur maður á fimmtugsaldri sem er alltaf að reyna við ungar
og aðlaðandi konur.
Vinsældir Larry leikjanna hafa verið mismunandi, en grafíkin
hefur alltaf farið batnandi, enda eru leikirnir alltaf bannaðir
innan 18 ára. Í nýja leiknum sem er væntanlegur á næsta ári
og mun heita “Leisure Suit Larry : Upstanding Citizen” verður Wii
stýripinninn notaður á mjög einstakan hátt og þurfa leikmenn að
gleðja konurnar svo þær missi ekki áhugan.
Án þess að fara mjög ítarlega í málið, þá á þessi leikur eflaust
eftir að valda miklu umtali, sérstaklega þegar leikmenn fara að
skaka sér með pinnan til að valda stuði á ýmsum stöðum.
Eða eins og Sverrir Stormsker sagði : “Sjálfs er höndin
hollust…sú hægri yfirleitt..”
Ég get ekki beðið eftir nýja Larry leiknum…Wiii
Wiiii
Eftir að hafa náð að endurreisa Tomb Raider leikina, með leiknum
Tomb Raider Legend, ætlar Eidos fyrirtækið að halda ótrautt áfram
með hina barmamiklu mær, Löru Croft.
Samkvæmt Ian Livingstone hjá Eidos mun “næstu kynslóðar” Lara
vera svakaleg.
“Ég hef séð módelin sem verða notuð í næsta leik og þau voru
eins og maður væri að horfa á sjónvarpið. Ef þú hélst að þú
værir orðinn ástfangin af Löru Croft…þá er ljóst að það vara bara
byrjunin. Þú átt eftir að slefa þegar þú sérð næstu útgáfu af
Löru.”
Ekki er vitað hvenær næsti Tomb Raider leikur kemur út, en í
millitíðinni verður gefinn út 10 ára afmælisleikur eða Tomb Raider
10th Anniversary.
Hvað finnst ykkur um Löru Croft, er hún búin að vera eða á hún
og hennar konunglegu svalir ennþá séns ? 
Lara Croft á sjötugsaldri…það er eins og það vanti
eitthvað…
Sony er í viðræðum við www.amazon.com, MovieLink og
CinemaNow um að bjóða PSP eigendum að hlaða niður kvikmyndum og
er ætlað að þessi þjónusta fari í gang snemma á næsta ári.
Myndunum yrði hlaðið niður á PC vél og svo færðar þaðan yfir á
“memory stick” PSP tölvunnar.
Þetta virðist vera síðasti naglinn í kistu UMD mynda þar sem
stóru kvikmyndaverin eru að endurskoða afstöðu sína til UMD
disksins sem format fyrir kvikmyndir, en sala á myndum á UMD hefur
verið slöpp.
Það verður spennandi að fylgjast með þessu..myndi verða svalt
!!
“Skyldi ég vera búinn að vera ?”
Við spurðum í könnuninni hvaða tölva myndi vinna
leikjatölvustríðið. Það tóku rúmlega 1300 manns þátt og eru
þetta niðurstöðurnar :
14% Xbox 360
62% PlayStation 3
24% Nintendo Wii
Hvað finnst ykkur ? Er eitthvað að marka þetta, eða gefur
þessi niðurstaða ranga mynd ?
Leikjatölvustríðið heldur áfram..
Á dögunum héldu Square Enix fyrirtækið kynningu í Japan..Eftir
að hafa sýnt atriði úr Final Fantasy XIII, sýndu þeir Kingdom
Hearts 2 trailerinn og í lok hans stóð “New Project Starting in
2007″ sem gefur til kynna að kvikindin séu að spá í Kingdom Hearts
3, en textinn var allur stjörnum stráður og svo kom hann beint á
eftir KH 2 trailernum, þannig að líkurnar eru sterkar.
Svo gæti þetta bara verið óskhyggja og þeir séu að tala um
eitthvað allt annað…en engu að síður yrði Kingdom Hearts 3 leikur
ofursvalur..
Kveðja,
Óli Jó
“Við erum geggjað svalir…Ég, rottan og
öndin..”
Sökum þess að Wii stýripinnarnir eru gjarnir að renna fólki úr
greipum í orðsins fyllst merkingu hefur erótísk verslun ein í
Austurríki komið með bráðskemmtilega lausn sem tryggja ætti að
stýripinninn haldist í hendi..
Spurning hvort Nintendo ætti að sækja um einkaleyfi á þessari
mögnuðu hugmynd ?
ÓÞJ
“Wii have a problem..” – Setjum öryggið á
oddinn..
Sony hefur sagt að þeir muni ná að framleiða meira en 2
milljónir véla fyrir lok ársins, þrátt fyrir að hafa lent í
vandræðum með framleiðsluna í upphafi.
Á blaðamannafundi í Japan sagði forstjóri Sony, Ryoji Chubachi :
“Það er rétt að það tók okkur tíma að koma PlayStation 3 í
fjöldaframleiðslu þar sem framboðið á bláum laser var of
lítið.”
En hann sagði síðan í framhaldinu að sala vélarinnar væri eftir
væntingum og þeir muni halda áætlun með að gefa vélina út í Evrópu
í mars á næsta ári.
ÓÞJ
Chubachi og Howard Stringer í banastuði á
blaðamannafundi…Allavega Chubachi, því Howard Stringer virðist
vera sofnaður..
Í næsta þætti verður nokkurskonar yfirferð yfir helstu leikina
fyrir jólin. Farið verður yfir heitustu leikina í helstu
flokkum leikja s.s. bílaleiki, hasarleiki og platformleiki.
Einnig verða 5 verstu leikirnir valdir.
Einn heppinn sem sendir okkur SMS-ið GTV Jol í
númerið 1900 (kostar 99 kr.) getur valið sér 5 leiki úr þessum
jólaleikjum.
Þar fyrir utan er græja vikunnar, nýtt myndband úr leiknum Army
of Two sem verður einn af leikjum næsta árs, bloggið verður tekið
fyrir þar sem við svörum ykkar athugasemdum og margt fleira.
Nú er bara að fylgjast með en þátturinn er sýndur á morgun
fimmtudag kl. 19:30.
Kveðja,
Brödrene Gametíví
Ég er svo spenntur fyrir næsta þætti að ég ákvað að
tríta mig með melónu…
Loading ...
Nýleg comment